Genese 27:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bumue tatuʼanyi neandengele tshianza, ne meme nengikale bu muena mashimi ku mesu kuandi nendieleshe mulau, tshidivuishi disanka.

MUKANDA WA MYIDI MUKULU

¹² Misangu mikuabu tatu udi mua kumbabata pambidi, kunsangana ne: ndi muena dishima. Udi mua kungela mulawu pa mutu pa kungela lupemba.

Genese 27:12 교차 참조

Genese 25:27

Bana aba bakadiunda, Esau wakadi tshilembi tshidi ne budimu bua bungi, Yakoba wakadi biandi munda mukole, wakashikama mu ntenta.

Genese 27:36

Yeye wakamba ne, Dina dia Yakoba kadiena dimukumbane, anyi? Bualu bua yeye wakandinga misangu ibidi wakamana kuangata bintu bianyi bia buanʼa bute, ne lelu wakangata disanka dianyi kabidi. Yeye wakebesha Isaka ne, Wewe kuakunshilaku disanka, anyi?

Genese 27:45

To ne hashika tshiji tshia muan enu kudi, ne hahueye bualu buwakamuenzela muoyo, hashishe nenkutumine di nenkubikile, nennujimishile bubidi buenu dituku dimue bualu kai?

Genese 9:25

Yeye wakamba ne, Kanana udi muedibue mulau, yeye neikale muhika wa bahika kudi bana babo.

Yobe 12:16

Kudi yeye kudi bukole ne meji makane; muhambuki ne muhambuishi badi mu bianza biandi.

Yirmeya 48:10

Mulau wikale kudi wajingakana mu mudimu wa Yehowa, mulau wikale kudi wakanda muele wandi wa nvita ne, Kaumatshishi mashi hanshi!

Malaki 1:14

Kadi mulau wikale kudi udi udinga, udi ne mulume wa mikoko mu bimuna biandi, udi ulaya bua kumufila, hashishe, udi ufila mukuabo udi mulema kudi Yehowa. Yehowa wa misumba udi wamba ne, Meme ndi Mukelenge mimene, dina dianyi didi ditshinyisha ha mu bisamba bia bantu.

2 Korente 6:8

ku butumbi ne mu dihetula, ku lumu lubi ne ku lumu luimpe; bu bena mashimi, kadi tudi bena mei malelela;

Dielulula 27:18

Muntu yonso udi uhambuisha muntu mufofo mu nshila udi ne mulau. Bantu bonso nebakudimune dî ne, Amen.

1 Tesalonike 5:22

nuehuke ku malu mabi a mushindu wonso.