Genese 3:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa Nzambi wakambila nyoka ne, Bualu bua wewe wakuenza nunku, ndi nkuela mulau, mulau webe neutambe wa nyama yonso ya mu madimi, wewe neukoke difu diebe hanshi, neudie dinfuenkenya dia buloba matuku ebe onso.

MUKANDA WA MYIDI MUKULU

¹⁴ Maweja-Nangila Mvidi Mukulu umvua nanku, kuambilaye nyoka ne: — Wewe newenji nenku, ndi nkutshipa. Ku nyama yonsu anu wewe newikale ukoka difu panshi, kabidi neudie buloba matuku onsu audi ne muoyi.

Genese 3:14 교차 참조

Genese 3:1

Nyoka wakatamba nyama yonso yakafuka Yehowa Nzambi bidimu. Nyoka wakakonka mukashi ne, Nzambi wakamba ne, Kanudi mamuma a nu tshi yonso idi mu budimi, anyi?

Genese 4:11

Katataka wewe wakuedibua mulau mufume ha buloba buakubulula mukana muabu bua kumina mashi a muakunyʼebe ku tshianza tshiebe,

Genese 9:6

Muntu yonso udi umatshisha mashi a munga muntu hanshi, nebamatshishe mashi andi hanshi, bualu bua Nzambi wakafuka bantu mu tshifuanyikishi tshiandi.

Misambu 72:9

Badi bashikame mu tshihela nebinyike mitu yabo ku mpala kuandi, ne badi nʼandi lukuna nebalake biabo dinfuenkenya dia buloba.

Yeshaya 29:4

Nebakutulule hanshi, newambe mei ebe hawikala muinshi mua buloba, muaku webe ndifume munkatshi mua dinfuenkenya. Dî diebe nedikale bu dî dia muakuishi wa biambi dihatuka munda mua buloba, ne mei ebe neikale bu biambi bihatuka mu dinfuenkenya.

Yeshaya 65:25

Tshimungu ne muana wa mukoko nebikale hohamue bua kudia, nyama wa ntambue neadie mashinde bu ngombe, ne dinfuenkenya nedikale bia kudia bia nyoka. Yehowa udi wamba ne, Kabiena bienzela bintu bibi ne kabiena bibishiha mu mukuna wanyi wa tshijila wonso.

Lewitiki 20:25

Nunku nuenu nenutahulule nyama udi muimpe ne nyama udi kayi muimpe ne nyunyu udi muimpe ne udi kayi muimpe, kanuonyi mitshima yenu kudi nyama anyi nyunyu anyi kudi tshintu tshidi tshidikoka hanshi binakunuhidisha bu tshintu tshidi ka tshiyi tshimpe.

Mika 7:17

Nebalake dinfuenkenya bu nyoka bu bintu bia ha buloba bidi bidikoka hanshi, bobo nebahatuke ku mena abo ne dizakala. Nebakanke ku mpala kua Yehowa Nzambi wetu, bakuatshike buowa; nebatshine bua bualu buenu kabidi.