Ekesode 30:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Alona neamiamine mashi a nyama mishiha ha nsengu ya tshioshelu etshi bua kubuikidila bantu mibi yabo, yeye nênze bualu ebu musangu umue ku tshidimu ku tshidimu bikondo bienu bionso, tshidi tshia tshijila tshitambe kudi Yehowa.

MUKANDA WA MYIDI MUKULU

¹⁰ Ku tshidimu tshionsu, Arone ikale utshikobolola, umiamine mashi a nyama ku nsengu inayi idi ku tshilambuilu, bua kukobolola bantu. Mukenji ewu, bikale bawenzulula ku tshidimu tshionsu kudi ndelanganyi yenu yonsu. Tshilambuilu etshi netshikale tshijidila, tshikale muaba wa tshijila menemene.”

Ekesode 30:10 교차 참조

1 Bakalenga 1:50

Adoniya wakatshina bualu bua Solomo; wakajuka, wakaya, wakakuata ku nsengu ya ku tshishihelu.

1 Kulondolola 6:49

Kadi Alona ne bana bandi ba balume bakafila milambu ya kuosha ha kahia ne ku tshioshelu tshia musenga wa manananshi ne ya midimu yonso ya mu muaba wa tshijila ne ya kubuikila nʼai mibi ya Bena Isalele bu muakadi mikenji yonso yakela Mose, muntu wa Nzambi.

Ekesode 30:11

Yehowa wakambila Mose ne,

Ekesode 30:9

Kuoshi musenga wa manananshi udi kauyi mujidila ha tshioshelu, nansha mulambu wa nyama idiho bosha, nansha mulambu wa bukula, nansha mulambu wa nvinyo idiho banua.

Lewitiki 16:16

Yeye neafile mulambu eu bua muaba wa tshijila, bualu bua Bena Isalele kabena bakane, ne bualu bua disambuka diabo dia mikenji, ne bualu bua malu mabi abo onso, nênze nunku bua kulengesha ntenta wa kusangakena udi munkatshi muabo, munkatshi mua bubi buabo.

Lewitiki 16:18

Neahatuke bua kuya ku tshioshelu tshidi ku mpala kua Yehowa bua kutshilengesha neangate mashi a muana mulume wa ngombe ne mashi a mbushi, nealabe ku nsengu ya ku tshioshelu.

Lewitiki 16:2

Yehowa wakambila Mose ne, Wambile Alona, mukulu webe, ne, Kulu nusangu yonso mu muaba wa tshijila udi ku nyima kua tshilulu tshikudika ku mpala kua tshibuikilu tshia mushete wa Nzambi, kufu biebe, bualu bua meme nemmueneke mu difutu ku mutu kua tshibuikilu tshia mushete wa Nzambi.

Lewitiki 23:27

Dituku dia matuku dikumi a ngondo eu wa muanda mutekete ndituku dia kubuikila bubi bua bantu, nebikale dituku dia disangisha dia tshijila, nenujinge mu mitshima yenu, nenufile mulambu wa kuoshila Yehowa ha kahia.

Lewitiki 4:18

Nealabe mashi ku nsengu ya ku tshioshelu tshidi mu ntenta wa kusangakena ku mesu kua Yehowa, yeye neahongolole mashi onso ku tshitaku tshia tshioshelu tshia kahia tshidi ku mbelu kua ntenta wa kusangakena.

Lewitiki 4:7

Muakuidi nealabe mashi ku nsengu ya ku tshioshelu tshia musenga wa manananshi tshidi mu ntenta wa kusangakena ku mesu kua Yehowa, neahongolole mashi onso a muana wa ngombe ku tshitaka tshia tshioshelu tshia kahia tshidi ku mbelu kua ntenta wa kusangakena.

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

Ebrewu 9:25

ne kena ne bualu bua kudifila ku musangu ne ku musangu, bu mudi muakuidi munene ubuela mu muaba mutambe tshijila ku tshidimu ku tshidimu ne mashi adi kâi andi;

Ebrewu 9:7

kadi muakuidi munene udi ubuela mu muaba muibidi, yeye nkayandi, musangu umue ku tshidimu ku tshidimu; kena ubuela kai ne mashi adiye ufila bua bualu buandi ne bua matuhakana a bantu.

Didimanyisha 9:13

Ne muanjelo muisambombo wakela mpungi, ne nakunvua dî dia ku nsengu ya tshioshelu tshia ngolo tshidi ku mpala kua Nzambi,