Ekesode 31:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nakumûsha tente ne Nyuma wa Nzambi ne lungenyi ne dijingulula ne meji mu kuenza kua midimu yonso ya bianza,

MUKANDA WA MYIDI MUKULU

³ Mueyelu wanyi udi munda muende, bua ikale muntu wa lungenyi ne meji, mumanye mua kuenza midimu mishilangane.

Ekesode 31:3 교차 참조

1 Bakalenga 3:9

Uhe muntu webe mutshima wa lungenyi bua kulumbuluila nʼau bantu bebe ne bua meme kumanya mua kujingulula hankatshi ha malu mimpe ne malu mabi: bualu bua udi mua kulumbuluila bantu bebe banene nganyi?

1 Bakalenga 7:13

Mukelenge Solomo wakatuma bantu, bakatua ne Hilama ku musoko wa Tulo.

1 Bakalenga 7:14

Yeye wakadi muana wa mukashi wa mu lufuila wa mu tshisamba tshia Nafatale, ne tatu wandi wakadi Muena Tulo, mutudi wa tshiamu tshia mitaku; wakadi nsenda wa lungenyi lule lua kuenza mudimu wa tshiamu tshia mitaku. Yeye wakalua kudi mukelenge Solomo, wakamuenzela mudimu wandi wonso.

2 Kulondolola 2:7

Nunku untumine bantu badi ne lungenyi bua kuenza mudimu mu or ne mu argent ne mu tshiamu tshia mitaku ne mu tshiamu tshifike ne mu bilulu bikunzubile ne bikunzu-kunzû ne bia bleu; ne badi bamanye mua kusonga bintu bionso, bua kuikalabo ne bena lungenyi banyi badi nʼanyi mu Yuda ne Yelushalema bakasungulabo kudi Davidi tatu wanyi.

Ekesode 28:3

Wewe neubikile bantu bonso badi ne mitshima ya lungenyi, bantu banakûsha ne lungenyi tente, bua bobo batelele Alona bilulu bia kumujidila, bua yeye ankuatshile mudimu wa buakuidi.

Ekesode 31:4

bua kulongololeye bintu bia or ne bia argent ne bia tshiamu tshia mitaku,

Ekesode 35:31

wakamûsha tente ne Nyuma wa Nzambi ne lungenyi lule lua kuenza nʼalu midimu yonso,

Ekesode 35:35

Yeye wakabûsha mitshima tente ne lungenyi bua kuenza nʼalu midima yonso ya bantu badi basonga bintu ne badi bakuma bilulu bia bleu ne bikunzubile ne bikunze-kunzû ne bia lin, ne ya bantu bonso badi balongolola midimu ya lungenyi.

Nsumuinu 2:6

Bualu bua Yehowa udi uha bantu meji; mukana muandi mudi muhatuka lungenyi ne dijingulula dia mianda.

Yeshaya 28:26

Bualu bua Nzambi wandi udi umulesha lungenyi luimpe lua kulondeye, udi umuyisha.

Yeshaya 28:6

Neikale nyuma wa kulumbulula kuakane kudi muntu udi mushikame mu tshilumbuluidi, neikale bukole kudi bantu badi bihata bena nvita badi bafika ku tshibuelelu tshia musoko.