Genese 1:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Nzambi wakabisankisha, wakabambila ne, Nulelangane, nukumbane ba bungi, nûshe buloba tente, nubukokeshe, nuikale ne bukokeshi ku mutu kua minyinyi ya mu mai, ne nyunyu ya mulu, ne tshintu tshionso tshidi ne muoyo tshidi tshiendakana ha buloba.

MUKANDA WA MYIDI MUKULU

²⁸ Kubelaye lupemba, wamba ne: “Tantayi, nulelangane, nuvulangane buloba bujima. Nubukokeshe, nuikale bamfumu ba minyinyi ya mu mayi, nyunyi ya mulu, bimuna, bilandadi ne bionsu bidi pa buloba.”

Genese 1:28 교차 참조

Genese 1:22

Nzambi wakabisankisha ne, Nulelangane, nulue bia bungi, nûshe mai manene tente, nyunyu ikumbane ha buloba

Genese 17:16

nemmuvudishile di sanka, yeye neakulelele muana mulume, nemmusankishe bulelela, yeye neikale nkambua wa bisamba bia bungi, ne bakelenge ba bantu nebaluhuke munda muandi.

Genese 17:20

Nakukunvuila bualu bua Yishemaele kabidi, mona, nakumusankisha, nemmukumbashe, nemmuvuishe bisamba bia bungi, yeye nealele baminyampala dikumi ne babidi, nemmuvuishe tshisamba tshinene.

Genese 24:60

Bakavudishila Lebeka disanka, bakamuambila ne, Wewe muanʼetu mukashi, wikale nkambua mukashi wa binunu bia mbombo ya bantu, ne tunkanunuina tuebe tuhiane buloba bua bantu badi nʼatu lukuna.

Genese 26:24

Yehowa wakamueneka kudiye butuku abu mene, wakamba ne, Ndi Nzambi wa tatu webe Abalahama, kutshinyi, bualu bua meme ndi nʼebe, nenkusankishe, nenkumbashile tunkanunuina tuebe bualu bua muntu wanyi Abalahama.

Genese 33:5

Yeye wakabisha mesu andi wakamona bakashi ne bana, wakamukonka ne, Bantu aba badi nʼebe mbanganyi? Wakamukudimuna ne, Aba mbana bakuha Nzambi muntu webe mu luse.

Genese 49:25

Nzambi wa tatuʼebe udi ukukuatshisha, Nzambi wa Bukole Buonso udi ukusankisha ne masanka adi afuma mu diulu, ne masanka adi afuma muinshi mua buloba, ne masanka adi afuma ku mabele ne mafu.

Genese 5:2

wakabafuka mulume ne mukashi, wakabasankisha, wakabidika ne, Adama, mu dituku diakabafukeye.

Genese 6:1

Hakabanga bantu kusangana ba bungi ha buloba ne hakalelabo bana bakashi,

Genese 8:17

Luhuka mu buatu ne bintu bionso bidi ne muoyo biakadi nʼebe ne nyunyu ne bimuna ne tshintu tshionso tshidi tshidikoka hanshi, bilelangane, bivulangane bia bungi ha buloba.

Genese 9:1

Nzambi wakasankisha Noa ne bana bandi, wakabambila ne, Nulelangane, nukumbane ba bungi, nuikale ha buloba buonso.

Genese 9:7

Nuenu kabidi nulelangane, nukumbane, nuvulangane ba bungi ha buloba, nukumbanehu.

1 Kulondolola 26:5

Amiele muisambombo, Yisakâ wa muanda mutekete, Peuletai wa muanda mukulu; bualu bua Nzambi wakamusankisha.

1 Kulondolola 4:10

Yabesa wakatendelela Nzambi wa Isalele wamba ne, Nakadi kusua bua wewe kunsankisha ne kulehesha mikalu yanyi ne bua tshianza tshiebe tshikale nʼanyi, bua wewe kundama bua tshibuedi mu malu mabi ne bua meme tshikadi ne kanyinganyinga! Nzambi wakamuha malu akalombeye.

Yobe 39:11

Wewe udi mua kumueyemena bualu bua bukole buandi budi bua bungi, ne udi mua kumushila mudimu webe wa mu budimi bua yeye kuwenza, anyi?

Yobe 42:12

Yehowa wakasankisha Yobo mu matuku andi a kunshikidilu ne disanka dihite diakadiye nʼadi mu matuku a ku tshibangidilu. Yeye wakadi ne mikoko binunu dikumi ne binai, tumelo binunu bisambombo, ne ngombe ibidi ibidi ku tshikokedi tshimue bu bikokedi tshinunu ne bakashi ba nyama ya mpunda tshinunu.

Misambu 107:38

Udi ubavudishila disanka, badi bavulangana ba bungi; kena witabusha bua bungi bua bimuna biabo bukehe.

Misambu 115:16

Diulu ne diulu mbia Yehowa; kadi wakuha bana ba bantu buloba.

Misambu 69:34

Diulu ne buloba bimutumbishe, mai manene ne tshintu tshionso tshidi tshiendakanamu bimutumbishe.

Misambu 8:6

Wakumuvuisha mukokeshi wa ha mutu ha midimu ya bianza biebe, wakuteka bintu bionso muinshi mua makasa andi:

Misambu 8:7

mikoko yonso ne ngombe, ne nyama ya mu tshisuku;

Yeshaya 45:18

Bua edi ndî didi Yehowa wakafuka diulu wamba, Nzambi mene wakafuka buloba ne wakabuenza, wakabujadika, kakabufuka bu tshintu tshia hatuhu, wakabufuka bua bantu bashikamehu; yeye mene udi wamba ne, Meme ndi Yehowa, ne kakuena mukuabo nansha.

Lewitiki 26:9

Nengikale nʼenu luse, nennuleleshe bana ba bungi, nennuvudishangane, nenjadike tshihungidi tshianyi munkatshi muenu.

1 Timote 4:3

Bobo badi bakanda bantu dibaka, badi babelela mukenshi ne, Jilai bia kudia bikuabo, biakafuka Nzambi bua bantu badi ne ditabusha ne badi bamanye bualu bulelela badie ne kusakidila.