Genese 12:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Abalama wakangata mukashi wandi Salai, ne Lota, muana wa muanʼabo, ne bintu biabo bionso, ne bantu bonso bakahetabo mu Halana, bakaya mu nshila wa ku buloba bua Kanâna, bakafika mu buloba bua Kanâna

MUKANDA WA MYIDI MUKULU

⁵ Kuyaye ne mukajende Sarayi, ne Lote muana wa muanabu, kabidi ne bapika bavuaye musumbe mu Arane ne bintu bionsu. Kuyabu mu ditunga dia Kenaane. Bobu bamane kufika mu ditunga dia Kenaane,

Genese 12:5 교차 참조

Genese 10:19

Mukalu wa Bena Kanana wakadi ku Sidona (mu nshila wa ku Gela) to ne ku Gaza mu nshila wa ku Sodoma ne Amola ne Adema ne Seboima to ne ku Lasha.

Genese 11:27

Ei idi ndelanganyi ya tunkanunuina tua Tela. Tela wakalela Abalama ne Nahô ne Halana, Halana wakalela Lota.

Genese 11:31

Tela wakangata Abalama, muanʼandi mulume ne Lota, muana wa Halana, muikulu wandi, ne Salai, ma muenʼandi, mukashi wa muanʼandi mulume Abalama, bakamuangala mu buloba bua Ula wa Kasada bua kuya ku buloba bua Kanâna, bakafika ku Halana, bakashikamaku.

Genese 13:5

Lota wakaya ne Abalama, ne yeye wakadi ne mikoko ne bimuna ne ntenta.

Genese 13:6

Muaba wakadi mukese bua bobo kushikama hohamue, bualu bua bintu biabo biakadi bia bungi, kabakamanya mua kushikama hohamue.

Genese 14:14

Hakunvua Abalama lumu ne, Bakaya ne muanʼetu, yeye wakaya ne bahika bandi bakadiye mueyemene bakadi baledibue mu nsubu muandi, nkama isatu ne dikumi ne muanda mukulu, wakabihata to ne ku Dana.

Genese 14:21

Mukelenge wa Sodoma wakambila Abalama ne, Umpe bantu, wewe wangate biuma.

Genese 28:10

Yakoba wakabika ku Be-sheba wakaya mu nshila wa ku Halana

Genese 36:6

Esau wakangata bakashi bandi ne bana bandi ba balume ne bana bandi ba bakashi ne bantu bonso ba mu nsubu wandi, ne bimuna biandi, ne nyama yandi yonso, ne bintu bionso biakamueneye mu buloba bua Kanana, wakumuka kudi muakunyiʼandi Yakoba, wakaya ku buloba bukuabo.

Lewitiki 22:11

Kadi biasumba muakuidi muntu, muntu eu udi mua kutshidia, ne bana baledibue mu nsubu muandi nebadie bidia biandi.

Bienzedi 7:4

Yeye wakumuka mu buloba bua Bena Kasada, wakashikama mu Halana; hakafua tatu wandi, Nzambi wakamumushaku, wakamuteka mu buloba ebu bunudi bashikamemu katataka;