Ekesode 9:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Yeye wakadi kayi muitabushe di dia Yehowa wakashiya bantu bandi ne bimuna biandi mu mpata.

MUKANDA WA MYIDI MUKULU

²¹ Kadi balombodi bakuabu kabavua bangata miaku ya Maweja-Nangila ne mushinga. Bavua bashiya bena mudimu babu ne bimuna biabu mu mpata.

Ekesode 9:21 교차 참조

1 Kulondolola 22:19

Nunku nutokeshe mitshima yenu ne mioyo yenu bua kukeba Yehowa, Nzambi wenu; jukai, nuashile Yehowa Nzambi muaba wandi wa tshijila, bua nuenu nulue ne mushete wa tshihungidi tshia mei a Yehowa ne bintu bia tshijila bia Nzambi mu nsubu unudi mubaka mu dina dia Yehowa.

Yobe 34:14

Biumusheye mutshima wandi bua kuhinganau kudiye, biasangisheye nyuma wandi ne muhuya wandi munda muandi nkayamu,

Yobe 7:17

Muntu udi tshinyi, bua wewe udi umutumbisha, ne bua wewe udi uteka mutshima webe kudiye;

Ekesode 7:23

Palô wakanyunguluka, wakaya mu nsubu wandi, kakateka bualu ebu mu mutshima wandi.

Ekesode 9:20

Muntu yonso wakatshina di dia Yehowa munkatshi mua bena mudimu ba Palô wakatuma bantu bandi, bakasangisha bimuna biandi mu nsubu.

Ekesode 9:22

Yehowa wakambila Mose ne, Olola tshianza tshiebe mulu, bua mabue a nvula ikale mu buloba bua Ejipitu buonso, ne ha muntu ne ha nyama ne ha midioko yonso ya mu budimi, mu buloba bua Ejipitu buonso.

Nsumuinu 22:3

Muntu mudimuke udi utangila dikenga diamba kumukuata, udi usokoma; kadi batshimbakanyi badi bahitaku, badi bakengeshibua.

Nsumuinu 24:32

Hashishe nakamona, nakelangana meji bimpe bua muanda eu; nakautangila, nakabela diyisha ne,

Yezekiyele 40:4

Muntu eu wakangambila ne, Muana wa muntu, mona ne mesu ebe, unvua ne matshu ebe, teka mutshima webe ku malu andualua kukulesha; bualu bua bakulua nʼebe kunoko bua meme kukulesha malu â; ambila Bena Isalele malu onso audi umona.

Danyele 10:12

Hashishe, yeye wakangambila ne, Danyele kutshinyi nansha! Bualu bua dituku diwakateka mutshima webe ku dijingulula dia malu â ne diwakadihuekesha ku mpala kua Nzambi webe, yeye utu unvua mei ebe: nakulua bua kulomba kuebe.

1 Samuele 4:20

Hakambeye kufua, bakashi bakadi bimana ha buihi nʼandi bakamuambila ne, Kutshinyi, bualu bua wewe wakulela muana wa balume. Kadi yeye kakaha kudimuna dî, bakajingulula bualu ebu.