Ekesode 32:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Yeye wakabambila ne, Yehowa, Nzambi wa Isalele, udi Wamba ne, Muntu yonso aluate muele wandi wa nvita, endakane ku tshibi ne ku tshibi mu tshitudilu tshionso, ashihe muanʼabo mulume ne mulunda wandi ne muena mutumba nʼandi.

MUKANDA WA MYIDI MUKULU

²⁷ Moshe kubambila ne: — Maweja-Nangila Mvidi Mukulu wa Izrayele mmutume diyi ne: “Muntu yonsu ambule muele wende wa mvita, endakane ku nzubu ya bantu, bua kushipa udiye usangana: ne mmuanabu wa balume, ne mmulunda wende nansha muena mutumba nende.”

Ekesode 32:27 교차 참조

2 Bakalenga 10:25

Hakamanabo kufila milambu ya kuosha ha kahia, Yehu wakambila balami ne tupitene ne, Buelai, nubashihe, nansha umue kahatuki, Bakabashiha ku miele ya nvita; balami ne tupitene bakabimasha ha mbelu, bakabuela mu musoko muakadi nsubu wa Bâla.

Ekesode 32:26

Mose wakimana ku mbelu kua tshitudilu, wakamba ne, Udi ku luseke lua Yehowa alue biandi kundi Bana balume bonso ba Lewi bakadisangisha kudiye.

Ekesode 32:28

Bana balume ba Lewi bakenza bu mu di dia Mose, bantu bakafua dituku adi bu binunu bisatu.

Ekesode 32:29

Mose wakamba ne, Muntu yonso wakudifila kudi Yehowa lelu ku mushinga wa muanʼandi mulume ne muanʼabo mulume, Yehowa anuvudishile disanka lelu.

Yezekiyele 9:5

Wakambila bakuabo mu matshu anyi ne, Yai, nuhitshile mu musoko ku nyima kuandi, nutahe bantu. Mesu enu kâbatangidi ne dinanga, kanubafuidi luse;

Dibadika 25:5

Mose wakambila balumbuluishi ba mu Isalele ne, Muntu ne muntu ashihe bantu ba mu tshisamba tshiandi bakadisangisha kudi Bâla-peô.

Luke 14:26

Bialua muntu kundi kai ne tatu wandi lukuna ne baba wandi ne mukashi wandi ne bana bandi ne bana babo balume ne bana babo bakashi, ne muoyo wandi mene kabidi, kena mumanye mua kuikala muyidi wanyi.

2 Korente 5:16

Nunku mu malu atshidi ku mpala katuena bamanye bantu ku mibidi yabo; bituamana kumanya Kilisto ku mubidi wandi diambedi, katataka katuena bamumanye nunku kabidi.

Dielulula 13:10

Neumukume ne mabue, neumushihe; bualu bua yeye wakakeba mua kunusesuisha mu nshila wa Yehowa, Nzambi wenu, wakanuhatula mu buloba bua Ejipitu ne mu nsubu wa lukanu.

Dielulula 13:6

Bikala muanʼenu mulume, muana mulume wa mamu webe mene, anyi muanʼebe mulume anyi muanʼebe mukashi, anyi mukashi webe ûdi unanga, anyi mulunda webe wa ha mutshima webe, mukusesuishe mu musokoko ne, Tuye bietu, tuenzele nzambi mikuabo mudimu, inudi kanuyi bamanye, nansha wewe nansha batatu benu;