Ekesode 9:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Yehowa wakambila Mose ne, Olola tshianza tshiebe mulu, bua mabue a nvula ikale mu buloba bua Ejipitu buonso, ne ha muntu ne ha nyama ne ha midioko yonso ya mu budimi, mu buloba bua Ejipitu buonso.

MUKANDA WA MYIDI MUKULU

²² Ke Maweja-Nangila kuambila Moshe ne: — Olola diboku mulu bua mvula mukole wa mabue aloke, alokele bena ditunga dia Ejipitu, bimuna biabu ne bintu bionsu bidi mu madimi.

Ekesode 9:22 교차 참조

Ekesode 10:21

Yehowa wakambila Mose ne, Olola tshianza tshiebe mulu, midima ikale mu buloba bua Ejipitu, bantu babubute mu midima.

Ekesode 7:19

Yehowa wakela dî kudi Mose ne, Wambile Alona ne, Angata mulangala webe, olola tshianza tshiebe ha mutu ha mai a mu Ejipitu, ku mutu kua misulu yabo ne tusulu tuabo ne mashiba abo, mai onso akudimuke mashi, mashi neikale mu buloba bua Ejipitu buonso ne mu milondo ya mitshi ne mu milondo ya mabue.

Ekesode 8:16

Yehowa wakela dî kudi Mose ne, Wambile Alona ne, Olola mulangala webe, ukume dinfuenkenya dia buloba, dinfuenkenya nedikudunuke nkusu ya mu mitu mu buloba buonso bua Ejipitu.

Ekesode 8:5

Yehowa wakela dî kudi Mose ne, Wambile Alona ne, Olola tshianza tshiebe ne mulangala webe ha mutu ha misulu ne ha mutu ha tusulu ne mashiba bualu bua kutuma biula mu buloba bua Ejipitu.

Ekesode 9:21

Yeye wakadi kayi muitabushe di dia Yehowa wakashiya bantu bandi ne bimuna biandi mu mpata.

Yoshua 10:11

Hakanyemabo ku mpala kua Bena Isalele, ne hakadibo bahueka ku tshibanda tshia Bete-holona tô ne ku Azeka, Yehowa wakahamatshishila mabue a nvula mu diulu ne bakafua: bantu bakafua ku mabue a nvula bakahita bungi bua bantu bakashihabo ku miele ya nvita kudi Bena Isalele.

Didimanyisha 16:21

Ne mabue a nvula manene a bujitu bua ntalanta adi afuma mu diulu adi ahonena bantu; ne bantu bakahenda Nzambi bualu bua dikenga dia mabue a nvula; bualu bua dikenga diau diakatamba bunene.