Genese 19:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Hashishe, Yehowa wakamatshisha mu Sodoma ne Amola soufre ne kalua bia mu diulu kudi Yehowa.

MUKANDA WA MYIDI MUKULU

²⁴ Diba adi Maweja-Nangila kulokesha mu Sodome ne Ngomore mvula wa kapia kakole ka mfundanga, kela ndimi.

Genese 19:24 교차 참조

Genese 13:10

Lota wakabanduluka, wakamona mpata ne bibanda bia musulu wa Yadene, ne tusulu tuakadi kuonso diambedi Yehowa kayi muanze kushiha Sodoma ne Amola, mpata au wakadi bu tshibundu tshia Yehowa, wakadi bu buloba bua Ejipitu, hawaya mu nshila wa ku Soa.

Genese 13:12

Abalama wakikala mu buloba bua Kanana, Lota wakashikama mu misoko ya mu mpata, wakashimika ntenta yandi tô ne ku Sodoma.

Genese 18:17

Yehowa wakamba ne, Nensokoke Abalahama bualu bundi ngenza, anyi?

Genese 19:23

Diba diakadi dimane kubanda mulu hakabuela Lota mu Soa.

Yobe 1:16

Hakatshidiye wakula, mukuabo wakalua, wakamba ne, Kahia kafuma kudi Nzambi kakatuluka mu diulu, kakosha mikoko ne bansongalume bakadi bayilama, kakabishidisha. Anu meme nkayanyi nakuhanduka bua kukuambila.

Yobe 18:15

Mu ntenta wandi nemuikale bintu bidi kabiyi biandi, nebamuangalashe soufre mu muaba wakadiye ushikama.

Misambu 11:6

Yeye nealokeshile bantu babi makala a kahia; kahia ne soufre ne luhehele ludi luosha nebikale tshituha tshia luhanza luabo tshidibo baheta.

Ekesode 9:23

Mose wakolola mulangala wandi mulu ne Yehowa wakatuma makubakuba ne mabue a nvula, miele ya nvula yakakuma ha buloba, Yehowa wakama tshisha mabue a nvula ha buloba bua Ejipitu.

Yeshaya 1:9

Bu Yehowa wa misumba kayi mutushile difuka dikese dia bantu bakahanduka munkatshi mua bantu bakadiku diambedi, tuakadi kuikala bu Sodoma, tuakadi kufuanangana ne Amola.

Yeshaya 13:19

Ne Babulona, butumbi bua makelenge, bulengele budibo banyisha kudi Bena Kasada, neikale bu Sodoma ne Amola hakabutulabo kudi Yehowa.

Yeshaya 30:33

Bualu bua bakumana kulongolola tshioshelu tshia kuoshelahu bitalu; e, bakutshilongoluela mukelenge; bakutshivuisha tshile ne tshinene; bakutentekashaku makala ne nkunyi ya bungi; muhuya wa Yehowa, udi bu musulu wa soufre, udi ubitemesha.

Yirmeya 20:16

muntu eu ikale bu misoko yakabutulabo kudi Yehowa kayi ubalesha luse; yeye unvue mu adi wa bantu ne lunkelu, ne lubila lua nvita munda munya;

Yirmeya 23:14

Nakumona malu mahite bubi munkatshi mua baprofete ba mu Yelushalema kabidi; badi benda masandi, badi benda mu mashimi; badi bakolesha maboko a benji ba malu mabi, nunku kakuena muntu udi walukila kundi, ulekela bubi buandi; nunku buonso buabo bakulua bu Bena Sodoma ku mesu kuanyi, ne bena musoko eu bakulua bu Bena Amola.

Yirmeya 49:18

Yehowa udi wamba ne, Bu muakadi kubutula kua Sodoma ne Amola, ne misoko yakadi hehi nʼai, kakuena muntu washikamamu, kakuena muana wa muntu watulamu.

Yirmeya 50:40

Yehowa udi wamba ne, Bu muakashiha Nzambi Sodoma ne Amola ne misoko yakadi ha buihi, nunku kakuena muntu washikamamu, kakuena muana wa muntu watulamu.

Muadi 4:6

Dikenga diakukuata muana mukashi wa bana betu bua mibi yandi didi dihita dikenga diakukuata musoko wa Sodoma bukole, musoko wakubutulabo mu kuvinya kua disu, kauyi ne tshianza tshia muntu tshilenga.

Osheya 11:8

Bena Efelayima, ndi mua kunulekela munyi? Bena Isalele, ndi mua kunufila kudi mukuabo munyi? Ndi mua kunuenzela bu munakenzela Adema munyi? Ndi mua kunuvuisha bu Bena Seboima munyi? Mutshima wanyi wakuandamuka munda muanyi, luse luanyi luonso luakutema.

Amosa 4:11

Yehowa udi wamba ne, Nakabulula misoko ya munkatshi muenu, bu muakabulula Nzambi Sodoma ne Amola, ne nuakadi bu tshishelele tshidibo bahatula mu kahia; kadi kanuakahingana kundi.

Sefanya 2:9

Yehowa wa misumba, Nzambi wa Isalele mene, udi wamba ne, Bu mundi ne muoyo, Moaba neikale bu Sodoma, Bena Amona nebikale bu Amola, bu buloba bûle tente ne mpesa ne mena a luehu, bu tshihela tshia tshianana tshiendelele. Difuka dia bantu banyi nedibahaule, ba mu tshisamba tshianyi badi bashala ne muoyo nebabahiane.

Luke 10:12

Ndi nuambila ne, Halua dituku diadia, bujitu bua dikenga dia musoko au nebutambe bua Sodoma.

Dielulula 28:24

Yehowa neavuishe nvula wa buloba buenu bu lufuishi ne nsenga bia mu diulu tô ne hanuajimishibua.

Dielulula 29:22

Mu tshihungu tshia bantu tshidi tshitua, bana benu badi banulonda ku nyima ne benyi badi bafuma ku buloba bukuabo, hatangilabo makenga akalua ku buloba abu ne masama onso adi Yehowa mubatumine

Dielulula 29:23

ne buloba buonso budi bu butue ne luehu ne bintu bioshibue, kabena bakunamu tshintu, kabena bahuolamu tshintu; ne mashinde kaena amenamu: buloba budi buikala bu kubutuka kua misoko ya Sodoma ne Amola ne Adema ne Seboima yakashiha Yehowa mu tshiji tshiandi tshikole;

2 Petro 2:6

ne hakandamusheye misoko ya Sodoma ne Amola butue bua kahia, wakaihisha ne dibutuka, wakaivuisha bu tshifuanyikishi kudi bantu balualua kuhidia Nzambi;

Yuda 1:7

Bu mudi bena Sodoma ne Amola ne ba mu misoko ya ha buihi nʼabo, hakadilabo muomumue nʼabo mu masandi, bamane kulonda malu a mubidi adi kâi makanangane ne tshilele tshia bantu, badi batekibua bu tshileshilu, bakenga ne dikenga dia kahia ka tshiendelele.

Didimanyisha 14:10

yeye kabidi, neanue nvinyo wa tshishi tshia Nzambi wakalongolodibua kai musangisha ne tshinga tshintu mu luhanza lua tshishi tshiandi; ne neakengeshibue mu kahia ne soufre ku mpala kua banjelo ba tshijila ne ku mpala kua Muana wa Mukoko.