Ekesode 34:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Ushimbule bioshelu biabo, utshibule bibumba biabo, ukose mpingu yabo ya Bashela.

MUKANDA WA MYIDI MUKULU

¹³ Nanku, nupule bilambuilu biabu, nupule makunji abu adibu batendelela.

Ekesode 34:13 교차 참조

1 Bakalenga 14:15

E, bulelela, Yehowa neakume Bena Isalele bu mudi mai anyungisha disele; neajule Bena Isalele mu buloba ebu buimpe buakaheye bankambua babo, neabamuangalashe dishiya dia musulu wa Pelata, bualu bua bobo bakadienzela Bashela bua kufuisha nʼai Yehowa tshiji.

2 Bakalenga 10:27

Bakatonkolola makunshi a mabue a Bâla hanshi, bakashimbula nsubu wa Bâla, bakamuvuisha bu diala tô ne ku dituku edi.

2 Bakalenga 18:4

Wakumusha bitendelelu biakadi ku mutu kua mikuna, wakashimbula makunshi akatendelelabo, wakatahila Bashela hanshi, wakabutula nyoka wa tshiamu tshia mitaku Wakenza Mose, bualu bua mu matuku au Bena Isalele bakadi boshila nyoka au musenga wa manananshi; wakamubikila ne, Nehushetana.

2 Bakalenga 23:14

Wakambula makunshi ne wakashimbula mpingu bia Bashela; wakanyanga miaba ei ne mifuba ya bantu bafue.

2 Kulondolola 14:3

bualu bua yeye wakumusha bioshelu bia bantu ba bende ne bitendelelu biakadi ba mutu ha mikuna, wakabutula makunshi, wakataha mitshi ya Bashela,

2 Kulondolola 15:16

Asa wakumusha Mâka mamu wandi mumuledi kabidi, bua yeye kikadi mukelenge mukashi, bualu bua yeye wakenza luhingu lua bundu lua kutendelela nʼalu Bashela; Asa wakashimbula luhingu luandi, wakalusunsula tuhese tukese, wakaluosha ne kahia ku musulu wa Kidilona.

2 Kulondolola 17:6

Mutshima wandi wakakoleshibua mu nshila ya Yehowa; yeye wakumusha bitendelelu biakadi ku mutu kua mikuna ne Bashela bakadi mu Yuda.

2 Kulondolola 24:18

Bakalekela nsubu wa Yehowa, Nzambi wa bankambua babo, bakakuatshila Bashela ne mpingu mudimu; tshiji tshia Nzambi tshiakadi kudi Bena Yuda ne ba mu Yelushalema bualu bua bobo bakenza bualu ebu bubi.

2 Kulondolola 31:1

Hakashika malu â, Bena Isalele bonso bakadiku bakamuangalaka ku misoko yonso ya Yuda, bakashimbula makunshi onso a bitendelelu bia mpingu, bakataha mitshi ya Bashela, bakashimbula bioshelu bionso biakadi ha mutu ha mikuna ya mu Yuda ne mu Benyamina, ne ya mu Efelayima ne mu Manashe kabidi, tô ne hakabishimbulabo bionso. Hashishe Bena Isalele bonso bakahingana, muntu ne muntu ku buhianyi buandi ne ku musoko wandi.

2 Kulondolola 33:19

Mei akalombeye nʼau Nzambi bakitabusha Nzambi kutendekena kuandi, ne malu mabi onso akenzeye, ne ditomboka diandi, ne bioshelu biakaseye ha mutu ha mikuna, ne mitshi ya Bashela yakakuneye, ne mpingu yakasongeye diambedi yeye kayi muanji kudihuekesha, monai, bidi bifunda mu mukanda wa bamonyi ba malu.

Ekesode 23:24

Kuinaminyi nzambi yabo, kuyitendeledi, kuenji mudibo benza, kadi ubiele hanshi, ushihe bibumba biabo.

Yeshaya 17:8

Kabena batangila ku bioshelu, bintu bidi bianza biabo bienza, kabena banemeka bintu bidi minu yabo mienze, nansha bikalabi mitshi ya Bashela, nansha bikalabi mpingu ya kutendelela nʼai diba.

Yeshaya 27:9

Bua muanda eu bubi bua Yakoba nebujimishibue, ne au mmamuma onso adi Yehowa musue bua kumûmushila bubi buandi: bua yeye avuishe mabue onso a bioshelu biandi bu mabue a luhemba adibo babotesha, bua Bashela ne mpingu idibo batendelela nʼai diba kabikadiku kabidi.

Yirmeya 17:2

Bana bakalelabo kabidi badi bavuluka bioshelu biabo ne Bashela babo badi hehi ne mitshi mibishi idi ha mikuna mile.

Mika 5:14

Nenjule mitshi yenu ya Bashela idi munkatshi muenu, nembutule misoko yenu.

Dibadika 33:52

nenuihate bena buloba ebu bonso ku mpala kuenu, nushihe mpingu yabo ya mabue, ne mpingu yakatulabo ne tshiamu, ne miaba yabo ya kutendelela,

Dielulula 16:21

Kanukunyi mutshi wa Ashela hehi ne tshishihelu tshia Yehowa, Nzambi wenu, tshinudi badiashile.

Dielulula 16:22

Kanujadiki dibue dia kutendelela didi Yehowa, Nzambi wenu, ukina.

Dielulula 7:5

Kadi nenubenzele nunku: nushihe bishihelu biabo, nuele mabue abo hanshi adibo batendelela, nutahe Bashela babo, nuoshe mpingu yabo ne kahia.

Balombodi 2:2

nuenu kanuhungi tshihungidi ne bena buloba ebu; nutonkole bioshelu biabo. Kadi nuenu kanuakatumikila dî dianyi; nuakuenza nunku bua tshinyi?

Balombodi 6:25

Butuku abu mene Yehowa wakamuambila ne, Wangate ngombe wa tatu webe, ngombe wandi muibidi bidimu muanda mutekete, ushimbule tshioshelu tshia Bâla tshidi tatu webe nʼatshi, utahe mutshi wa Ashela udi hehi nʼatshi,

Balombodi 6:26

wibakile Yehowa, Nzambi webe, tshioshelu ha mutu ha dibue edi, mu muaba mulongolola, wangate ngombe au muibidi, umufileku bu mulambu wa kuosha ha kahia ne nkunyi ya mutshi wa Ashela uwataba.