Estere 7:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ bualu bua didi bahanyibue, meme ne bantu banyi, bua kubutudibua ne bua kushihibua ne bua kujimishibua. Kadi bu tuetu bahanyibue bu bahika balume ne bahika bakashi, nakadi kuhuwa, kadi muena lukuna kakadi mua kufuta mukelenge ku bualu ebu bubi.

MUKANDA WA MYIDI MUKULU

⁴ Bena tshisamba tshianyi ne meme bavua batusumbishe bua batubutule, batushipe, kamuyi luse. Bu bobu batupane, bua kushala bapika tshianana, mvua mua kupuwa, tshivua mua kukusuya bua kukuambila bualu bua nenku to.

Estere 7:4 교차 참조

Nehemya 5:5

Kadi musunyi wetu udi bu musunyi wa bana betu ne bana betu baledibue badi bu bana babo; tuetu tudi tubuesha bana betu balume ne bana betu bakashi mu huhika, ne bana betu bakashi bakuabo bakamana kuya mu buhika; katuena ne bukole bua kubakuatshisha, bualu bua bantu bakuabo bakamana kuangata madimi etu ne madimi a tumuma.

Estere 3:13

Bakatuma mikanda ei mu bianza bia bantu ku nseke yonso ya mukelenge bua kushihabo ne bua kubutulabo Bena Yuda bonso ne batekete ne banunu ne bana bakese ne bakashi dituku dimue, mu dituku dia dikumi ne asatu dia ngondo wa dikumi ne ibidi, ngondo wa Adâ mene, ne bua kuhaulabo bintu biabo bionso.

Estere 3:9

Nunku biasua mukelenge, bafunde mukanda bua babutudibue; hashishe meme nenfile ntalanta ya argent binunu dikumi mu bianza bia bantu badi benzela mukelenge mudimu eu, balue nʼai mu tshibutshilu tshia mukelenge.

Estere 7:5

Hashishe mukelenge Ahashawelosha wakebesha Esetê mukelenge mukashi ne, Yeye udi nganyi, yeye udi hanyi, udi welangana meji mu mutshima wandi bua kuenza nunku?

Estere 7:6

Esetê wakamba ne, Muhumbishi ne muena lukuna wetu udi muntu eu mubi Hamana mene. Hashishe Hamana wakatamba kutshina ku mesu kua mukelenge ne kua mukelenge mukashi.

Estere 8:11

mu mikanda ei mukelenge wakitabusha bua Bena Yuda badisangishe ku musoko ne ku musoko ne bua kuluangana ne kushiha ne kubutula ne kujimisha bukole buonso bua bantu bakadi bakeba kubaluisha, ne bakashi babo ne bana babo bakese, ne bua kubahaula;

Estere 8:6

Munyi mundi mua kutangila bualu bubi budi bulua kudi bantu banyi? Munyi mundi mua kutangila dibutuka dia bana betu?

Estere 9:25

kadi hakamanya mukelenge bualu ebu, yeye wakafundila mikanda bua kukudimuneye bualu bubi buakadiye musue kuenzela Bena Yuda ha mutu handi, ne yeye ne bana bandi balume bakowibua ku tshiowelu.

Danyele 6:2

Wakateka ba-gouverneur basatu ku mutu kuai, Danyele wakadi umue wabo, bua miloho ai itabe kudibo bua mukelenge kajimishi tshintu tshimue.

Yowele 3:6

Nuakahana Bena Yuda ne Bena Yelushalema kudi Bena Gelika bua kubumusha mu buloba buabo ne bua kubatuma kule.

Amosa 2:6

Yehowa udi wamba ne, Bua malu mabi asatu a Bena Isalele, nansha bua anai, tshiena nkudimuna dikenga dindualua kubakengesha nʼadi; bualu bua bakuhana bantu bakane ku argent, bakuhana bahele ku mukolo wa bisabata.

Luke 12:45

Kadi biamba muhika au munda munda ne, Nfumu wanyi kena ulua katataka, biabangeye kukuma bahika bakuabo, balume ne bakashi, biadieye, bianueye, biabangeye kukuatshika maiuvu,

Dielulula 28:68

Yehowa neanuhingashe mu Ejipitu kabidi mu matu mu nshila unakanuambila ne, Kanuena numutangila kabidi. Nenukebeku mua kudihana kudi badi nʼenu lukuna bu bahika balume ne bahika bakashi, kadi kakuena muntu udi unusumba.

Yoshua 9:23

Nunku nudi ne mulau, kakuena umue wenu wahanga kuikala muhika: buonso buenu nenuikale bahandi ba nkunyi ne basunyi ba mai ba mu nsubu wa Nzambi wanyi.

1 Samuele 22:23

Ushale nʼanyi, kutshinyi, bualu bua udi ukeba muoyo wanyi ngudi ukeba muoyo webe kabidi; biwashala nʼanyi, neulamibue bimpe.