Genese 13:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Lota wakabanduluka, wakamona mpata ne bibanda bia musulu wa Yadene, ne tusulu tuakadi kuonso diambedi Yehowa kayi muanze kushiha Sodoma ne Amola, mpata au wakadi bu tshibundu tshia Yehowa, wakadi bu buloba bua Ejipitu, hawaya mu nshila wa ku Soa.

MUKANDA WA MYIDI MUKULU

¹⁰ Lote ukenzakana, kumona muvua mpata ya Yardene mimpe mitambe, bualu ivua ne mayi. Maweja-Nangila kavua muanji kubutula Sodome ne Ngomore to. Nanku mpata ayi too ne ku Soware ivua bu lupangu lua Paradizu, mifuanangane ne tshibanda tshia Nile.

Genese 13:10 교차 참조

Genese 11:27

Ei idi ndelanganyi ya tunkanunuina tua Tela. Tela wakalela Abalama ne Nahô ne Halana, Halana wakalela Lota.

Genese 13:11

Nunku Lota wakasungula mpata wonso wa Yadene, wakaya biandi ku esete, bakaha ndulukangana nunku.

Genese 13:9

Buloba buonso kabuena ku mpala kuebe, anyi? Ndi nkutendekena ne, Tahuluka kundi bi waya ku tshianza tshia bakashi, nenye bianyi ku tshianza tshia balume ne biwaya ku tshianza tshia balume, nenye bianyi ku tshianza tshia bakashi.

Genese 14:2

bakaluangana nvita ne Bela, mukelenge wa Sodoma, ne Bisha, mukelenge wa Amola, ne Shinaba, mukelenge wa Adema, ne Shemebê, mukelenge wa Bena Seboi, ne mukelenge wa Belê (eu udi Soâ).

Genese 14:8

Mukelenge wa Sodoma ne mukelenge wa Amole ne mukelenge wa Adema ne mukelenge wa Bena Seboi ne mukelenge wa Bela (eu udi Soa) bakaluhuka, bakaluangana nʼabo mu tshibanda tshia Sidima.

Genese 3:6

Hakamona mukashi ne, Mutshi au udi muimpe wa kudia ne udi muimpe ku mesu ne udi mua kuha muntu lungenyi, yeye wakangata dimuma, wakadia, wakahesha mulume wandi kabidi, ne yeye wakadia.

Genese 47:6

buloba bua Ejipitu buonso budi ku mpala kuebe, ushikike tatuʼebe ne bana benu mu buloba budi butamba buimpe bashikame mu buloba bua Goshene, ne biwamanya bantu ba lungenyi luimpe munkatshi muabo, ubateke balami ba bimuna bianyi.

Genese 6:2

bansongalume ba bantu ba Nzambi bakamona bana bakashi ba bantu ba tshianana ne, Mbalengele, bakasungula bonso bakasuabo bu bakashi babo

1 Bakalenga 7:46

Mukelenge wakafudila biamu ebi bionso mu maloba a dime a mu mpata wa Yadene, hankatshi ha Sukota ne Saletana.

Yobe 40:23

Mona, biahasalala musulu bikole, kena uzakala; yeye udi ushala holâ, nansha biula musulu bu wa Yadene ne mai tô ne hafikau mukana muandi.

Misambu 107:34

Udi ukudimuna buloba bufuke bua kuluabu tshihela tshia luehu, bua malu mabi a bantu badi bashikamemu.

Yeshaya 15:5

Mutshima wanyi udi udidila Moaba bikole; bihatshibue babo badi banyema tô ne ku Soâ, ku Egelata-shelishiya. Bualu bua badi babanda mu nshila udi uyila ku Luhita, bendela badila; ne mu nshila udi uyila ku Holonayima badi babandisha mei abo ne, Tuakubutuka;

Yeshaya 51:3

Bualu bua Yehowa wakusamba Siona, wakusamba miaba yau yonso yakadi bikulu, wakuvuisha tshihela tshiau bu budimi bua Edene ne tshihela tshiau tshia lusenga bu budimi bua Yehowa. Disanka ne disankidila nebikalemu, ne kusakidila ne dî dia kuimba kua misambu.

Yirmeya 48:34

Heshebona ne Eleale badi badila, tô ne ku Yahaza badi bunvuisha bantu di diabo, ku Soâ tô ne ku Holonayima ne ku Egelata-sheleshiya; bualu bua mai a mu Nimelima kabidi neakame.

Yezekiyele 16:46

mukuluʼebe wa bakashi wakadi Samalea, wakadi ushikama ne bana bandi ba bakashi ku luseke luebe lua nôde; muakunyi webe wa bakashi wakadi Sodoma, wakadi ushikama ne bana bandi ba bakashi ku luseke luebe lua sude.

Yezekiyele 16:49

Tangila, ebu buakadi bubi bua muanʼenu wa bakashi Sodoma; yeye ne bana bandi ba bakashi bakadi ne kudisua ne bia kudia bivule, kabayi bakengela tshintu; kabakakolesha maboko a bahele ne a bakengi.

Yezekiyele 28:13

Wakadi mu Edene, budimi bua Nzambi. Wakalengeshibua ne mabue a mushinga mukole a mishindu yonso, a rubis, a topaze, a mbonga, a chrysolithe, a onyx, a jaspe, a saphir, a escarboucle ne a émeraude; bakabiteka mu tukanu tua or. Bakakulongoluelabi mu dituku dî wakafidibua.

Yezekiyele 31:8

Mitshi ya cèdres ya mu budimi bua Nzambi kayakamanya mua kuelekeshibua nʼau, mitshi ya cyprès kayakamanya mua kuelekeshibua ne matamba au manene; mitshi ya platane kayakamanya mua kuelekeshibua ne matamba au makese; kakuakadi mutshi umue wa mu budimi bua Nzambi wakamanya mua kuelekeshibua nʼau ku bulengele buau.

Yezekiyele 31:9

Nakaulengesha ku bungi bua matamba au, nunku mitshi yonso ya mu Edene, mu budimi bua Nzambi mene, yakadi nʼau mukau.

Yezekiyele 47:18

Mukalu wa ku luseke lua esete, ubanga ku mukalu wa hankatshi ha Haulana ne Damaseke, ne wa hankatshi ha Gilada ne buloba bua Isalele, wikale musulu wa Yadene; uwidikishe ku butshika bua buloba bua ku luseke lua nôde tô ne ku mai manene a ku luseke lua esete. Eu mmukalu wa buloba ku luseke lua esete.

Yowele 2:3

Ku mpala kua mikumbi ei kahia kadi kosha bintu, kabimana, ne ku nyima kuai kahia kadi kashidisha bintu kabidi. Buloba buakadi bu budimi bua Edene diambedi kayiyi mianze kulua, ku nyima kuai buloba budi bu tshihela tshia hatuhu; e, kakuena tshintu tshimue tshidi tshihanduka kudiyi.

Dielulula 34:3

ne buloba bua ku Sude, ne mpata wa mu tshibanda tshia Yeleko, musoko wa mabue, tô ne ku Soâ.