Genese 3:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Yehowa Nzambi wakamba ne, Monai, mulume wakulua bu umue wetu, udi mumanye malu mimpe ne malu mabi, bua yeye kolodi tshianza tshiandi bua kuangateye mamuma a mutshi wa muoyo, wadia, wikala ne muoyo tshiendelele,

MUKANDA WA MYIDI MUKULU

²² Pashishe Maweja-Nangila Mvidi Mukulu kuamba ne: “Monayi, muntu wenji bu umue wa ku tuetu, watufuanyi ku dijingulula dia malu mimpe ne mabi. Mbimpe kumukandika bua kuolodi tshianza tshiende ku mutshi wa muoyi. Yeye mupole tshimuma, mutshidie neashale ne muoyi kashidi.”

Genese 3:22 교차 참조

Genese 1:26

Nzambi wakamba ne, Tuenze muntu ne tshifuanyikishi tshietu mufuanangane nʼetu, balue bakokeshi ba minyinyi ya mu mai manene ne ba nyunyu ya mulu, ne ba bimuna, ne ba buloba buonso, ne ba tshintu tshionso tshidi tshidikoka hanshi.

Genese 2:9

Yehowa Nzambi wakamenesha mitshi yonso idi buimpe ku mesu ne idi mimpe bua kudia mu buloba, mutshi wa muoyo kabidi wakadi munkatshi mua budimi, ne mutshi wa lungenyi lua kujingulula malu mimpe ne malu mabi.

Genese 3:21

Yehowa Nzambi wakatelela Adama ne mukashi wandi bivualu bia biseba, wakabaluatshishabi.

Genese 3:23

Yehowa Nzambi wakamuihata mu budimi bua Edene, bua kuihileye buloba buakafumeye.

Genese 3:5

bualu bua Nzambi udi mu manye ne, Hanuadia mamuma au, mesu enu neabuluke, nenuikale bu Nzambi, nenumanye malu mimpe ne malu mabi.

Misambu 22:26

Badi ne mitshima mihuekele nebadie, nebûkute; badi bakeba Yehowa nebamutumbishe. Mitshima yenu ikale ne muoyo tshiendelele!

Nsumuinu 3:18

Adi mutshi wa muoyo kudi badi bâkuata mu bianza; bonso badi bâkuata bikole badi ne disanka.

Yirmeya 22:23

Wewe udi mushikame ha mukuna wa Lebanona, udi wibaka disua diebe mu mitshi ya cèdre, mona bu muwajinga kufuidibua luse halua didinyenga kukukuata, bu kanyinganyinga ka mukashi udi wamba kulela!

Didimanyisha 2:7

Udi ne matshu unvue budi Nyuma wambila ekelesia. Kudi udi uhita bukole, kudi yeye mene, nemuhe bua kudieye mutshi wa muoyo udi mu Paladiso wa Nzambi.

Didimanyisha 22:14

Disanka didi kudi badi buvua mayeka abo, bua bobo bikale ne bukokeshi bua kuluabo ku mutshi wa muoyo, ne bua kubuela ku bibi munda mua musoko.

Didimanyisha 22:2

munkatshi mua musesu wa musoko. Ku muelelu eu wa musulu ne ku muelelu wawa kuakadi mutshi wa muoyo, ukuama mamuma nsanzu dikumi ne abidi, ukuama mamuma au ku ngondo ku ngondo; mabeshi a mutshi akadi bua kuondaha nʼau bisamba.