Ekesode 22:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Muntu udi ushihela nzambi mikuabo nyama, kayi uyishihela Yehowa nkayandi, nebamushihe yeye.

MUKANDA WA MYIDI MUKULU

²⁰ “Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Ekesode 22:20 교차 참조

1 Bakalenga 18:40

Eliya wakabambila ne, Kuatai baprofete ba Bâla, nansha umue wabo kanyemi. Bakabakuata; Eliya wakaya nʼabo ku kasulu ha Kishona, wakabashihelaku.

2 Bakalenga 10:25

Hakamanabo kufila milambu ya kuosha ha kahia, Yehu wakambila balami ne tupitene ne, Buelai, nubashihe, nansha umue kahatuki, Bakabashiha ku miele ya nvita; balami ne tupitene bakabimasha ha mbelu, bakabuela mu musoko muakadi nsubu wa Bâla.

2 Kulondolola 15:13

bua muntu yonso wahidia kukeba Yehowa, Nzambi wa Isalele, ashihibue, nansha muntu mukese nansha muntu munene, nansha mulume nansha mukashi.

Ekesode 23:9

Kanukengeshi muenyi wa munkatshi muenu, bualu bua nuenu nudi bamanye mutshima wa muenyi, nuenu nuakadi benyi mu buloba bua Ejipitu.

Ekesode 32:8

Bakusesuka lubilu mu nshila unakubambila, bakulamba nkanu ya or, bakutula kana ka ngombe, bakukatendelela, bakukashihela milambu, bakuamba ne, Bena Isalele, nzambi wenu nyeu wakanuluhula mu buloba bua Ejipitu.

Ekesode 34:15

Kuhungi tshihungidi ne bena buloba; hendabo masandi ne mpingu yabo, ne hashihelabo nzambi yabo nyama, hakubikilabo bua kudia nʼabo munyinyi wa nyama mishiha;

Yezekiyele 20:7

Nakabambila ne, Buonso buenu, muntu ne muntu, nuimashe bintu bionso bia tshinyangu bidi binusamina muoyo, kanudinyangi ne mpingu ya mu Ejipitu, bualu bua meme ndi Yehowa Nzambi wenu.

Lewitiki 17:7

Nunku kabena bashihela ba-demon milambu yabo hadibo benda nʼabo masandi. Eu newikale mukenji kudibo bikondo biabo bionso.

Lewitiki 19:33

Biashikama muenyi mu buloba buenu, kanumuenzedi bibi.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Dibadika 21:3

Yehowa wakulua dî dia Bena Isalele, wakafua Bena Kanâna mu bianza biabo, bakabashiha ne misoko yabo yonso, ne dina dia muaba au diakadi Hôma.

Dielulula 10:18

Udi ulesha buakane kudi bana ba nshiya ne bakashi ba mu lufuila, udi musue kuha benyi bintu bia kudia ne bintu bia kuluata.

Dielulula 18:20

Muprofete udi udiambila mei mu dina dianyi ne dikamakama andi tshiyi mumuambile anyi udi wamba mei mu dina dia nzambi mukuabo, muprofete au neafue biandi.

Dielulula 23:8

Bana hadibo balela mu tshikondo tshisatu badi mua kubuela mu disangisha dia Yehowa.

Dielulula 24:17

Kanubengi muenyi anyi bana ba nshiya dilumbulula didi diakane; kanuangatshi bilulu bia mukashi wa mu lufuila bu tshieya: