Ekesode 32:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ Mose wakahingana kudi Yehowa, wakamba ne, Bantu aba bakuenza bualu bubi bunene, bakudienzela nzambi wa or.

MUKANDA WA MYIDI MUKULU

³¹ Ke Moshe kubanda ku mukuna, kuambilaye Maweja-Nangila ne: — Bantu aba mbenze tshilema tshipite bunene, mbadienzele mvidie wa tshiamu tshia mpawungi.

Ekesode 32:31 교차 참조

Ezela 9:15

Yehowa, Nzambi wa Isalele, wewe udi muakane; bualu bua wewe wakatahila difuka dihanduka bu mudidi lelu eu; mona, tudi ku mesu kuebe mu kuhila kuetu; kakuena udi mumanye mua kuimana ku mpala kuebe bua bualu ebu.

Nehemya 9:18

Bulelela, hakadifudilabo kana ka ngombe, hakambabo ne, Eu nNzambi wetu wakatuluhula mu buloba bua Ejipitu, ne hakakutatshishabo bikole,

Nehemya 9:33

Kadi wewe udi muakane mu malu onso akatukuata; wakatuenzela anu malu a bushuwa, kadi tuetu tuakenza bibi;

Ekesode 20:23

Kanuenji nzambi mikuabo bua kuikala hehi nʼanyi nzambi ya tshiamu tshia argent anyi nzambi ya tshiamu tshia or, kanuyenji.

Ekesode 20:4

Kudisongedi luhingu anyi tshifuanyikishi tshia tshintu tshia mu diulu anyi tshia tshintu tshia hanshi ha buloba anyi tshia tshintu tshia mu mai adi muinshi mua buloba.

Ekesode 32:30

Hakatshiabu Mose wakambila bantu ne, Nuenu nuakuenza bualu bubi bunene Katataka nembande kudi Yehowa, binamanya mua kunubuikidila bubi buenu.

Ekesode 34:28

Yeye wakashala ne Yehowa minya makumi anai ne mafuku makumi anai; wakajila bia kudia ne mai a kunua. Wakafunda mei a dihungila, mikenji dikumi, ha mabue.

Danyele 9:11

Bulelela, bonso ba mu Isalele bakushiha mikenji yebe, bakusesuka, kabakunvua dî diebe. Nunku bakutuha mulau bu muakuamba mutshihu udi mufunda mu mikenji ya Mose, muntu wa Nzambi, bualu bua tuakuenzela Nzambi bibi.

Danyele 9:5

tuakuenza malu mabi, tuakuhambuka mu nshila wa buakane, tuakuenza bibi, tuakutomboka, tuakusesuka ku mikenji yebe ne mei ebe.

Danyele 9:8

Mukelenge, ku mesu kuetu kudi anu bundu, kudi bakelenge betu, kudi bakokeshi betu ne kudi batatuʼetu, bualu bua tuakukuenzela bibi.