Estere 10:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bua Môdekai, Muena Yuda, wakadi muntu muibidi ku nyima kua mukelenge Ahashawelosha, ne wakadi munene munkatshi mua Bena Yuda, wakadi muitabushibue kudi tshisumbu tshia bana babo, mukebe diakalengele dia bana babo, muambile bana babo mei a ditalala.

MUKANDA WA MYIDI MUKULU

³ Nenku Mordekayi muena Yuda, kushala muntu wa butumbi mu bukalenga, ulonda Ahashaveroshe ku bumfumu. Bana babu bonsu bena Yuda bavua bamunange ne bamunemeke bikole. Uvua ubenzela mudimu bua diakalenga diabu, ubakuila bua kubapesha ditalala.

Estere 10:3 교차 참조

Genese 41:40

wewe newikale mulami wa nsubu wanyi, ne bantu banyi bonso nebakokeshibue anu ku dî diebe, anu bua nkuasa wa bukelenge nenkutambe.

Genese 45:10

Wewe neushikame mu buloba bua Goshene, newikale ha buihi nʼanyi, wewe ne bana bebe ne bana ba bana bebe, ne mikoko yebe ne ngombe yebe ne bintu bionso biudi nʼabi,

Genese 45:11

nenkudishileku bualu bua bidimu bia tshiole bidi bishale bitanu; kanulu bu bahele, wewe ne bonso badi mu nsubu webe ne bintu biudi nʼabi.

2 Kulondolola 28:7

Zikeli, muntu mukole wa mu Efelayima, wakashiha Mâseya, muana wa mukelenge, ne Azelikama, mukokeshi wa nsubu wandi, ne Elekana, muenyampala wa mukelenge.

Nehemya 2:10

Hakabunvua Sanebalata, Muena Holona, ne Tobiya, Muena Amona, muena mudimu wandi, ne, Muntu wakalua bua kukuatshisheye Bena Isalele, mitshima yabo yakanyingalala.

Estere 2:5

Muena Yuda mukuabo wakadi mu nsubu wa mukelenge wa mu Shushana, dina diandi diakadi Môdekai, muana wa Yai, muana wa Shimei, muana wa Kishi, Muena Benyamina.

Estere 3:2

Bena mudimu ba mukelenge bonso bakadi ku tshibi tshia mukelenge bakatua binu hanshi, bakakukuila Hamana; bualu bua mukelenge wakela mukenji nunku bua bualu buandi. Kadi Môdekai kakatua binu hanshi, kakamukuila.

Danyele 5:16

Kadi nakunvua lumu luebe ne, wewe udi mua kujingulula bantu malu a nunku ne kuitaba makonka makole. Nunku, biwamanya mua kubala tshifundu etshi ne kummanyisha dijingulula diatshi, nebakuluatshishe bivualu bikunzubile, nebakuele lukanu lua or mu nshingu muebe ne nebakuteke bu muisatu wa mu bukelenge buanyi.

Danyele 5:29

Mu diba adi Beleshasâ wakela dî diandi, bakaluatshisha Danyele bilulu bikunzubile, bakamuela lukanu lua or mu nshingu muandi, bakela mukenji bualu buandi ne ikale mukokeshi muisatu wa mu bukelenge.

Danyele 6:3

Danyele eu wakatamba ba-gouverneur bakuabo ne miloho kutumba, bualu bua lungenyi luakadi luhita bule munda muandi; mukelenge wakelangana meji bua kumuteka ku mutu kua bukelenge buandi buonso.

Rome 10:1

Bana betu, disua dia mu mutshima wanyi ne dilomba dianyi kudi Nzambi bua bualu buabo bidi bua bobo bahete luhandu.

Rome 14:18

Bualu bua wakuatshila Kilisto mudimu mu malu â udi usankisha Nzambi ne udi utumbishibua kudi bantu.

1 Samuele 18:16

Kadi Bena Isalele bonso ne Bena Yuda bakananga Davidi, bualu bua yeye wakaya ne wakalua ku mpala kuabo.

1 Samuele 23:17

Yeye wakamuambila ne, Kutshinyi, bualu bua tshianza tshia Shaula, tatuʼanyi, katshiena tshikusangana; wewe newikale mukelenge wa Isalele, ne meme nengikale muibidi nʼebe; Shaula, tatuʼanyi, udi mumanye bualu ebu.