Ekesode 34:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ bua nuenu kanubikidi bana babo ba bakashi kudi bana benu ba balume; ne bana babo ba bakashi badi benda masandi ku mpingu yabo ka-benzeshi bana benu ba balume masandi kudi mpingu yabo.

MUKANDA WA MYIDI MUKULU

¹⁶ Bana benu ba balume kabena mua kusela nsongakaji ya mu ditunga adi to. Bualu badi mua kulonda bibidilu bibi bia nsongakaji idi inemeka mvidie ya ditunga diabu.

Ekesode 34:16 교차 참조

Genese 24:3

nenkutshihishe kudi Yehowa, Nzambi wa diulu ne wa buloba, ne wewe kuangatshidi muanʼanyi mulume mukashi wa bana bakashi ba Bena Kanâna babidi bashikame nʼabo,

1 Bakalenga 11:1

Mukelenge Solomo wakananga bakashi ba bende ba bungi, basangisha ne muana mukashi wa Palô; bakashi ba Bena Moaba ne ba Bena Amona ne ba Bena Edome ne ba Bena Sidona ne ba Bena Hiti;

1 Bakalenga 21:25

Kakuakadi muntu mukuabo bu Ahaba wakadihanyisha bua kuenzeye malu mabi ku mesu kua Yehowa, wakadi musonsolodibue kudi Izebele, mukashi wandi.

2 Kulondolola 21:11

Bualu bukuabo kabidi, yeye Wakenza bitendelelu ku mutu kua mikuna ya Yuda, wakenzesha Bena Yelushalema malu a masandi, wakahambuisha Bena Yuda.

Ezela 9:12

Nunku kanufidi bana benu bakashi kudi bana babo balume; kanuangatshidi bana benu balume bana babo bakashi; kanukebi ditalala diabo anyi diakalengele diabo tô ne tshiendelele; bua nuenu nuikale ne bukole, bua nuenu nudie bintu bimpe bia mu buloba abu, ne bua nuenu nubushile bana benu bu buhianyi buabo bua tshiendelele.

Ezela 9:2

Bualu bua bobo ne bana babo balume bakadiangatshila bana bakashi ba bantu aba bu bakashi babo; nunku bantu ba tshijila bakabuelakana ne bena maloba â; bulelela, bantu banene ne bakokeshi bakadianjila kuenza bubi ebu.

Nehemya 10:30

Katufidi bana betu bakashi kudi bena buloba, katuangatshidi bana betu balume bakashi kudibo;

Nehemya 10:31

bialua bena buloba kutudi ne bintu biabo anyi blé yabo bua kutubanyishabi dituku dia lumingu, katuena tubiula dituku dia lumingu anyi dituku dikuabo dia tshijila; netujile tshidimu tshia muanda mutekete, netulekelelangane mabanza.

Nehemya 13:23

Mu matuku au kabidi nakamona ne Bena Yuda bakadi babake bakashi ba Bena Ashedodo ne Bena Amona ne Bena Moaba;

Nehemya 13:25

Nunku nakatanda nʼabo, nakabela mulau, nakabakuma, nakatua nsuki yabo, nakabatshihisha kudi Nzambi ne, Kanufidi bana benu bakashi kudi bana babo balume, kanuangatshidi bana benu balume bakashi kudibo, kanudiangatshidibo nuenu kabidi.

Misambu 106:39

Nunku bakadibihisha ku bienzedi biakenzabo, bakalonda malu a masandi mu bienzedi biabo.

Osheya 1:2

Ku tshibangidilu hakayikila Yehowa ne Hoshea, Yehowa wakamuambila ne, Ya biebe, ubake mukashi wa masandi, ulele nʼandi bana ba mu masandi; bualu bua ba mu buloba ebu badi balonda malu a masandi, bahambuke kudi Yehowa.

Lewitiki 21:15

Kanyangishi bana bandi munkatshi mua bana babo nansha, bualu bua meme ndi Yehowa wakamujidila.

Yoshua 23:12

Kadi binuahingana bua kulamata bisamba ebi bidi bishala munkatshi muenu, ne bua kubakangana nʼabo, ne bua kubuelakana nʼabo,

Yoshua 23:13

numanye bienu ne, Yehowa, Nzambi wenu, nealekele kunuihatshila bisamba ebi ku mpala kuenu; nebikale bu buteyi ne dijimba kunudi, ne bu nfimbu ha nyima henu, ne bu meba mu mesu enu tô ne hanubutulabo mu buloba ebu buimpe buakanuha Yehowa, Nzambi wenu.

Balombodi 14:3

Hashishe tatu wandi ne mamu wandi bakamuebesha ne, Kakuena mukashi munkatshi mua bana bakashi ba bana betu anyi munkatshi mua bantu bonso ba mu tshisamba tshietu, bua wewe kuya kuangata mukashi kudi Bena Peleshete badi kabayi batengula, anyi? Kadi Shimishona wakambila tatu wandi ne, Umungangatshile, bualu bua yeye udi utamba kunsankisha bimpe.

Balombodi 3:5

Bena Isalele bakashikama munkatshi mua Bena Kanâna ne Bena Hiti ne Bena Amole ne Bena Pelizi ne Bena Hiwi ne Bena Yebuse;

Balombodi 3:6

bakangata bana babo bakashi bu bakashi babo, ne bakafua bana babo bakashi kudi bana babo balume, bakakuatshila nzambi yabo mudimu.

Balombodi 8:27

Gideona Wakenza efoda ne bintu ebi, wakamuteka mu Ofela, musoko wandi; Bena Isalele bonso bakendaku masandi; nunku efoda eu wakalua bu buteyi kudi Gideona ne ba mu nsubu wandi.