Ekesode 25:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bobo nebenze mushete wa mutshi wa acacia buludi bua mushete nebuikale coudées ibidi ne tshituha, ne butshiama buau nebuikale coudée umue ne tshituha, ne bule buau bua mulu nebuikale coudée umue ne tshituha.

MUKANDA WA MYIDI MUKULU

¹⁰ “Bena Izrayele bangenzele mushete wa mitshi ya ndunga, bule buawu buikale bua metre umue ne santimetre makumi abidi ne itanu, butshiama buawu buikale santimetre makumi muanda mutekete ne itanu, butumbuke buawu buikale kabidi santimetre makumi muanda mutekete ne itanu.

Ekesode 25:10 교차 참조

2 Kulondolola 8:11

Solomo wakumusha muana mukashi wa Palô mu musoko wa Davidi, ku nsubu wakamuibakileye; bualu bua yeye wakamba ne, Mukashi wanyi kena mushikame mu nsubu wa Davidi, mukelenge wa Bena Isalele, bualu bua ei idi miaba ya tshijila yakadi mushete wa Yehowa.

Ekesode 31:7

Nebenze ntenta wa kusangakena, ne mushete wa tshihungidi tshia mei a Nzambi, ne tshibuikilu tshia ha mutu ha mushete, ne bintu bionso bidi mu ntenta wa kusambakena,

Ekesode 35:12

ne mushete ne mitshi ya mushete, ne tshibuikilu tshia mushete, ne tshilulu tshia munkatshi mua tshitendelelu,

Ekesode 39:32

Nunku bakashikisha mudimu wonso wa tshitendelelu, ntenta wa kusangakena, Bena Isalele bakenza malu onso akambila Yehowa Mose.

Dibadika 3:31

Bobo nebalame mushete wa Nzambi ne mesa ne minda ne bioshelu ne malonga adibo benza nʼau mudimu mu nsubu wa tshitendelelu, ne tshilulu tshidibo bateka ku mpala kua muaba wa tshijila.

Dibadika 4:5

hayabo ku luendu Alona neabuelemu ne bana bandi balume nebatuhe tshilulu tshikudika, nebabituale hatshi mushete wa Nzambi,

Dibadika 4:6

nebâteke tshibuikilu tshia biseba bia nkonge ha mutu hatshi, nebâteke tshilulu tshifike ha mutu hatshi kabidi, nebabueshemu mitshi ya mushete.

Ebrewu 9:4

wakadi ne tshioshelu tshia mananashi tshia ngolo, ne mushete wa tshihungidi mulamika ne ngolo ku nseke yonso; munda muau muakadi tshifuadi tshia ngolo tshitekelamu mana, ne mulangala wa Alona wakela ntonga, ne mabue akadi ne mei a tshihungidi mafundahu;

Didimanyisha 11:19

Ne ntempelo wa Nzambi udi mu diulu wakunzuludibua; ne mushete wa tshihungidi tshiandi mu ntempelo wandi wakamuenebua; ne miele ya nvula, ne mei, ne mikungulu, ne kukanka kua buloba, ne mabue a nvula, biakalua.