Ekesode 15:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nganyi udi bu wewe Yehowa, munkatshi mua nzambi mikuabo? Nganyi udi bu wewe, udi ne butumbi bua tshijila, udi utshinyisha bantu ne bienzedi bia butumbi, udi wenza malu a kukema?

MUKANDA WA MYIDI MUKULU

¹¹ Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Ekesode 15:11 교차 참조

2 Samuele 7:22

Nunku wewe, Yehowa Nzambi, udi munene: kakuena mukuabo bu wewe, kakuena Nzambi mukuabo anu wewe nkayebe, bu mudi malu onso atuakunvua ku matshu etu.

1 Bakalenga 8:23

wakamba ne, Yehowa, Nzambi wa Isalele, kakuena nzambi mukuabo bu wewe mu diulu anyi hanshi ha buloba: utu wamana bihungidi ne luse lujalame kudi bantu bebe badi benda ku mpala kuebe ne mitshima yabo yonso;

1 Kulondolola 16:25

Bualu bua Yehowa udi munene, budiye nʼabu mbua kutumbishibua bikole; budiye nʼabu mbua kunemeshibua ha mutu ha nzambi yonso ya hatuhu.

2 Kulondolola 2:5

Nsubu undi ngibaka udi munene; bualu bua Nzambi wetu udi munene ku mutu kua nzambi yonso.

2 Kulondolola 6:14

wakamba ne, Yehowa, Nzambi wa Isalele, kakuena Nzambi mukuabo bu wewe mu diulu anyi hanshi ha buloba; udi ulama tshihungidi tshiebe ne luse lujalame ne bantu bebe badi benda ku mpala kuebe ne mitshima yabo yonso;

Misambu 113:5

Udi bu Yehowa wetu nganyi, udi ne nkuasa wandi mulu,

Misambu 119:120

Mubidi wanyi udi uzakala bua dikutshina dianyi; ne ndi ntshina kulumbulula kuebe.

Misambu 136:4

Numusakidile bua yeye nkayandi udi wenza malu a kukema, bua luse luandi ludi lujalame tshiendelele.

Misambu 145:17

Yehowa udi muakane mu nshila yonso idiye uyilamu, udi ulesha dinanga mu bienzedi biandi bionso.

Misambu 22:23

Nuenu badi batshina Yehowa, numutumbishe! Nuenu, bana bonso ba Yakoba, numutumbishe; nuenu, bana bonso ba Isalele, nukuatshike buowa ku mpala kuandi!

Misambu 35:10

Mifuba yanyi yonso neyambe ne, Yehowa, udi bu wewe nganyi? Wewe udi usungila muena makenga kudi muntu udi umuhita bukole, udi usungila muntu udi muena makenga ne muhele kudi muntu udi mumunyenge.

Misambu 60:2

Wakuzakasha buloba, wakubuhanda mitanta; utuangashe mitanta yabu kabidi, bualu bua butshidi butenkakana.

Misambu 66:5

Luai, numone bienzedi bidi Nzambi muenze: udi ubakuatshisha buowa ne bienzedi bidiye wenza munkatshi mua bukua bantu.

Misambu 77:11

Nentele bienzedi bia Yehowa, bualu bua nenvuluke malu ebe a kukema awakenza kale.

Misambu 77:14

Wewe udi Nzambi udi wenza malu a kukema; wewe wakumuenesha bukole buebe munkatshi mua bantu.

Misambu 77:19

Nshila webe wakadi mu mai manene, nshila yebe yakahita mu mai matambe bukole; ne biendedi biebe kabiakamanyibua.

Misambu 86:10

Bualu bua wewe udi munene, ne udi wenza malu a kukema; anu wewe nkayebe udi Nzambi.

Misambu 86:8

Mukelenge, kakuena umue bu wewe munkatshi mua nzambi ya hatuhu; kakuenaku minga midimu bu midimu yebe.

Misambu 89:18

Bualu bua ngabu wetu ngua Yehowa; mukelenge wetu ngua Wa Tshijila wa Isalele.

Misambu 90:11

Udi mumanye bukole bua tshiji tshiebe nganyi? Udi mumanye njiya yebe idi itshinyisha bantu nganyi?

Ekesode 18:11

Katataka ndi mumanye ne, Yehowa udi utamba nzambi yonso buene, bualu bua wakahatula bantu mu bianza bia Bena Ejipitu hakabaleshabo dikamakama.

Ekesode 20:3

Kuikadi ne nzambi mikuabo ne meme hohamue.

Ekesode 3:20

Nengolole tshianza tshianyi, nembakengeshe ne malu a kukema; ne ku nyima kua malu â yeye neanulekele.

Ekesode 8:10

Yeye wakamba ne, Makelela Mose wakamba ne, Bualu buikale bu mu dî diebe, bua kukumanyisha ne, Kakuena nzambi mukuabo bu Yehowa Nzambi wetu.

Ekesode 8:6

Alona wakolola tshianza tshiandi ku mutu kua mai a mu Ejipitu, biula biakabaha, biakûsha buloba bua Ejipitu tente.

Ekesode 9:14

Musangu eu nentume milau yanyi yonso ku mutshima webe ne kudi bena mudimu bebe ne kudi bantu bebe, bua kukumanyisha ne, Kakuena nzambi mukuabo bu meme mu buloba buonso.

Yeshaya 30:11

Numuke mu nshila, nusesuke mu nshila unudi nuendelamu, kanutunvuishi kabidi dina dia Wa Tshijila wa Isalele.

Yeshaya 40:18

Nenuelekeshe Nzambi ne nganyi? Nenumufuanyikishe kudi tshifuanyikishi kai?

Yeshaya 40:25

Wa Tshijila udi ukonka ne, Nenunfuanyikishe kudi nganyi, bua meme ngikale nʼandi muomumue?

Yeshaya 46:9

nuvuluke malu akadiku diambedi, bua meme ndi Nzambi, ne kakuena mukuabo; meme ndi Nzambi ne kakuena mukuabo bu meme,

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 6:3

Bakananukila kuelangana mei, bambilangana ne, Wa Tshijila, Wa Tshijila, Wa Tshijila udi Yehowa wa misumba; buloba buonso budi bûle tente ne butumbi buandi.

Yirmeya 10:16

Yehowa, luseke lua buhianyi bua Yakoba kena nunku nansha; bualu bua yeye udi mufuki wa bintu bionso; Bena Isalele badi tshisamba tshia buhianyi buandi; Yehowa wa misumba ndina diandi.

Yirmeya 49:19

Monai, neabandeku bu mudi nyama wa ntambue mufume ku ditu dia ku musulu wa Yadene bua kuluisheye mikoko idi mu luhangu ludi hola, nunku nembihate mu muaba wabo lukasa, nenteke muntu yonso undi nsungula ha mutu hau. Bualu bua udi bu meme nganyi! Nganyi udi mua kusunguila tshikondo tshia kuenza bualu? Mulami wa mikoko kai udi mua kuimana ku mpala kuanyi?

Lewitiki 19:2

Wambile Bena Isalele ne, Nuikale bantu ba tshijila bualu bua meme Yehowa, Nzambi wenu, ndi wa tshijila.

Mika 7:18

Neanyi udi Nzambi bu wewe, udi ubajimishila bubi, udi ulekelela difuka dia buhianyi buandi bubi bua ditomboka diabo? Yeye kena ushala ne tshiji tshiendelele, bualu bua udi usanka bua kulesha bantu luse lujalame.

Luke 12:5

Meme nenudimushe bua wa nuenu kutshina: Nutshine udi ne bukole bua kuela bantu mu Ngena; bulelela, ndi nuambila ne, Numutshine yeye.

Dielulula 1:30

Yehowa, Nzambi wenu, udi uya ku mpala kuenu, yeye neanuluile nvita yenu, bu muakenzeye ku mesu kuenu mu Ejipitu,

Dielulula 3:24

Mukelenge Yehowa, wewe wakabanga kulesha muntu webe bunene buebe, ne tshianza tshiebe tshikole: nzambi kai udi mu diulu anyi udi ha buloba udi mua kuenza bu mûdi wenza malu ebe a kukema?

Dielulula 33:26

Yeshuluna, kakuena mukuabo bu Nzambi, udi ushikama biandi mu diulu bua kukukuatshisha: bulengele buandi budi ku mutu kua matutu.

Dielulula 4:34

Anyi Nzambi wakamba kuya bua kudisunguila tshisamba munkatshi mua tshisamba tshikuabo, kudi mateta ne kudi bimanyinu ne kudi malu a kukema ne kudi nvita ne ku tshianza tshikole ne diboko diandi diolola ne kudi malu manene adi atshinyisha bantu bu muakanuenzela Yehowa, Nzambi wenu, mu Ejipitu ku mesu kuenu, anyi?

Didimanyisha 13:4

ne bakakukuila dragon bualu bua yeye wakahesha nyama wa luonji bukokeshi buandi, ne bakakukuila nyama wa luonji, bamba ne, Udi bu nyama wa luonji nganyi? Udi mua kuluangana nʼandi nganyi?

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.

Didimanyisha 4:8

Ne bifukibue binai bidi ne muoyo, ku tshintu ne ku tshintu, bidi ne mahuahua asambombo, bidi biûle tente ne mesu mabinyunguluka bam bidi ne munda; kabiena ne dikisha munya ne butuku, biamba ne, Wa Tshijila, Wa Tshijila, Wa Tshijila udi Mukelenge Nzambi wa Bukole Buonso, wakadiku ne udiku ne udi ulua.

1 Samuele 2:2

Kakuena muntu udi muakane bu Yehowa, bualu bua kakuena mukuabo udi ku mpala kuebe: kakuena dibue dikuabo didi bu Nzambi wetu.