Ekesode 17:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa wakambila Mose ne, Ufunde bualu ebu mu mukauda bu tshivulukidi, ububadile mu matshu a Yoshua ne, Meme nenjimishe tshivulukidi tshia Amaleka muinshi mua diulu.

MUKANDA WA MYIDI MUKULU

¹⁴ Maweja-Nangila kuambila Moshe ne: — Funda bualu ebu mu mukanda, bua bantu babuvuluke. Umanyishe Yoshuwa ne: meme nembutule bena Amaleke bonsu. Muntu nansha umue kakubavuluka kabidi to.

Ekesode 17:14 교차 참조

2 Samuele 1:1

Ku nyima kua lufu lua Shaula, Davidi wakahingana ku dishiha dia Bena Amaleka, wakashikama mu musoko wa Sikelaga matuku abidi;

2 Samuele 8:12

bia mu Sulia ne bia mu Moaba ne bia Bena Amona ne bia Bena Peleshete ne bia Bena Amaleka ne biakanyengeye kudi Hadadezê, muana wa Lehoba, mukelenge wa mu Soba.

1 Kulondolola 4:42

Bakuabo babo, bana ba balume ba Shimeona mene bu nkama itanu, bakaya ku mukuna wa Seî, bakadi ne Pelatiya ne Nealiya ne Lefaya ne Uziele, bana ba balume ba Ishi, bu tupitene tuabo.

1 Kulondolola 4:43

Bakashiha difuka dia Bena Amaleka bakahanduka diambedi, badi bashikamaku tô ne ku dituku edi.

Ezela 9:14

netushihe mikenji yebe kabidi bua kubuelakana ne bantu aba mu malu abo a bundu munyi? Bituenza nunku wewe kuena wikala nʼetu tshiji tô ne hawatubutula buonso buetu, nunku difuka dikese dia bantu kadiena mua kushala anyi kuhanduka, anyi?

Yobe 18:17

Tshivulukidi tshia bualu buandi netshijimine ha buloba, dina diandi kadiena dimanyibue mu ditunga.

Yobe 19:23

Nakadi kusua bua bafunde mei anyi! Nakadi kusua bua bâfunde mu mukanda muvunga!

Misambu 9:6

Bena lukuna bakubutidibua; misoko yabo lwakushimbula yakulua bikulu tshiendelele. Tshivulukidi tshiai mene tshiakajimina.

Ekesode 12:14

Dituku edi nedikale kunudi bu tshmilukidi, nenudilame bu disanka dia Yehowa, nuenu nenuvuluke dituku edi ne tshivulukidi etshi tshiendelele.

Ekesode 13:9

Bualu ebu nebuikale bu tshimanyinu ku tshianza tshiebe ne bu tshivulukidi hankatshi ha mesu ebe, bua dî dia Yehowa dikale mukana muenu, bualu bua Yehowa wakanuhatula mu Ejipitu ne tshianza tshikole.

Ekesode 17:13

Yoshua wakahita Amaleka ne bantu bandi bukole ne muele wa nvita.

Ekesode 24:4

Mose wakafunda mei onso a Yehowa mu mukanda, wakabika ne dinda dionso, wakasa tshioshelu kuinshi kua mukuna, ne mabue manene dikumi ne abidi bu bungi bua bisamba bia Bena Isalele.

Ekesode 32:33

Yehowa wakambila Mose ne, Muntu yonso wakungenzela bibi, nemmujimishe yeye mu mukanda wanyi.

Ekesode 34:27

Yehowa wakambila Mose ne, Ufunde mei â, bualu bua nakuhunga nʼebe ne Bena Isalele tshihungidi bu mudi mei â.

Nsumuinu 10:7

Tshivulukidi tshia muntu muakane tshidi tshivudisha disanka, kadi dina dia bantu babi nedibole.

Yirmeya 30:2

Yehowa, Nzambi wa Isalele, udi wamba ne, Fundai mei onso anakukuambila mu mukanda.

Yirmeya 36:2

Wangate mabeshi a mukanda muvungulula, ufundemu mei onso anakukuambila bua kuhisha nʼau Bena Isalele, Bena Yuda ne bisamba bionso bia bantu, ku dituku dinakudianjila kukuambila mu matuku a Yoshiya tô ne ku lelu eu.

Dibadika 24:20

Yeye wakatangila kudi Amaleka, wakabela lusumuinu luandi ne, Amaleka wakadi tshisamba tshia ku mpala munkatshi mua bisamba, kadi kunshikidilu tshisamba tshiandi netshijimme tshiendelele.

Dibadika 33:2

Mose wakafunda ngendu yabo bu mu dî dia Yehowa ei idi ngendu yabo.

Dielulula 31:9

Mose wakafunda mikenji ei, wakayifila mu bianza bia bakuidi, bana balume ba Lewi, bakadi batuala mushete wa tshihungidi tshia mei a Nzambi, ne kudi bakulu bonso ba mu Isalele.

Yoshua 4:7

nenubambile ne, Bualu bua mai a Yadene akahanduluka ku mpala kua mushete wa tshihungidi tshia mei a Yehowa; hakasabuka mushete Yadene, mai a Yadene akahanduluka; ne mabue au neikale bu tshivulukidi kudi Bena Isalele tshiendelele.

1 Samuele 15:18

Yehowa wakantuma ku luendu, wakamba ne, Ya biebe, ushihe bantu habi bonso ba Bena Amaleka, uluangane nʼabo nvita tô ne hahatukabo.

1 Samuele 30:1

Hakahita matuku asatu, Davidi ne bantu bandi bakafika ku Sikelaga; Bena Amaleka bakadi bafuma ku Sude, bahaula bintu, bakabutula Sikelaga, bakawosha ne kahia;

1 Samuele 30:17

Davidi wakabashiha ku dilolo adi tô ne ku dilolo dia dituku dikuabo; nansha umue wabo wakahanduka anu bansongalume nkama mai bakadi babanda ha nyima ha tumelo bakanyema.