Ekesode 23:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ kadi tshidimu tshia muanda mutekete nushiye buloba bua kututuka ne bualu bua bantu bahele ba munkatshi muenu badie bintu, ne bintu bidibo bashiye, nyama ya mu mpata neyibidie. Nuenze mitshi yenu ya tumuma tukese nunku ne mitshi ya olive kabidi.

MUKANDA WA MYIDI MUKULU

¹¹ Kadi, tshidimu tshia muanda mutekete, kanudimi to. Bidi bishale pa madimi nebabiangate kudi bapele banudi nabu, bikuabu nebabidie kudi nyama ya mu mpata. Nuenze nanku kabidi bua mitshi yenu inudi nukuna ya maluvu ne ya tumuma tua olive.

Ekesode 23:11 교차 참조

Nehemya 10:31

bialua bena buloba kutudi ne bintu biabo anyi blé yabo bua kutubanyishabi dituku dia lumingu, katuena tubiula dituku dia lumingu anyi dituku dikuabo dia tshijila; netujile tshidimu tshia muanda mutekete, netulekelelangane mabanza.

Nehemya 10:32

Tuakadielela mikenji kabidi bua kufila tshituha tshia nshekele bua mudimu wa mu nsubu wa Nzambi wetu ku tshidimu ku tshidimu;

Ekesode 23:10

Mu bidimu bisambombo nukune bintu mu buloba, nuhuole bintu bidi bikumbana,

Ekesode 23:12

Nuenze mudimu wenu matuku asambombo kadi nuikishe mu dituku dia muanda mutekete, bua ngombe webe ne mpunda webe bikishe ne muana wa balume wa muhika webe mukashi, ne muenyi basangale.

Lewitiki 25:20

Binuadikonka ne, Netudie tshinyi tshidimu tshia muanda mutekete hatudi katuyi tukuna bintu, katuyi tuhuola bintu?

Lewitiki 25:22

Hanuakuna bintu tshidimu tshia muanda mukulu, nenudie bintu bia diambedi biakadi bishale mu nsubu yenu, tô ne ku tshidimu tshia tshitema hanuahuola bintu, nenudie bintu bia diambedi biakadi bishale.

Dibadika 16:14

Bualu bukuabo, wewe kuena muanze kulua nʼetu mu buloba budi bûle tente ne mabele ne buitshi, kuena mutuhe buhianyi bua madimi ne madimi a tumuma, udi musue kuvuisha bantu aba bafofo, anyi? Katuena tulua.

Dielulula 15:11

Bualu bua bahele nebikale mu buloba buenu matuku onso, nunku nakanuambila ne, Nubulule tshianza tshienu kudi muanʼenu, kudi mukengi ne kudi muhele mu buloba buenu.