Ekesode 28:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Ubikile Alona mukuluʼebe kûdi, ne bana bandi balume balue nʼandi ba munkatshi mua Bena Isalele, yeye ankuatshile mudimu wa buakuidi, Alona mene ne Nadaba ne Abihu, Eleazâ ne Itamâ, bana balume ba Alona.

MUKANDA WA MYIDI MUKULU

¹ “Wambile mukuluebe Arone ne bana bende ba balume: Nadabe, Abihu, Elazare ne Itamare, ubumushe munkatshi mua bena Izrayele, bua bangenzele mudimu wa butuangaji.

Ekesode 28:1 교차 참조

1 Kulondolola 23:13

Bana balume ba Amalama: Alona ne Mose; Alona wakadi mujidibue bua yeye ajidile bintu bia tshijila, yeye ne bana bandi balume tshiendelele, bua kuoshelabo Yehowa musenga wa manananshi, ne bua kumukuatshilabo mudimu ne bua kuvudishilabo bantu disanka mu dina diandi tshiendelele.

1 Kulondolola 6:10

ne Yohanana wakalela Azaya (yeye Wakenza mudimu wa buakuidi mu nsubu wakasabo kudi Solomo mu Yelushalema),

1 Kulondolola 6:34

muana wa Elekana, muana wa Yelohama, muana wa Eliele, muana wa Toa,

2 Kulondolola 11:14

Bualu bua Bena Lewi bakashiya misoko yabo ne mahianyi abo, bakalua ku Yuda ne Yelushalema; bualu bua Yalobama ne bana bandi balume bakabihata, bua bobo kabenzedi Yehowa mudimu wandi wa buakuidi;

Misambu 115:10

Nuenu, ba mu nsubu wa Alona, nueyemene Yehowa! Yeye udi dikuatshisha diabo ne ngabu wabo.

Misambu 99:6

Mose ne Alona bakadi munkatshi mua bakuidi bandi, Samuele kabidi wakadi munkatshi mua badi babikila dina diandi, bakadila kudi Yehowa, yeye wakabitaba.

Ekesode 24:1

Yehowa wakambila Mose ne, Ulue biebe kudi Yehowa ne wewe ne Alona ne Nadaba ne Abihu ne bakulu ba Bena Isalele makumi muanda mutekete, nuntendelele ha bule.

Ekesode 24:9

Hashishe, Mose wakabanda ne Alona ne Nadaba ne Abihu ne bakulu ba Bena Isalele makumi muanda mutekete.

Ekesode 28:41

Wewe neubiluatshishe Alona muanʼenu ne bana bandi balume badi nʼandi, wewe neubele manyi ha mutu, ubalengeshe, ubajidile, bua bobo bankuatshile mudimu wa buakuidi.

Ekesode 29:1

Wewe newenze bualu ebu bua kubajidila bankuatshile mudimu wa buakuidi. Angata muana mulume wa ngombe ne bimpanga bibidi bidi biakane,

Ekesode 29:44

Meme nenjidile ntenta wa kusangakena ne tshioshelu, nenjidile Alona ne bana bandi balume kabidi bua kunkuatshilabo mudimu wa buakuidi.

Ekesode 29:9

Ubele mikaba ku bimono, Alona ne bana bandi balume, teka bifulu ha mitu habo, bobo nebikale ne mudimu wa buakuidi tshiendelele, wewe neujidile Alona ne bana bandi balume.

Ekesode 30:30

Wewe newele Alona ne bana bandi balume manyi ha mutu, neubajidile, bua bobo bankuatshile mudimu wa buakuidi.

Ekesode 31:10

Nebenze bilulu bitambe buimpe, ne bilulu bia tshijila bia Alona muakuidi, ne bilulu bia bana bandi balume, bua kunkuatshilabo mudimu wa buakuidi,

Ekesode 35:19

ne bilulu bia mushinga mukole bia kuenza nʼabi mudimu mu muaba wa tshijila, bilulu bia tshijila bia muakuidi. Alona ne bia bana bandi balume bua kuenza nʼabi mudimu wa buakuidi.

Ekesode 6:23

Alona wakabaka Elisheba, muana wa bakashi wa Aminadaba, muanʼabo wa bakashi ne Nashona ne yeye wakamulelela Nadaba ne Abihu, Eleazâ ne Itamâ.

Lewitiki 10:1

Nadaba ne Abihu, bana balume ba Alona, bakangata malonga a kahia, muntu dilonga diandi muntu dilonga diandi, bakatekamu kahia, bakelahu musenga wa manananshi, bakalua ne kahia kakadi kakayi tshijila ku mpala kua Yehowa, hakadiye kayi mubambile.

Lewitiki 10:12

Mose wakambila Alona ne Eleaza ne Itama, bana bandi balume bakadi bashala, ne, Nuangate mulambu wa bukula udi ushala munkatshi mua milambu idibo boshila Yehowa ha kahia, nûdie ne bintu bidi kabiyi ne luevene hehi ne tshioshelu, bualu bua tshintu etshi ntshintu tshia tshijila,

Lewitiki 7:35

Etshi ntshintu tshia tshijila tshia Alona ne tshia bana bandi balume munkatshi mua milambu ya Yehowa idibo bosha ha kahia mu dituku diakabasunguleye bua kuenzelabo Yehowa mudimu wa buakuidi,

Lewitiki 8:1

Yehowa wakambila Mose ne,

Lewitiki 8:2

Angata Alona ne bana bandi balume badi nʼandi ne bilulu ne manyi adibo bela ha mutu ne mulume wa ngombe wa mulambu wa kubuikila nʼau bubi ne bimpanga bibidi ne tshisaka tshia mampa adi kâyi ne luevene,

Dibadika 18:7

Wewe ne bana bebe balume badi nʼebe nenuikale ne mudimu wa buakuidi bua bintu bionso bia tshioshelu ne bintu bidi ku nyima kua tshilulu tshikudika, nuenu nenuenze mudimu eu, nakunuha mudimu wa buakuidi bu mudimu wa kuha kuenu, muenyi udi ulua ha buihi, nebamushihe.

Dibadika 2:4

Bantu bandi bakamubadilabo bakadi binunu makumi muanda mutekete ne binai ne nkama isambombo.

Dibadika 26:61

Nadaba ne Abihu bakafua hakafuabo kahia kakadi kakayi ka tshijila kudi Yehowa.

Luke 1:8

Nunku hakadiye wenza mudimu wandi wa buakuidi ku mesu kua Nzambi mu mulongo wandi,

Dielulula 10:6

(Bena Isalele bakumuka ku Belota Bene-yâkana, bakaya ku Mosela. Alona wakasaku, bakamujika; ne Eleazâ, muanʼandi mulume, wakenza mudimu wandi wa buakuidi.

Dielulula 18:5

Bualu bua Yehowa wakasungula Bena Lewi munkatshi mua bisamba bienu bionso, bua kunuenzela mudimu mu dina dia Yehowa, ne yeye ne bana bandi balume tshiendelele.

1 Samuele 2:28

Tshiakamusungula munkatshi mua bisamba bionso bia Bena Isalele bua kuikaleye muakuidi wanyi ne bua kufueye milambu ku tshioshelu tshianyi ne bua kuosheye musenga wa manananshi ne bua kulaleye efoda ku mpala kuanyi, anyi? Meme tshiakaha ba mu nsubu wa tatu webe milambu yonso yakosha Bena Isalele ha kahia, anyi?