Ekesode 20:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kubinaminyi, kubitendeledi, bua meme Yehowa, Nzambi webe, ndi bianyi Nzambi wa mukau, ntu ngatumina bana ba tshihungu tshisatu anyi tshinai badi hanyi lukuna mibi ya batatuʼabo.

MUKANDA WA MYIDI MUKULU

⁵ Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 20:5 교차 참조

2 Samuele 21:1

Tshiole tshiakadi ku buloba mu matuku a Davidi bidimu bisatu bilondangane; Davidi wakebesha Yehowa bualu ebu. Yehowa wakamba ne, Bualu ebu buakalua bua Shaula ne bua mashi akamatshishabo mu nsubu wandi, bualu bua wakashiha Bena Gibeona.

2 Samuele 21:6

bimpe ufile bana bandi muanda mutekete mu bianza bietu, tuetu netubowe ku mesu kua Yehowa mu Gibea wa Shaula wakadi musungula kudi Yehowa. Mukelenge wakamba ne, Nembafile.

1 Bakalenga 19:10

Yeye wakitaba ne, Nakadi ne lukunukunu lua bungi bualu bua Yehowa, Nzambi wa misumba; bualu bua Bena Isalele bakashiha tshihungidi tshiebe, bakela bioshelu biebe hanshi, bakashiha baprofete bebe ku miele ya nvita; anu meme nkayanyi ndi mushale, ne badi bakeba muoyo wanyi bua kûnyenga.

1 Bakalenga 21:29

Wakutangila bu mudi Ahaba mudihuekeshe ku mesu kuanyi, anyi? Bualu bua yeye wakudihuekesha nunku ku mesu kuanyi, tshiena ngenza malu au makole onso mu matuku andi: kadi nentume malu au makole ku nsubu wandi mu matuku a bana bandi ba balume.

2 Bakalenga 17:35

Yehowa wakahunga nʼabo tshihungidi, wakabadimusha ne, Kanuena ne bualu bua kutshina nzambi mikuabo, kanuyinaminyi, kanuyikuatshidi mudimu, kanuyifididi milambu ya kuosha ha kahia.

2 Bakalenga 17:41

Nunku ba bisamba ebi bikuabo bakatshina Yehowa, bakatendelela mpingu yakasongabo; nunku bana bakalelabo ne bana bakadi bana babo balele badi benza bu muakenza batatu babo tô ne ku dituku edi.

2 Bakalenga 23:26

Kadi Yehowa kakandamuka ku bukole bua tshiji tshiandi tshikole tshiakadiye nʼatshi kudi Bena Yuda, bualu bua malu mabi onso akenza Manashe akamufuisheye nʼau tshiji.

2 Bakalenga 5:18

Nunku Yehowa abuikile bubi bua muntu webe mu bualu ebu: haya mukelenge wanyi mu nsubu wa Limona bua kutendelelamu, yeye utu washindamena ku tshianza tshianyi ne meme kabidi ntu ngatua mpala wanyi hanshi mu nsubu wa Limona; hashishe hanalua mpala wanyi hanshi mu nsubu wa Limona, Yehowa abuikidile muntu webe bualu bubi ebu.

2 Bakalenga 5:27

Nsudi yakadi nʼai Nâmana neyikukuate wewe ne bana bebe tshiendelele. Wakumuka ku mesu kuandi ne nsudi hamʼbidi handi mitoke tô bu neige.

2 Kulondolola 25:14

Hakafuma Amasaya ku kushiha kua Bena Edome, yeye wakalua ne mpingu ya Bena Seî, wakayimanyika bu nzambi yandi, wakakukuila ku mpala kuai, wakayoshela musenga wa manananshi.

2 Kulondolola 7:19

Kadi biwasesuka, biwalekela mei anyi mafunda ne mikenji yanyi binakateka ku mpala kuebe, biwaya kukuatshila nzambi mikuabo mudimu ne bua kuyitendelela,

Yobe 21:19

Nudi nuamba ne, Nzambi udi ukengesha bana ba muntu mubi bua bubi bua tatu wabo; mbimpe akengeshe muntu eu nkayandi, bua yeye amanye mua kunvua dikenga bu mudidi.

Yobe 5:4

Bana bandi badi kule ne luhandu, badi babutudibua mu tshilumbuluidi tshia ku tshibi, kabayi ne muntu wa kubahandisha.

Misambu 109:14

Malu a tshishiku a batatu bandi avulukibue ku mpala kua Yehowa kababuikidi bubi bua mamuʼandi.

Misambu 78:58

Bualu bua bakamufikisha munda ne bitendelelu biabo bia ha mikuna, bakasonsola mukau munda muandi ne mpingu yabo misonga.

Misambu 79:8

Kuvuluki malu a tshishiku a bankambua betu bua kutulesha nʼau: luse luebe lulue kubakidila lukasa, bualu bua bakutamba kutuhuekesha.

Misambu 81:15

Badi ne Yehowa lukuna bakadi kulua kumukokela ne lubombo, kadi tshikondo tshia Bena Isalele tshiakadi kuleha to ne kashidi.

Ekesode 23:24

Kuinaminyi nzambi yabo, kuyitendeledi, kuenji mudibo benza, kadi ubiele hanshi, ushihe bibumba biabo.

Ekesode 34:14

Kutendeledi nzambi mukuabo nansha; bualu bua Yehowa udi ne dina diandi dia Mukau, udi Nzambi wa mukau.

Nsumuinu 8:36

Kadi wahanga kunsangana udi wenzela muoyo wandi bibi; bonso badi bankina badi bananga lufu.

Yeshaya 44:15

Hashishe mutshi eu newikaleku bua muntu kuwosha mu kahia. Udi wangata tshituha tshiau bu nkunyi, udi wota kahia; e, udi utemesha nʼatshi kahia, udi ulamba bidia. Bulelela, udi wenza nʼatshi nzambi, udi umutendelela; udi usonga nʼatshi luhingu, udi ulukukuila hanshi.

Yeshaya 44:19

Kakuena umue wabo udi uvuluka, ne kakuena lungenyi anyi dijingulula munda muandi bua kuambeye ne, Nakuosha tshituha mu kahia, nakulamba bidia ha mutu ha makala atshi; nakuanyikaku munyinyi, nakudia; nenvushe tshituha tshiau tshidi tshishala tshintu tshia kudinyanga nʼatshi, anyi? Nenkukuile tshibasa tshia mutshi, anyi?

Yirmeya 2:9

Yehowa udi wamba ne, Bua bualu ebu tshidi ntanda nʼenu, nentande kabidi ne bana ba bana benu baledibue.

Yirmeya 32:18

Wewe udi ufuila binunu ne binunu bia bantu luse, udi uhingasha difutu dia bubi bua batatu mu biadi bia bana bakalelabo badi babalonda. Wewe udi Nzambi munene ne wa bukole, Yehowa wa misumba ndina diebe.

Yezekiyele 18:19

Kadi nudi nunkonka ne, Bualu kai muana kena ne bua kuhila bua mihi ya tatu wandi? Bikala muana muenze malu adi makanangane ne mikenji ne malu adi makane, ne bikaleye mutumikile mikenji yanyi ne muyenze, yeye neikale ne muoyo bulelela.

Yezekiyele 18:2

Nudi nuelela lusumuinu elu mu buloba bua Isalele ne, Batatu bakadia tumuma tua nvinyo tua buanji, ne menu a bana adi ne nvuenvue bualu kai?

Yezekiyele 20:7

Nakabambila ne, Buonso buenu, muntu ne muntu, nuimashe bintu bionso bia tshinyangu bidi binusamina muoyo, kanudinyangi ne mpingu ya mu Ejipitu, bualu bua meme ndi Yehowa Nzambi wenu.

Yezekiyele 39:25

Bua malu â Mukelenge Yehowa udi wamba ne, Mpindiu nengumushe Yakoba mu buhika bua kumuha diakalengele, nenfuile bonso ba mu tshisamba tshia Bena Isalele luse; ne nengikale ne lukunukunu lua dina dianyi dia tshijila.

Yezekiyele 8:3

Yeye wakolola tshinfuanyi tshia tshianza, wakankuata ku tshisuba tshia nsuki ya ku mutu kuanyi; Nyuma wakambisha mulu hankatshi ha buloba ne diulu, wakaya nʼanyi mu bikena kumona bia Nzambi to ne ku Yelushalema, ku tshibi tshia ku tshibuelelu tshia ku luseke lua node tshidi tshibuela mu tshiendelu tshia munda mua ntempelo, kuakadi luhingu lua mukau, ludi lusonsola mukau.

Danyele 1:2

Mukelenge Yehowa wakafila Yehoyakima, mukelenge wa Yuda, mu bianza biandi, ne tshituha tshia malonga ne mpanza bia mu nsubu wa Nzambi; yeye wakaya nʼabi mu buloba bua Shinâ mu nsubu wa nzambi wandi. Wakabiteka mu nsubu wa tshibutshilu tshia nzambi wandi.

Danyele 3:18

Kadi bikaleye kayi musue kuenza nunku, Umanye biebe, mukelenge, ne katuena tukuatshila nzambi yebe mudimu, katuena tutendelela luhingu lua or luwakuimanyika.

Lewitiki 20:5

meme nengumushe mesu anyi kudi muntu au ne bantu bonso ba mu nsubu muandi, nemmumushe ne bantu bandi bonso badi benza handi malu a masandi ne Moleke, munkatshi mua bana babo.

Lewitiki 26:1

Kanusongi mpingu, kanujadiki luhingu lua tshiamu tshiakafulabo, anyi dikunshi anyi dibue diakasongabo mu buloba buenu bua kubmamina, bualu bua meme ndi Yehowa, Nzambi wenu.

Lewitiki 26:29

Nenudie munyinyi wa bana benu balume ne wa bana benu bakashi.

Nahume 1:2

Yehowa udi Nzambi wa mukau ne udi udisombuela, Yehowa udi udisombuela, udi mûle tente ne tshiji, Yehowa udi udisombuela kudi badi nʼandi lukuna, udi ulamina bena lukuna bandi tshiji

Dibadika 14:18

Yehowa kena ukuata tshiji lubilu, udi mûle tente ne luse lujalame, utu wabuikila bubi ne kuhanga bia bantu, kena ubingisha muntu utu wenza bubi, utu watumina bana ba tshihungu tshisatu anyi tshinai mibi ya batatuʼabo.

Dibadika 14:33

Bana benu nebikale bu bena tshiendenda mu tshihela etshi tô bidimu makumi anai, bobo nebatuale bujitu bua masandi enu, tô ne hajimina mibidi yenu mifue mu tshihela etshi.

Dibadika 25:11

Pinehasa, muana mulume wa Eleazâ, muana mulume wa Alona muakuidi, wakalekesha tshiji tshianyi kudi Bena Isalele, bualu bua yeye wakadi ne mukau bu mukau wanyi munkatshi muabo, nunku tshiakashiha Bena Isalele bonso ne mukau wanyi.

Matayi 4:9

wakamuambila ne, Nenkuhe bintu ebi bionso, biwatua binu biebe hanshi, biwankukuila.

Yowanane 15:18

Bikala ba ha buloba nʼenu lukuna, nudi bamanye ne, Bakadi nʼanyi lukuna diambedi.

Yowanane 7:7

Ba ha buloba kabena bamanye mua kuikala nʼenu lukuna; kadi badi nʼanyi lukuna, bualu bua ndi mbamba ne, Malu adibo benza nmabi.

Yowanane 9:2

Bayidi bandi bakamukonka ne, Labi, wakuenza bualu bubi nganyi, muntu eu, anyi bamuledi, bua yeye udi muledibue mufofo?

Rome 1:30

bena bunsonge, bena lukuna ne Nzambi, bena dikamakama, badisu, bafunyifunyi, babangi ba malu mabi mahia-mahia, bahidi ba mei a baledi babo,

Rome 8:7

Bua meshi mateka ku malu a mubidi adi ne Nzambi lukuna, kêna manze kudihuekesha munshi mua mikenshi ya Nzambi; bualu bukuabo kabidi, kêna ne bukole bua kuenza nunku.

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?

Dielulula 32:21

Bakunfuisha mukau ne tshintu tshidi katshiyi Nzambi, bakunfikisha munda ne mpingu yabo ya hatuhu, meme nembafuishe mukau ne bantu ba hatuhu, meme nembafikishe munda ne tshisamba tshia bantu bahote.

Dielulula 32:41

Binatuisha muele wanyi wa nvita, ne bingolola tshianza tshianyi bua kulumbulula bilumbu, meme nensombuele badi nʼanyi lukuna, neafute badi nʼanyi tshiji.

Dielulula 4:24

Bualu bua Yehowa, Nzambi wenu, udi bu kahia kadi kashidisha bionso, udi Nzambi wa mukau.

Dielulula 5:10

ntu ngalesha bihungu tshinunu badi bansue ne badi benza mikenji yanyi luse lujalame.

Dielulula 5:9

kubmamina, kubitendeledi; bua meme Yehowa, Nzambi webe, ndi bianyi Nzambi wa mukau; ntu ngatumina bana ba tshihungu tshisatu anyi tshinai badi nʼanyi lukuna mibi ya batatuʼabo;

Dielulula 6:15

bualu bua Yehowa, Nzambi wenu, udi munkatshi muenu, udi Nzambi wa mukau, bua tshiji tshia Yehowa, Nzambi wenu, katshikadi kunudi, ne bua yeye kanujimishi ha mutu ha buloba.

Dielulula 7:10

utu wafuta bantu badi nʼandi lukuna difutu diabo ku mesu kuabo, bua kubashiha: yeye kena uhanga muntu udi nʼandi lukuna, neamufute ku mesu kuandi.

Yakobe 4:4

Nuenu, bena masandi. Kanuena bamanye ne, Bulunda bua malu a ha buloba budi ne Nzambi lukuna, anyi? Nunku muntu yonso wasua kuikala mulunda wa malu a ha buloba, udi udivuisha nmona lukuna kudi Nzambi.

Yoshua 23:16

Binuashiha tshihungidi tshia Yehowa, Nzambi wenu, tshinuakahunga nʼandi, ne binuaya bua kukuatshila nzambi mikuabo mudimu ne bua kuyikukuila, hashishe Yehowa neikale nʼenu tshiji, nenujimine lubilu mu buloba buimpe buakanuheye.

Yoshua 23:7

kanubuelakanyi ne bisamba ebi bidi bishala munkatshi muenu; kanutedi mena a nzambi yabo, kanuditshihi kudiyi, kanuyikuatshidi mudimu, kanuyikukuidi;

Yoshua 24:19

Yoshua wakambila bantu ne, Nuenu kanuena mua kukuatshila Yehowa mudimu, bualu bua yeye udi Nzambi wa tshijila, udi Nzambi wa mukau, yeye kena unujimishila mahanga enu anyi mibi yenu.

Balombodi 2:19

Kadi hakafua mulumbuluishi, hashishe bobo bakalukila ku nyima, bakatamba batatuʼabo kuenza bibi, hakalondabo nzambi mikuabo bua kuyenzela mudimu ne bua kuyinamina; kabakalekela bienzedi biabo bibi anyi tshitshu tshiabo.