Ekesode 23:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Shila malu a mushimi kaba, kanushihi muntu muimpe udi kayi ne bualu meme tshiena mbingisha muntu mubi.

MUKANDA WA MYIDI MUKULU

⁷ Kanuteleji muena biakulakula. Kanushipi udi kayi ne bualu nansha muntu muakane, bualu meme nempishe bena buenzayi bua nanku.

Ekesode 23:7 교차 참조

Genese 18:23

Abalahama wakasemena ha buihi, wakamukonka ne, Neushihe bantu bakane ne bantu babi hohamue, anyi?

Yobe 22:23

Biwahingana kudi Wa Bukole Buonso, biadihuekesha, biûmusha malu adi kayi makane mu ntenta webe,

Misambu 119:29

Ungumushile nshila wa mashimi, unyishe mikenji yebe bua dinanga diebe.

Misambu 94:21

Badi belela mioyo ya bantu bakane tshifufu, badi bahisha badi kabayi ne bualu.

Ekesode 20:13

Kushihianganyi.

Ekesode 20:16

Kudingidi mukuenu.

Ekesode 23:1

Kumanyishi bakuabo lumu ludi kaluyi lululela. Kubuelakanyi ne bantu babi bualu bua kuikala bu mumanyi wa malu adi kayi malelela.

Ekesode 34:7

udi ulesha binunu bia bantu luse lujalame, udi ubuikidila bantu malonga abo ne kusambuka kuabo kua mikenji ne malu mabi abo; kadi kena ubingisha muntu udi uhila; udi utumina bana ba tshikondo tshisatu anyi tshinai mibi ya batatuʼabo.

Nsumuinu 11:21

Manya bimpe ne, Muntu mubi kena uhanga kukengeshibua, kadi tunkanunuma tua bantu bakane neluhandishibue.

Nsumuinu 17:15

Udi ubingisha muntu mubi ne udi uhisha muntu muakane, bubidi buabo badi batondesha Yehowa.

Yeshaya 33:15

Nyeye udi wenda mu buakane, udi wakula mei makane; udi uhetula luhetu ludi bantu baheta ku mashimi, udi utu tula bianza biandi bua kumushahu kulenga kua mbueshilu, udi ujibika matshu andi bua kaunvu lumu lua kumatshisha kua mashi, udi ubuikila mesu andi bua kâmonyi malu mabi,

Yeshaya 5:20

Mulau wikale kudi badi babikila bualu bubi ne, Mbualu buakane, ne bualu buakane ne, Mbubi; badi babala midima bu munya, badi babala munya bu midima; badi babala bintu bia bululu bu bintu bisheme ne bintu bidi bisheme bu bintu bia bululu!

Lewitiki 19:11

Kanuibi, kanudingidianganyi, kanushimianganyi.

Lewitiki 19:16

Kanuendakanyi bu bena mukoso munkatshi mua bantu benu, kanuhuwi bikala muena mutumba nʼenu mikuata kudi tshilumbu meme ndi Yehowa.

Nahume 1:3

Yehowa kena ukuata tshiji lukasa, udi ne bukole bua bungi, kadi kena ubingisha badi bahila bua bubi, nansha kakese. Yehowa udi ne nshila wandi mu nvunde ne mu tshihuhu, matutu adi luhuishi lua ku makasa andi.

Luke 3:14

Masalayi kabidi akamukonka ne, Ne tuetu, netuenze tshinyi? Yeye wakambila ne, Kanunyengi tshintu tshia muntu ku bukole, kanusonguedi muntu tshianana; nuitabusha difutu dienu ne disanka.

Rome 1:18

Bualu bua tshishi tshia Nzambi tshidi tshibuluibua mu diulu ha malu onso adi kâi a Nzambi ne adi kâi makane a bantu, badi bakanda bushua ku malu mabi.

Efeze 4:25

Nunku nulekele mashimi, muntu ne muntu nuambilangane ne muena mutumba nʼenu mei malelela; bualu bua tuetu tudi bituha bia mubidi tunue ne bakuabo.

Dielulula 25:1

Bikala bantu babidi batandangane, ne haluabo bua kulumbuluishibua, balumbuluishi nebalumbulule tshilumbu tshiabo; ku nyima nebabingishe muntu muimpe ne nebahishe muntu mubi.

Dielulula 27:25

Muntu yonso udi witabusha tshintu tshia kumubueshelabo nʼatshi bua kushiha muntu udi kayi ne tshilumbu udi ne mulau. Bantu bonso nebakudimune dî ne, Amen.

1 Tesalonike 5:22

nuehuke ku malu mabi a mushindu wonso.