Ekesode 8:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa wakambila Mose ne, Ubike ne dinda dionso, uye kudi Palô hayeye ku mai, umuambile ne, Yehowa udi Wamba ne, Ulekele bantu banyi, baye kuntendelela.

MUKANDA WA MYIDI MUKULU

²⁰ Maweja-Nangila kuenza tshishima atshi, kutuma njiji mipite bungi. Njiji ayi kunyanga ditunga dijima dia Ejipitu. Ivua mu nzubu mua mukalenga, mu nzubu mua balombodi ba mu bukalenga buende, ne mu nzubu ya bantu bonsu.

Ekesode 8:20 교차 참조

Misambu 105:31

Wakamba dî diandi, njiji yakalua mu bisumbu bia bungi, ne nkusu yakamueneka mu nseke yonso ya buloba buabo.

Misambu 78:45

Wakatuma mikongolo ya njiji munkatshi muabo, yakabasuma, yakabadia; wakabatumina biula, biakababutula.

Ekesode 2:5

Muana wa bakashi wa Palô wakalua kuowa mai mu musulu au, bantu bandi bakashi bakendakana ku muelelu wa mai, yeye wakamona tshisaka mu malenge, wakatuma muntu wandi ne, Ya utshiangate.

Ekesode 3:18

Bobo nebunvue dî diebe, wewe ne bakulu ba Bena Isalele nenufile kudi mukelenge wa Ejipitu, nenumuambile ne, Yehowa, Nzambi wa Bena Ebelu, wakusangakena nʼetu Tudi tukutendekena ne, Witabushe bua tuetu kuya luendu lua matuku asatu mu tshihela bua kushihela Yehowa Nzambi wetu nyama.

Ekesode 4:23

ne meme nakamana kukuambila ne, Ulekela muanʼanyi wa balume, bualu bua kunkuatshila mudimu, kadi wewe wakahidia kulu ulekela, nunku meme nenshihe muana webe, muanʼa bute webe.

Ekesode 5:1

Ku nyima kua malu â Mose ne Alona bakalua kudi Palô, bakamuambila ne, Yehowa, Nzambi wa Isalele, udi Wamba ne, Ulekele bantu banyi, baye mu tshihela bua kudia bidia ku mesu kuanyi.

Ekesode 5:3

Bakamba ne, Nzambi wa Bena Ebelu wakasangakena hetu, witabushe ne tuetu tuye luendu lua matuku asatu mu tshihela bua kushihela. Yehowa Nzambi wetu nyama, bua yeye katukengeshi ne masama anyi muele wa mata.

Ekesode 7:15

Ya biebe kudi Palô ne dinda, hayeye ku mai, wimane kukala kua musulu bua kusangakena nʼandi, uye ne mulangala wakakudimuka nyoka au mu tshianza tshiebe.

Ekesode 8:1

Yehowa wakambila Mose ne, Ya biebe kudi Palô, umuambile ne, Yehowa udi Wamba ne, Lekela bantu banyi baye kuntendelela.

Ekesode 8:21

Biwahidia kulekela bantu banyi, nentumine bisumbu bia tuishi kûdi ne kudi bahika bebe ne kudi bantu bebe ne mu nsubu yenu, nsubu ya Bena Ejipitu neyikale ne bisumbu bia tuishi tente, ne hanshi ha buloba kabidi.

Ekesode 9:13

Yehowa wakambila Mose ne, Bika ne dinda dionso, wimane ku mpala kua Palô, umuambile ne, Yehowa, Nzambi wa Bena Ebelu udi wamba ne, Ulekele bantu banyi, baye kuntendelela.