Estere 2:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Hakakumbana tshikondo tshia nsongakashi ne nsongakashi kubuela kudi mukelenge Ahashawelosha, hakashikishabo kumuenzela bu muakadi mukenji bualu bua bakashi bua ngondo dikumi ne ibidi, (nunku matuku a kulengeshibua kuabo akashika; akadi nunku: ngondo isambombo bakabalengesha ne manyi a mula, ne ngondo isambombo bakabalengesha ne bintu bia dihembu dimpe ne bintu bikuabo bia kulengesha nʼabi bakashi);

MUKANDA WA MYIDI MUKULU

¹² Bansongakaji bavua mu lupangu bavua ne bua kukumbaja tshidimu tshijima, benza bionsu bivuabu babafundila, bua kulengeja nabi mubidi wabu. Ngondu isambombu ya kumpala, bavua babafita mafuta a mire; minga isambombu ivua ilonda, bavua babafita mafuta a manananshi, ne bintu bikuabu bia kulengeja nabi bakaji. Pashishe, nsongakaji yonsu uvua ne tshiende tshikondu tshivuaye ne bua kubuela ku nzubu kuvua mukalenga Ahashaveroshe.

Estere 2:12 교차 참조

Estere 2:11

Môdekai wakendenda ku luhangu lua bakashi ku dituku ku dituku bua kunvueye lumu lua Esetê ne malu akamukuata.

Estere 2:13

nunku nsongakashi ne nsongakashi wakabuela kudi mukelenge; bakamuha tshintu tshionso tshikasueye hakumukeye mu nsubu wa bakashi bua kuyeye mu nsubu wa mukelenge.

Estere 2:3

mukelenge asunguile tuhita tuandi mu nseke yonso ya bukelenge buandi bua bobo basangishe bansongakashi bonso balengele batshidi tumama mu nsubu wa mukelenge wa mu Shushana; babafile mu bianza bia Hegai, muntu mutungula wa mukelenge, mulami wa bakashi ba mukelenge, bashikame mu luhangu lua bakashi, babahe bintu bia kubalengesha nʼabi.

Estere 2:9

Nsongakashi eu wakasankisha mutshima wandi, yeye wakasangana luse ku mesu kuandi; yeye wakamuha bintu bia kumulengesha nʼabi lubilu ne bansongakashi muanda mutekete basungula mu nsubu wa mukelenge bua kumukuatshila mudimu; yeye wakamuladika ne bansongakashi bandi muanda mutekete mu muaba wakatamba buakane mu nsubu wa bakashi.

Nsumuinu 7:17

Nakumiamina manananshi ha bulalu buanyi adi a mula, a alo, ne a cinnamone.

Musambu wa Solomo 3:6

Nganyi udi ufuma mu tshihela bu muishi wa kahia, mununke muhuya wa myrrhe ne manananshi, ne bintu bionso bia dihembu dimpe bia muendi wa mushinga?

Yeshaya 3:24

Halua tshikondo atshi, mu muaba wa bintu bia muhuya muimpe nemuikale bintu bibole; mu muaba wa kusuikabo mukaba wa tshilulu nebasuike nshinga; mu muaba wa nsuki idi miluka bihia nemuikale mabala, ne mu muaba wakadibo baluata diyeke dimpe, nebadijingile ne tshilulu tshidi tshiosha; nsalu ya muhika misadibue ne tshiamu tshidi tshiosha nebikale mu muaba wa bulengele bua mpala yabo.

Yeshaya 57:9

Wakaya biebe kudi nfumu Moleke ne manyi, wakavudisha manananshi ebe, wakatuma miloho yebe kule, wakadihuekesha tô ne ku Muaba wa Bafue.