Filipe 4:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Lekelai kudiatshisha ku bualu bumue; kadi mu malu onso ku ditendelela ne ku disengelela numanyishe Nzambi bua milombu yenu ne disakidila.

MUKANDA WA MYIDI MUKULU

⁶ Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.

Filipe 4:6 교차 참조

1 Bakalenga 8:28

Kadi Yehowa, Nzambi wanyi, teleja matshu ebe ku mei ne ku kutendelela bia muntu webe bua kunvua kudila ne kutendekena kua muntu webe kudiye utendekena nʼaku lelu;

2 Kulondolola 32:20

Hezikiya mukelenge, ne Yeshaya muprofete, muana wa Amoza, bakalomba Nzambi bua bualu ebu, bakadila kudiye mu diulu.

Misambu 51:15

Mukelenge, ubulule mishiku yanyi, ne mukana muanyi nemumanyishe bantu butumbi buebe.

Misambu 55:17

Dilolo ne dinda ne ha diba dia munda munya ndi musue kumuambila meji adi antatshisha, ndi ntua mikemu, ne yeye neunvue dî dianyi.

Misambu 55:22

Teka bujitu buebe hamʼbidi ha Yehowa, ne yeye neakukoleshe; kena witabusha tshiendelele bua bantu bakane banyungishibue.

Misambu 62:8

Nuenu bantu, numueyemene misangu yonso, nuhumune milombu ya mu mitshima yenu ku mpala kuandi; Nzambi udi tshinyemenu tshietu.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Nsumuinu 16:3

Teka mudimu webe mu bianza bia Yehowa, ne malu awahangidisha nealubuluke.

Musambu wa Solomo 2:14

Wewe, nyunyu wanyi wa nkutshi, udi usokoma mu mabue a mu mbuebue, mu miaba misokoka ya mu mbuwa; witabushe bua meme kumona mpala webe ne kunyua dî diebe; bualu bua dî diebe didi dimpe ne mpala webe udi mulengele.

Yirmeya 32:16

Hanakafila mukanda wa kusumba kua budimi kudi Baluka, muana wa Neliya, nakatendelela Yehowa ngamba bianyi ne,

Yirmeya 33:3

wamba ne, Umbikile, nengitabe kudi, nenkuleshe malu a kukema ne malu makole audi kuyi mumanye.

Danyele 3:16

Shadalaka, Meshaka ne Abedenego bakakudimuna mukelenge dî ne, Mukelenge Nebukadenesâ, katuena ne bualu bua kukukudimuna dî mu muanda eu nansha.

Danyele 6:10

Hakamanya Danyele ne mukelenge wakamana kufunda dina diandi ha mukanda udi ne mukenji, wakabuela mu nsubu wandi wa mulu wakadi ne madidishi matangile ku luseke lua Yelushalema. Wakadi utua binu biandi hanshi misangu isatu ku dituku ku dituku, ulomba Nzambi wandi, umusakidila bu muakadiye wenza diambedi.

Matayi 10:19

Kadi hanufilabo nunku, kanulambi kuelangana meshi ne, Netuambe munyi? Netuambe tshinyi? Nebanuhe buakuamba ha diba adi.

Matayi 13:22

Yeye wakadi mumiamina mu mionshi ya meba udi unvua dî dia Nzambi, kadi meshi a malu a ha buloba ne mashimi a biuma bidi binyengela dî, yeye udi wikala kai ne maminu.

Matayi 6:34

Kanutambi kuelangana meshi a makelela, bualu bua makelela neadielelangane meshi. Lutatu lua ku dituku ne ku dituku ludi lukumbane.

Matayi 6:8

Kanuikadi bu bobo; bualu bua Tatu wenu udi mumanye binudi nʼabi bualu diambedi kanui banze kumulomba.

Luke 10:41

Mukelenge wakamuandamuna ne, Mâta, Mâta, wewe udi utamba kuela meshi a malu a bungi adi akutatshisha;

Luke 12:22

Yeye wakambila bayidi bandi ne, Ebu mbundi nuambila ne, Kanutambi kuelangana meshi a muoyo wenu ne, Netudie tshinyi? Ne a mibidi yenu ne, Netuluate tshinyi?

Luke 12:29

Nuenu, kanukebi bia kudia ne bia kunua, mitshima yenu kailubakanyi.

Luke 18:1

Yeye wakabelela lusumuinu bua kubamanyisha ne, Mbimpe bia nuenu kutendelela Nzambi matuku onso, kanuhangi;

Luke 18:7

Nzambi mene kena usombuela bakasunguleye, batu badila kudiye butuku ne munya, nasha bialehesheye musangu mule bua kubakuatshisha, anyi?

1 Korente 7:21

Wewe wakadi muhika hawakabikidibua, anyi? Bualu ebu kabukutatshishi. Kadi biwamanya mua kuheta budishikaminyi, wenza nunku.

1 Korente 7:32

Ne tshiena musue nuenu nuikale ne ntatu. Muntu udi mujike udi uditatshila bua bintu bia Mukelenge, bu mudiye mumanye mua kusankisha Mukelenge;

2 Korente 1:11

nuenu kabidi nudi nukuatshishangana bua bualu buetu ne disengelela dienu, bua bantu ha bungi basakidile Nzambi bua bualu buetu, bua kuha kuakatuhabo ku kutendelela kua bantu ba bungi.

Efeze 5:20

Misangu yonso nusakidile Nzambi Tatu bua bintu bionso mu dina dia Mukelenge wetu Yesu Kilisto.

Efeze 6:18

nutendelele Nzambi misangu yonso ne kulomba kuonso ne disengelela dionso mu Nyuma Mumpe; nuikale batabale mu dinanukila dionso ne disengelela bua basanto bonso,

Kolose 3:15

Ne ditalala dia Kilisto dinukokeshe mu mitshima yenu; dinuakabikidibuamu kabidi mu mubidi umue; ne nuikale nusakidile Nzambi.

Kolose 3:17

Ne malu onso anudi nuenza, ne mu mei ne mu bienzedi, enzai onso mu dina dia Mukelenge Yesu; nusakidile Nzambi Tatu bua bualu buandi.

Kolose 4:2

Nunanukile mu ditendelela dienu nutabalamu ne disakidila;

1 Timote 2:1

Nunku ku mpala kua malu onso, ndi nkusengelela bua milombu ne mitendelelu ne mitendekenu ne masakidila bikale bienzele bantu bonso.

1 Timote 5:5

Mukashi udi ne lufuila lua bushua ne udi ha nkayandi, udi utekemena Nzambi, ne udi unanukila mu kusengelela ne mu kulomba kuandi butuku ne munya

1 Petro 4:7

Kadi kunshikidilu kua malu onso kudi ha buihi; nunku nuikale ne meshi majalama, ne nuikale bahole mu mitendelelu;

1 Petro 5:7

nuteke ntatu yenu yonso kudiye, bualu bua yeye udi unulubulula.

1 Samuele 1:15

Hana wakamukudimuna ne, Nansha, mukelenge wanyi, ndi mukashi udi ne mutshima munyingalala; tshiakanua nvinyo anyi maluvu makole; kadi nakuambila Yehowa malu onso adi mu mutshima wanyi.

1 Samuele 30:6

Davidi wakanyingalala bikole; bualu bua bantu bakadi bahunga dî bua kumukuma mabue; mitshima ya buonso buabo yakanyingalala bua bana babo balume ne bana babo bakashi; kadi Davidi wakadikolesha mu Yehowa, Nzambi wandi.

1 Samuele 7:12

Hashishe, Samuele wakangata dibue, wakadimanyika hankatshi ha Misepa ne Shene, wakaditeka dina ne, Ebene-ezê, Wamba ne, Yehowa wakaluatshisha tô ne lelu.