Ekesode 15:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Buowa ne ditshina biakubakuata, bualu bua bukole bua diboko diebe bobo badi bashikama holâ bu mabue, to ne hasabuka bantu bebe, Yehowa, tô ne hasabuka bantu bawakahikula.

MUKANDA WA MYIDI MUKULU

¹⁶ Bowa ne dipampakana kubakuata bonsu. Baluishi kumona bukole buebe. Kuimanabu bu mabue, kabayi banyunga. Bantu baudi musungule, mubenze bebe, kupita talalaa, kamuyi bualu.

Ekesode 15:16 교차 참조

Genese 35:5

Bakaya ku luendu luabo, ditshina dia Nzambi diakadi ku misoko yakadi ha buihi nʼabo, ne bena musoko kabakalonda bana ba balume ba Yakoba.

2 Samuele 7:23

Tshisamba kai tshia hanshi ha buloba tshidi bu bantu bebe Bena Isalele? Nzambi nkayandi wakababikila bu bantu bandi bua kujadikeye nʼabo dina diandi ne bua kubenzeleye malu manene; yeye wakenza malu a kukema mu buloba buabo ku mesu kua bantu bandi bakahikuleye mu Ejipitu mu bianza bia bisamba bikuabo ne bia nzambi yabo.

Misambu 105:38

Ba mu Ejipitu bakadi ne disanka hakaya bantu aba; bualu bua buowa buakamana kubakuata bualu buabo.

Misambu 74:2

Uvuluke tshisumbu tshia bantu bebe bawakangata kule, bawakahikula bua kuikalabo tshisamba tshia buhianyi buebe. Uvuluke mukuna wa Siona mûdi wewe mushikamemu.

Misambu 89:14

Buakane ne kulumbulula kuakane bidi bishimikidi bia nkuasa webe wa butumbi; luse lujalame ne lulamatu lua bushuwa bidi bienda ku mpala kuebe.

Ekesode 11:7

Kadi nansha mbua kena mua kubululala umue wa Bena Isalele, nansha muntu nansha nyama, bua nuenu mumanye ne, Yehowa udi utahulula Bena Ejipitu ne Bena Isalele.

Ekesode 15:13

Mu luse luebe wewe wakalombela bantu bawakuhikula, wewe wakabenzesha mu bukole buebe to ne ku muaba webe wa tshijila.

Ekesode 15:5

Mai adi ha mutu habo, bakadina mu mai a dijimba bu dibue.

Ekesode 15:6

Yehowa, tshianza tshiebe tshia balume tshidi ne butumbi ne bukole, Yehowa, tshianza tshiebe tshia balume tshidi tshisunsula bantu badi nʼetu lukuna.

Ekesode 18:8

Mose wakambila tatuʼandi-muenu malu onso akenzela Yehowa Palô ne Bena Ejipitu bualu bua Bena Isalele, ne bua makenga akabakuata mu nshila, ne muakabasungila Yehowa.

Ekesode 20:2

Ndi bianyi Yehowa, Nzambi webe, wakakuhatula mu buloba bua Ejipitu, mu nsubu wa buhika.

Ekesode 23:20

Mona, ndi nfuma muanjelo ku mpala kuebe, bua kukulama mu nshila ne bua kulua nʼebe mu muaba unakakulongoluela.

Ekesode 23:22

Kadi biwunvua di diandi ne biwenza mei onso andi nkuambila, nunku meme nengikale bu muena lukuna kudi bantu badi nʼebe lukuna, ne bu muena nvita kudi bantu badi basue kusangana nʼebe.

Ekesode 23:27

Nentume dishina dianyi ku mpala kuebe, nentshinyishe bantu bonso baudi ufika kudibo, nenkobamishe bantu bonso badi nʼebe lukuna nyima yabo.

Ekesode 6:7

Nennuangate bu bantu banyi ne meme nengikale Nzambi wenu, nuenu nenumanye ne, Meme udi Yehowa, Nzambi wenu, udi unuhatula muinshi mua majitu a Bena Ejipitu.

Yeshaya 51:10

Kenguewe, anyi, wakakamisha mai manene, mai a mu ndondo wa mu mai manene; wakavuisha ndondo wa mu mai manene nshila bua bahikudibue kuhitshilamu?

Yeshaya 63:12

Wakendesha diboko diandi didi ne butumbi ku luseke lua tshianza tshia balume tshia Mose, wakahandulula mai manene ku mpala kuabo, bua kudiangatshila dina ma tshiendelele,

Yirmeya 31:11

Bualu bua Yehowa wakuhikula Yakoba, wakamusungila mu bianza bia wakadi umuhita bukole.

Yezekiyele 16:8

Hanakahitshila ha buihi nʼebe kabidi, nakakutangila, ne wakatshidi mu tshikondo tshia kukunangabo; nunku nakakubaluila tshmialu tshianyi, nakabuikila butaka buebe. Nunku Mukelenge Yehowa udi wamba ne, Bulelela, nakaditshiha kûdi, nakahunga nʼebe tshihungidi, ne wewe wakalua wanyi.

Bienzedi 20:28

Nuditangile bienu bimpe, ne tshisumbu tshionso tshiakanutekelabo batangidi kudi Nyuma Muimpe, nudishe ekelesia wa Mukelenge wakasumbeye ku mashi andi.

Dielulula 11:25

Kakuena muntu udi mua kuimana ku mpala kuenu: Yehowa, Nzambi wenu, neateke buowa ne dishina kudi bena buloba buonso bunudi nudiata ku makasa, bu muakanuambileye.

Dielulula 2:25

Lelu nembange kubuesha buowa ne ditshina mu mitshima ya bantu bonso badi muinshi mua diulu, badi bunvua lumu luenu: ne hunvuabo, nebazakale ne mitshima yabo nebanyingalale bualu buenu.

Dielulula 2:4

Wambile bantu aba ne, Nenuhite mu buloba bua bana benu, bana ba Esau, badi bashikama mu Sei; bobo nebanutshine, nudimuke bienu;

Dielulula 32:6

Nuenu bantu bahote badi kabayi ne meji, nudi nuhingishila Yehowa malu mabi nunku, anyi? Yeye kena tatu wenu wakanuafuka, wakanuenza, wakanujadika, anyi?

Dielulula 32:9

Tshituha tshia buhianyi bua Yehowa mbantu bandi; Yakoba udi buhianyi buandi.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Yoshua 2:9

yeye wakambila balume aba ne, Ndi mumanye ne, Yehowa wakanuha buloba, ne buowa buakatukuata bualu buenu ne bena buloba bonso badi batekete-teketê ku mpala kuenu.

Yoshua 4:24

bua bantu bonso ba ha buloba bamanye ne, Tshianza tshia Yehowa tshidi tshikole; ne bua nuenu nutshine Yehowa, Nzambi wenu, tshiendelele.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

2 Petro 2:1

Kadi baprofete ba mashimi bakabika munkatshi mua bantu kabidi, bu mudi bayishi ba mashimi balua kubika munkatshi muenu, nebalue mu musokoko ne malu manutahulule ku dibutuke, bavila Mukelenge wakabahikula, badivuishila dibutuka dia lukasa.

1 Samuele 2:9

Yeye nealame makasa a bantu bandi ba tshijila, kadi neahuwishe bantu babi mu mîdima: bualu bua muntu kena utamba ku bukole buandi.

1 Samuele 25:37

Hakatshiabu, kukuatshika kua maluvu kua Nabala kuakashika, mukashi wandi wakamuambila malu â onso; mutshima wandi wakafua dihumpa munda muandi ne yeye wakandamuka bu dibue.