Genese 23:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Abalahama wakitabusha dî dia Efelona Abalahama wakamuidikishila bungi bua argent buakalombeye ku mpala kua bana ba Hete, nshekele ya argent nkama mai bu muakitabusha bahanyi ba bintu.

MUKANDA WA MYIDI MUKULU

¹⁶ Abrahame kuitaba bivua Efrone muakule, kumubadilaye nkanu bungi buvuaye utela, bana babu bumvue. Nanku kumupeshaye nkanu ya tshiamu tshitoke tshia mushinga mukole nkama inayi, bilondeshile mishinga ya basumbishi ba bintu.

Genese 23:16 교차 참조

Genese 23:15

Mukelenge wanyi, ungunvuile budimi bua nkama mai ya nshekele ya argent budi mushinga kai munkatshi muetu? Nunku ujikemu tshitalu.

Genese 43:21

ne hatuakafika ku nsubu wa tshilala benyi, tuakasulula bibombi bietu, tuakamona argent yetu yonso munda mua tshibombi tshia muntu ne muntu, tuakulua nʼai kabidi mu tshianza tshietu.

Genese 49:29

Yeye wakabadimusha, wakabambila ne, Nkadi ha kudisangisha ne bankambua banyi, nunjike mu muaba wakajikabo batatuʼanyi mu lubuebue ludi mu budimi bua Efelona, Muena Hiti,

Genese 50:13

bualu bua bobo bakamutuala mu buloba bua Kanana, bakamujika mu lubuebue lua mu budimi bua Makepela, luakasumba Abalahama hamue ne budimi, kudi Efelona, Muena Hiti, bu muaba wa kujikamu bafue, ku mpala kua Mamale.

2 Samuele 14:26

Hakabeyeye nsuki ya ku mutu (bualu bua yeye wakadi ne tshilele tshia kubeya nsuki yandi ku tshidimu ku tshidimu, bualu bua bujitu buai), hakidikisheye bujitu bua nsuki yandi buakadi bu nshekele nkama ibidi, bu mudi tshidikishilu tshia mukelenge.

2 Samuele 24:24

Mukelenge wakambila Alauna ne, Nansha, nengule bintu ebi kûdi ku mushinga; tshiena nfila mulambu wa kuosha ha kahia kudi Yehowa, Nzambi wanyi, milangala hatuhu. Nunku Davidi wakula tshishihuidi ne ngombe ku nshekele ya argent makumi atanu.

Yobe 28:15

Kabena bamanye mua kufila tshiamu tshimpe tshia or bua kuaheta; kabena bamanye mua kuidikisha tshiamu tshia argent bu mushinga wau.

Ekesode 30:13

Muntu ne muntu udibo babala neafile tshituha tshia nshekele bu mudibo bafila mu nsubu wa tshiendelele tshituha tshia nshekele bu kuha kuabo kudi Yehowa.

Yirmeya 32:10

Nakafunda dina dianyi ku mukanda, nakatekaku tshimanyinu, nakabikila bamanyi ba bualu, nakamuidikishila biuma mu tshiamu tshia kuidikisha nʼatshi bujitu.

Yirmeya 32:9

Nunku nakasumba budimi buakadi mu Anatota kudi Hanamele, muana wa mansebʼanyi, nakamuidikishila bituha bia argent, bu nshekele ya argent dikumi ne muanda mutekete.

Yezekiyele 45:12

Nshekele umue ikale guéra makumi abidi (nshekele itanu ikale nshekele itanu mene mene, nshekele dikumi ikale nshekele dikumi mene mene), ne nshekele makumi atanu ikale mine umue.

Zekâya 11:12

Nakayambila ne, Bikala bualu ebu buimpe ku mesu kuenu, numpe difutu dianyi; kadi binuamanya ne, Kambimpe, nubulekele. Nunku bakabidikishila bituha bia argent makumi asatu bu difutu dianyi.

Matayi 7:12

Nuenzele bantu malu onso anudi basue bamuenzele, bualu bua mikenshi ya Mose ne mei a baprofete bidi nunku.

Bienzedi 7:16

bakaya nʼabo ku Shekeme, bakabajika mu lukita luakasumba Abalahama ku mushinga wa argent kudi bana ba Hamô mu Shekeme.

Rome 13:8

Kanuikadi ne muntu dinga dibanza anu dia kunangangana; bua wananga mukuabo wakushikisha mikenshi.

Filipe 4:8

Bana betu, tshiashadidi mpindiu, ne, Malu onso adi malelela, ne malu onso adi a buneme, ne malu onso adi makane, ne malu onso adi a butoke bua mutshima, ne malu onso adi malengele a dinanga, ne malu onso adi ne lumu luimpe; bikalaku buimpe ne bikalaku butumbi, nuelangane meshi a malu â.

1 Tesalonike 4:6

Ndi ngamba bua muntu kasambuki mikalu ne kenzedi muanʼabo wa mu Kilisto bibi mu bualu ebu; bualu bua Mukelenge udi musombuedi mu malu â onso, bu mutuakadianjila kunudimusha kabidi ne mutuakanumanyisha.