Ekesode 4:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wewe neuyikile handi, neuteke mei mukana muandi, meme nengikale ne mukana muebe ne mukana muandi, nenkuyishe malu anudi mua kuenza.

MUKANDA WA MYIDI MUKULU

¹⁵ Neumumvuije tshidiye mua kuamba. Nennuambuluishe wewe ne muanenu Arone bua nuakule bimpe. Nennumanyishe tshinudi mua kuenza.

Ekesode 4:15 교차 참조

2 Samuele 14:3

uye kudi mukelenge, umuambile nunku. Yoaba wakateka mei mukana muandi.

Misambu 25:12

Muntu kai udi utshina Yehowa? Yehowa neamumanyishe nshila udiye ne bua kusungula.

Misambu 51:15

Mukelenge, ubulule mishiku yanyi, ne mukana muanyi nemumanyishe bantu butumbi buebe.

Ekesode 3:12

Nzambi wakamba ne, Bulelela, nengikale nʼebe, nenkuhe tshimanyinu etshi tshidi tshilesha ne nakukutuma hawahatula bantu badi mu Ejipitu, nenutendelele Nzambi ha mukuna eu.

Ekesode 4:12

Nunku, ya biebe, meme nengikale ne mukana muebe, meme nenkuyishe mei andi musue wewe kuamba.

Ekesode 4:28

Mose wakambila Alona mei onso akamuambila Yehowa ne bimanyinu bionso biakamuheye.

Ekesode 4:30

Alona wakabambila mei onso akadi Yehowa wambila Mose, ne yeye wakenza bimanyinu ku mesu kua bantu.

Yeshaya 51:16

Nakuteka mei anyi mukana muebe, nakukusokoka mu mundidimbi wa tshianza tshianyi, bua meme kuasa diulu ne kujadika bishimikidi bia buloba, ne bua kuambila Siona ne, Wewe udi bantu banyi,

Yeshaya 59:21

Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

Yirmeya 1:9

Mu diba adi Yehowa wakolola tshianza tshiandi, wakalenga mukana muanyi. Yehowa wakangambila kabidi ne, Mona, nakuteka mei anyi mukana muebe;

Yirmeya 36:32

Hashishe, Yelemiya wakangata mukanda mukuabo, wakaha Baluka, muana wa Neliya, wakafundamu mei akaluhuka mukana mua Yelemiya, mei onso akadi mu mukanda wakoshabo mu kahia kudi Yehoyakima, mukelenge wa Yuda. Baluka wakasangishamu mei makuabo a bungi mafuanangane ne a diambedi.

Dibadika 16:28

Mose wakamba ne, Nenumanye ne Yehowa wakatuma bua kuenza malu au onso, tshiakadienzela bualu bua mutshima wanyi.

Dibadika 22:38

Belâma wakambila Balaka ne, Mona, nakamana kulua kudi! Ndi mumanye mua kukuambila bualu, anyi? Di didi Nzambi uteka mukana muanyi, nenkuambiledi.

Dibadika 23:12

Yeye wakamuambila ne, Tshiena ne bualu bua kudimuka bua kuamba dî diakuteka Yehowa mukana muanyi, anyi?

Dibadika 23:16

Yehowa wakasangakena ne Belâma, wakateka dî mukana muandi, wakamba ne, Uhingane kudi Balaka, umuambile nunku.

Dibadika 23:5

Yehowa wakateka dî mukana mua Belâma, wakamba ne, Hingana kudi Balaka, umuambile nunku.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Luke 21:15

meme nenuhe mukana ne lungenyi bidi badi nʼenu lukuna kabai bamanye mua kutantamana ne mua kukudimuna dî.

1 Korente 11:23

Bua nakangata kudi Mukelenge bualu bunakanuha ne, Butuku buakamufilabo, Mukelenge Yesu wakamema bidia;

1 Korente 15:1

Bana betu, katataka ndi numanyisha lumu luimpe lunakanuambila, lunuakitabusha kabidi, lunudi nuimanamu kabidi,

Dielulula 18:18

Meme nembabishile muprofete munkatshi mua bana babo bu wewe; meme nenteke mei anyi onso mukana muandi, ne yeye neabambile mei onso anamuambila.

Dielulula 5:31

Kadi wewe wimane biebe hehi nʼanyi, nenkuambile mei onso, ne mikenji ne malu bindi musue wewe kubamanyisha, bua bobo babienze mu buloba bundi nnuha.

1 Samuele 16:3

Ubikile Yishai ku tshishihelu, nenkuleshe bualu bûdi ne bua kuenza; wewe newele manyi ha mutu ha undi nkuambila dina diandi.