Genese 3:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yeye wakambila mukashi ne, Nentambe kuvudisha didinyenga diebe ne kuimitshishibua kuebe neulele bana ne didinyenga, mutshima webe newikale kudi mulume webe, yeye neikale ne bukokeshi ku mutu kuebe.

MUKANDA WA MYIDI MUKULU

¹⁶ Maweja-Nangila Mvidi Mukulu kuambila mukaji ne: — Pawimita difu nenkuvudijile makenga. Neulele bana anu mu dikenga. Kabidi, newikale utuma mwoyi webe anu kudi bayebe, yeye neikale mfumuebe.

Genese 3:16 교차 참조

Genese 4:7

Biwenza bimpe, kuena ubanduluka, anyi? Kadi biwokala kuyi wenza bimpe, bualu bubi budi bualamina ku mbelu kuebe, mutshima wa bubi newikale kudi, kadi wewe ubukokeshe.

1 Kulondolola 4:9

Yabesa wakatamba bana babo mu butumbi; mamu wandi wakamuidika dina ne, Yabesa, wamba ne, Nakamulela ne kanyinganyinga.

Estere 1:20

Hashishe, hatumabo mukenji eu wa mukelenge ku nseke ya bukelenge buandi yonso, bualu bua budi bunene, bakashi bonso, ne banene ne bakese, nebatumbishe babayabo.

Misambu 48:6

Dizakala diakabakuataku; kanyinganyinga kakabakuata bu ka mukashi udi ne didinyenga dia ha kuleleye.

Yeshaya 13:8

ne bobo nebakuatshike buowa. Makenga ne tunyinganyinga nebibakuate; nebikale ne dikenga bu mukashi udi ne didinyenga dia ha kuleleye, Nebatangilangane muntu ne muntu ne ditshina, mpala yabo mikale bu mpala miteme ne kahia.

Yeshaya 21:3

Nunku tshimono tshianyi tshiakûla tente ne kanyinganyinga, didinyenga diakunkuata, bu dia mukashi udi ne didinyenga dia ha kuleleye. Nakulua mukobame, ne bua muanda eu tshiena mua kunvua; nakukuatshika buowa, ne bua muanda eu tshiena mua kutangila.

Yeshaya 53:11

Yeye neamone kanyinganyinga ka muoyo wandi, neasanke; muntu wanyi muakane neavuishe bantu bangi bakane ne kumanya kuandi kua Nzambi, neabatuadile malu mabi abo.

Yirmeya 13:21

Newambe tshinyi hatekabo bantu ha mutu hebe baudi mumane kuyisha bua kuikalabo balunda bebe? Kanyinganyinga kakena kakukuata bu didinyenga dia mukashi udi wamba kulela, anyi?

Yirmeya 22:23

Wewe udi mushikame ha mukuna wa Lebanona, udi wibaka disua diebe mu mitshi ya cèdre, mona bu muwajinga kufuidibua luse halua didinyenga kukukuata, bu kanyinganyinga ka mukashi udi wamba kulela!

Yirmeya 4:31

Bualu bua nakunvua dî bu dia mukashi udi mukuatshike ne didinyenga dia kulela, kanyinganyinga kandi bu ka mukashi udi wamba kulela muanʼandi wa diambedi. Didi bu muadi wa muana mukashi wa Siona, udi uhuyakana, udi wolola bianza biandi ne, Mulau wakunkuata! Bualu bua mutshima wanyi udi muhungile ku mpala kua banshihi banyi.

Yirmeya 49:24

Damaseke wakulekela, udi utshunguluka bua kunyemeye, kuzakala kudi kumukuata; majia ne kanyinganyinga bidi bimukuata bu mudi mukashi mukuatshike didinyenga dia ha kulela.

Yirmeya 6:24

Tuakunvua lumu luabo, bianza bietu bidi bilembelesha; kanyinganyinga kakutukuata bu didinyenga dia mukashi udi wamba kulela.

Dibadika 30:13

Mulume wandi udi mumanye mua kujadika kudi tshiha kuandi kuonso anyi mei andi onso, anyi udi mua kumusha malu au ne malu a hatuhu.

Yowanane 16:21

Hatshidi mukashi mukuatshike ha kulela, udi ne kanyinganyinga, bua diba diandi diakufika; kadi haleleye muana, kena uvuluka kabidi kanyinganyinga, bualu bua disanka diandi ne, Muntu wakuledibua ha buloba.

1 Korente 11:3

Kadi ndi musue nuenu numanye ne, Mutu wa mulume yonso udi Kilisto, ne mutu wa mukashi udi mulume, ne mutu wa Kilisto udi Nzambi.

1 Korente 14:34

bakashi bahue mu ekelesia; bualu bua kabena bitabusha bua bakashi bakulemu, kadi bikale ku nyima kua balume bu mudi mikenshi yamba.

1 Korente 7:4

Mukashi wa muntu kena ne bukokeshi bua mubidi wandi, anu mulume wandi udi nʼabu; muomumue kabidi, mulume kena ne bukokeshi bua mubidi wandi, anu mukashi wandi udi nʼabu.

Kolose 3:18

Nuenu bakashi, nukokele babayenu, ke budi buakane mu Mukelenge.

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

1 Timote 2:13

Bualu bua Adama wakafukibua diambedi, ne hashishe Eva;

1 Timote 2:15

Kadi yeye neasungidibue mu kulela kuandi kua bana, bikala bakashi bananukila mu ditabusha ne mu dinanga ne mu malu a tshijila adi ne buhuekele.

Tite 2:5

bua kuikala ne meshi mahuekele; bua kuikala kabai ne meshi a tshiendenda; bua kusala mudimu wa mu nsubu yabo; bua kuikala bimpe; kukokela babayabo, bualu bua dî dia Nzambi kadihendibu.