Genese 10:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bobo bakabanyangana maloba a bisamba bia bantu akadi kukala kua mai manene, muntu ne muaku wandi, muntu ne muaku wandi, bu mudi meku abo ne bisamba biabo.

MUKANDA WA MYIDI MUKULU

⁵ Bisamba bionsu bidi bitangalaka mu bidila nansha ku mielelu ya mayi manene mbifume ku ndelanganyi ya bana aba. Ke muvua ndelanganyi ya Yefete nanku. Muntu yonsu uvua musombe mu ditunga diabu, mu tshisamba tshiabu, wakula muakulu wa ditunga diabu.

Genese 10:5 교차 참조

Genese 10:20

Aba mbana balume ba Hama ku meku abo ne ku nuaku yabo ne ku maloba abo ne ku bisamba biabo.

Genese 10:25

Ebe wakalela bana balume babidi dina dia mukuabo diakadi Pelege, mu matuku andi bakabanyangana buloba, dina dia muanʼabo diakadi Yoketana.

Genese 10:32

Ebi mbiota bia bana balume ba Noa ku milongo yabo, bisamba bia bantu biakamuangalaka ha buloba ku nyima kua nvula munene biakafuma kudibo.

Genese 10:4

Bana balume ba Yawana badi nunku Elisha ne Tâshishi ne Kitima ne Dodamma.

Genese 10:6

Bana balume ba Hama badi nunku Kusha ne Miselayima ne Puta ne Kanana.

Genese 9:19

Basatu aba bakadi bana balume ba Noa ne tunkanuniuna tuabo tuakamuangalaka ha buloba buonso.

Estere 10:1

Mukelenge Ahashawelosha wakalambuisha bantu ba mu buloba ne mu bisanga bia mu mai manene milambu.

Misambu 72:10

Bakelenge ba mu Tâshishi ne ba mu bisanga bia mai manene nebafile milambu kudiye; bukelenge ba mu Sheba ne ba mu Seba nebalue ne maha abo kudiye.

Yeshaya 11:11

Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

Yeshaya 24:15

Bua malu â tumbishai bienu Yehowa mu maloba a ku esete, tumbishai dina dia Yehowa, Nzambi wa Isalele, mu maloba a ku muelelu wa mai manene.

Yeshaya 40:15

Monai, bisamba bia bantu bidi bu dimata dia mai didi ditanduka ku luesu, yeye udi ubibala bu luhuishi lukese lua ha tshiamu tshia kuidikisha nʼatshi bujitu; monai, yeye udi wambula bisanga bia mu mai manene bu tshintu tshitamba bukese.

Yeshaya 41:5

Maloba a ku muelelu wa mai manene akumona, akutshina; mikalu ya buloba idi izakala; idi isemena ha buihi, idi ilua.

Yeshaya 42:10

Imbilai Yehowa musambu muhia-muhia, numutumbishe tô ne kunfudilu kua buloba! Nuenu badi benda ha mai manene, ne bintu bionso bidimu, maloba a ku muelelu wa mai manene ne bantu bonso badimu bimutumbishe.

Yeshaya 42:4

Kena uhanga kushindama, mutshima wandi kawena unema bujitu, tô ne hajadikeye kulumbulula kuakane ha buloba; ne ba mu maloba a ku muelelu wa mai manene nebindile diyisha dia mikenji yandi.

Yeshaya 49:1

Nuenu, maloba a ku muelelu wa mai manene, telejai matshu kundi; nuenu bantu badi kule, nungunvuile. Yehowa wakumbikila diambedi tshiyi muanze kuedibua; hanakadi munda mua mamu wanyi, wakungidika dina dianyi.

Yeshaya 51:5

Buakane buanyi nebusemene ha buihi tshituha tshihi, luhandu luanyi luakuya ku mpala, maboko anyi neakokeshe bantu; ba mu maloba a ku muelelu wa mai manene nebangindile, nebeyemene diboko dianyi.

Yeshaya 59:18

Bu mudi bienzedi biabo, mbu mudiye ubafuta, tshiji tshiandi kudi hafuilanganyi nʼandi, difutu diabo kudi badi nʼandi lukuna; neafute ba mu maloba a ku muelelu wa mai manene difutu diabo.

Yeshaya 60:9

Bulelela, maloba a ku muelelu wa mai neangindile, ne matu a ku Tâshishi neadianjile kufika, bua kulua ne bana bebe ba balume ku miaba idi kule, balua ne argent wabo ne or wabo diatshimue nʼabo, bua muanda wa dina dia Yehowa Nzambi webe, ne bua muanda wa Wa Tshijila wa Isalele, bualu bua yeye wakukutumbisha.

Yirmeya 2:10

Nusabuke ku bisanga bia Kitima, numone; tumai bantu ku Kedâ, nuelangane meji bimpe; numone ne bualu bua mushindu eu bukadi bumueneke diambedi, anyi?

Yirmeya 25:22

Nakalunuisha bakelenge bonso ba mu Tulo, bakelenge bonso ba mu Sidona ne bakelenge ba mu maloba a ku muelelu wa mai manene.

Yezekiyele 26:15

Mukelenge Yehowa udi wambila Bena Tulo ne, Ba mu maloba adi ku muelelu wa mai manene kabena bazakala, hunvuabo bua kubutuka kuebe, hatua batahibue mikemu, ne hashihabo bantu bangi munkatshi muenu, anyi?

Yezekiyele 26:18

Mpindiu ba mu maloba a ku muelelu wa mai manene nebazakale mu dituku dia kubutuka kuebe; ba mu bisenga bia mu mai manene nebakuatshike buowa bualu bua kujimina kuebe.

Danyele 11:18

Ku nyima kua bualu ebu yeye neatangishe mpala wandi ku maloba a ku muelelu wa mai manene, neanyenge a bungi, kadi kamanda kakuabo ka masalayi nekalekeshe mei a diambu adiye uhenda nʼau bakuabo; e, bulelela, neahingashe bihendu ebi kudiye.

Sefanya 2:11

Yehowa neabakuatshishe buowa; bualu bua neatekeshe nzambi yonso ya ha buloba ne tshiole; nebamutendelele muntu ku muaba wandi, muntu ku muaba wandi, tô ne ku maloba onso adi ku muelelu wa mai manene.

Dielulula 32:8

Hakaha Nzambi wa mu diulu bisamba buhianyi buabi, hakatahululeye bantu, wakadika mikalu ya bantu bu mudi bungi bua bana ba Isalele.