Ekesode 28:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Ebi mbilulu bidibo ne bua kutela tshintu tshia kuteka ha tshiadi, ne efoda, ne tshikowelu, ne kazaku ka bibaka bibaka, ne tshilulu ne mukaba, bobo nebatelele Alona ne bana bandi bilulu bia tshijila, bua yeye ankuatshile mudimu wa buakuidi.

MUKANDA WA MYIDI MUKULU

⁴ Bilamba abi bikale bia mushindu ewu: tshilamba tshia pa tshiadi, tshia efode, tshia muntumpu, tshia muinshi tshilengeja ne buanda bua mishindu mishilangane, tshifulu ne mukaba. Muanenu Arone ne bana bende ba balume nebavuale bilamba abi padibu benza mudimu wa butuangaji.

Ekesode 28:4 교차 참조

2 Samuele 6:14

Davidi wakaja maja ku mpala kua Yehowa ne bukole buandi buonso: Davidi wakadi ne efoda wa lin musuika mu tshifila tshiandi.

Ekesode 25:7

mabue a mushinga mukole adibo bateka mu efoda ne mu tshiamu tshidibo baluata ha tshiadi.

Ekesode 29:6

Teka tshifulu ha mutu handi ne tshitotolo tshia tshijila ha tshifulu.

Ekesode 39:28

ne bifulu bia lin, ne bilulu bikuabo bia ha mutu, ne mihanu ya lin,

Yeshaya 11:5

Buakane nebuikale mukaba wa mu tshimono tshiandi, kujalama kuandi kulelela nekuikale mukaba wa ku tshifuka tshiandi.

Yeshaya 59:17

Yeye wakavuala buakane bu kazaku ka tshiamu ka nvita, wakasa tshifulu tshia luhandu ha mutu handi, wakavuala bivualu bia disombuela bu bilulu biandi, wakadiluatshisha lukunukunu lua nvita bu tshikowelu.

Osheya 3:4

Bualu bua Bena Isalele nebashale matuku a bungi kabayi ne mukelenge, kabayi ne mukokeshi, kabayi ne milambu mishihela Yehowa, kabayi ne dikunshi dia tshijila, kabayi ne tshilamba tshia efoda, ne kabayi ne telafima.

Efeze 6:14

Nunku imanai bienu, bamane kusuika bulelela mu bifuka bienu bu mukaba, bamane kuteka buakane bu tshibuikilu tshia ha tshiadi;

1 Tesalonike 5:8

Kadi tuetu, bualu bua tudi ba dituku, tuikale ne meshi mahole; tuluate tshibuikilu tshia ha tshiadi tshia ditabusha ne tshia dinanga, tuluate ditekemena dia luhandu bu tshifulu ku mutu.

Didimanyisha 9:17

Nunku, nakamona tubalu mu tshikena kumona, ne bakadi bashikama ha nyima hatu, bikala ne bibuikilu bia ha tshiadi bikunzubile, ne bia lubidibidi lua soufre; ne mitu ya tubalu idi bu mitu ya nyama ya ntambue, ne mukana muatu mudi muhatuka kahia ne muinshi ne soufre.

1 Samuele 2:18

Samuele wakenzela Yehowa mudimu; hakatshidiye muana, wakadi uluata efoda wa lin.

1 Samuele 22:18

Mukelenge wakambila Doege ne, Wewe ushihe bakuidi. Doege, Muena Edome, wakatshunguluka, wakashiha bakuidi dituku adi makumi muanda mukulu ne batanu bakadi baluata efoda ya lin.

1 Samuele 23:6

Hakanyema Ebeyatâ, muana wa Ahimeleke, kudi Davidi mu Kila, yeye wakadi mulue ne efoda mu tshianza tshiandi.

1 Samuele 30:7

Davidi wakambila Ebeyatâ muakuidi, muana wa Ahimeleke ne, Ndi nkusengelela ne, Ulue kundi ne efoda. Ebeyatâ wakalua kudi Davidi ne efoda.