Genese 24:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Hakatangileye kakanu ka ku diulu ne nkanu ya ku maboko a muanʼabo mukashi, ne hakunvueye mei a Lebeka muanʼabo mukashi ne, Mulume au wakungambila nunku, yeye wakaya kudi mulume wakadi muimane ne tumelo hehi ne mushimi wa mai.

MUKANDA WA MYIDI MUKULU

³⁰ Uvua mumone kakanu ne bikanu bivua ku maboku a muanabu wa bakaji, mumvue kabidi nuwuaye ulonda bivua muena mudimu awu mumuambile. Nanku kusanganaye muntu awu ne tumelu tuende ku tshiina tshia mayi.

Genese 24:30 교차 참조

Genese 24:22

Hakashikisha tumelo kunua mai, mulume eu wakahatula kakanu ka or ka bujitu bua tshituha tshia nshekele, ne nkanu ibidi ya ku maboko ya bujitu bua nshekele dikumi kabidi.

Genese 24:29

Lebeka wakadi ne muanʼabo wa balume dina diandi Labana, Labana wakaya lubilu kudi mulume wakadi ku mushimi wa mai.

Genese 24:31

Yeye wakamba ne, Ubuele, wewe udi musankishibue kudi Yehowa, udi muimane ha bule bualu kai? Bualu bua nakumana kukulongoluela nsubu ne muaba wa tumelo tuebe.

Yeshaya 3:19

tukanu tua ku matshu abo ne tua ku maboko abo ne bilulu bibuikila ha mpala yabo.

Yirmeya 2:32

Mushikankunde utshidi kamama udi mua kuhua bilenga biau muoyo, anyi mukashi uyaya ku dibaka udi mua kuhua bilulu biandi bia dibaka muoyo, anyi? Kadi bantu banyi bakumpua muoyo matuku adi kâyi mua kubadibua.

Yezekiyele 23:42

Diyoyo dia tshisumbu tshinene tshia bakadi basanka ne banaya diakunvuikaku; ne bakalua ne tshisumbu tshia bantu ba hatuhu basangisha ne tshisumbu tshia bakuatshiki ba maluvu bafume ku tshihela; bakabela nkanu ku maboko abo ne bakabasa bifulu bia bukelenge bilengele ku mitu yabo.

Balombodi 17:2

Yeye wakambila mamu wandi ne, Bituha bia argent tshinunu tshimue ne lukama lumue biakibabo kudi, bua wewe wakela bantu mulau bualu buai, wakamba bualu ebu mu matshu anyi; mona, argent ndi nʼai, meme nguakayangata. Mamu wandi wakamba ne, Yehowa akuvudishile disanka, muanʼanyi.