Genese 1:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nzambi wakamba ne, Buloba buvuishe bifukibua bidi ne muoyo bu mudi mishindu yabi, ya bimuna ne bintu bidi bidikoka hanshi, ne nyama yonso ya ha buloba bu mudi mishindu yai, bualu buakenjibua.

MUKANDA WA MYIDI MUKULU

²⁴ Dituku disambombu Mvidi Mukulu kuamba ne: “Pa buloba pikale nyama ya mishindu yonsu: bilandadi, nyama ya ditu ne bimuna.” Kuenzekabi nanku.

Genese 1:24 교차 참조

Genese 1:23

Dilolo ne dinda biakadi dituku ditanu.

Genese 2:19

Yehowa Nzambi wakafuka nyama yonso ya mu madimi ne nyunyu yonso ya mulu ne buloba, wakalua nʼai kudi mulume bua kutangila bu muakadiye mua kuyidika, dina dionso diakidikeye tshifukibue tshionso diakadi dina dia tshi.

Genese 6:20

ba nyunyu ne ba bimuna ne ba tshintu tshionso tshidi tshidikoka hanshi, bu mudi mishindu yabi, buela ne bintu bibidi bia bintu bionso bua kusungila mioyo yabi.

Genese 7:14

bobo ne nyama yonso ya mushindu ne mushindu ne bimuna bionso bia mushindu ne mushindu, ne bintu bionso budi bidikoka hanshi bia mushindu ne mushindu, ne nyunyu yonso ya mushindu ne mushindu, tshionso tshidi ne mahuahua.

Genese 8:19

ne nyama yonso ne tshintu tshionso tshidi tshidikoka hanshi ne nyunyu yonso ne tshintu tshionso tshidi tshiendakana ha buloba, bu mudi mishindu yabi, biakaluhuka mu buatu.

Yobe 39:1

Udi mumanye tshikondo tshidi mbushi idi yenda ha mutu ha mikuna mile ilela bana, anyi? Udi mua kutentekela bua kumona didinyenga dia kulela kua ngulungu, anyi?

Yobe 39:19

Wewe wakuha kabalu bukole buaku, anyi? Wakukavuadika buoya budi bulembelela mu nshingu muaku, anyi?

Yobe 39:5

Wakutuma nyama wa mpunda wa mu mpata bua kuyeye mu budishikaminyi buandi nganyi? Anyi wakusulula nkanu ya mpunda udi unyema lubilu nganyi?

Yobe 39:9

Mbowa udi witabusha bua kukukuatshila mudimu, anyi? Yeye neitabushe bua kulala butuku hehi ne tshidilu tshiebe tshia nyama, anyi?

Yobe 40:15

Tangila biebe nguvu, unakafuka nʼebe diatshimue. Yeye udi udia mashinde bu mudi ngombe wenza.

Misambu 104:18

Mikuna mile idi bua mbushi ya tshisuku; mabue adi tshinyemenu tshia nyama ya nsenji.

Misambu 104:23

Bantu badi baluhuka bua kuya ku midimu yabo ne bua kuyenza, tô ne habuela diba.

Misambu 148:10

Nyama ya mu tshisuku ne bimuna bionso, bintu bidi bidikoka hanshi ne nyunyu yonso idi ihahala, bimutumbishe!