Ekesode 14:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Mai akahingana, akabanda ha mutu ha makalu ne ha mutu ha masalayi akadi enda ha tubalu, ha mutu ha bisumbu bionso bia Palô, biakabalonda mu bunene bua mai, nansha umue wabo wakahandika.

MUKANDA WA MYIDI MUKULU

²⁸ Mayi awu kubutula matempu ne bavua babanda pa tubalu bia tshiluilu tshijima tshia mukalenga wa bena Ejipitu, tshivuabu balonda natshi bena Izrayele mu mayi. Muntu nansha umue wa bena Ejipitu kena mupande to.

Ekesode 14:28 교차 참조

Genese 50:9

Bantu bakadi benda mu makalu ne ha nyima ha tubalu bakaya nʼandi, tshisumbu tshinene be.

Genese 7:18

Mai akatamba, akavulangana a bungi ha buloba, ne buatu buakabanda ha mutu ha mai.

2 Kulondolola 20:24

Hakahita Bena Yuda ku tshibumba tshia mu tshihela, bakatangila kuakadi tshisumbu tshia bantu, monai, anu bitalu bilale hanshi ha buloba, nansha muntu wakahanduka,

Nehemya 9:11

Wewe wakahandulula mai ku mpala kuabo, nunku bakahita munkatshi mua mai manene ha buloba bume; wakela bakadi babalonda mu bunene bua mai bu mudibo bela dibue mu mai manene.

Misambu 106:22

wakabenzela bienzedi bia kukema mu boloba bua Hama ne malu akamatshisha bantu buowa ku Mai Manene Makunze.

Misambu 136:15

Kadi wakabutula Palô ne misumba yandi ne masalayi mu Mai Manene Makunze, bua luse luandi ludi lujalame tshiendelele.

Misambu 78:53

Wakabalombola kabayi ne bualu bubi bubakuate, ne bua muanda eu kabakadi ne ditshina; kadi mai manene akahita ha mutu ha bakadi nʼabo lukuna.

Ekesode 14:13

Mose wakambila bantu ne, Kanutshinyi, imanai, numone luhandu lua Yehowa lualueye kunuha lelu, bua Bena Ejipitu banuakumona lelu kanuena nubamona kabidi tshiendelele.

Ekesode 15:10

Wewe wakatuma luhehele luebe, ne mai manene akababuikila, bakadma bu mabue mu mai manene.

Ekesode 15:19

Bualu bua tubalu tua Palo ne makalu andi ne masalayi akadi enda ha nyima ha tubalu biakaya mu mai manene ne Yehowa wakahingasha mai ha mutu habo, kadi Bena Isalele bakenda ha buloba bûme munkatshi mua mai manene.

Abakuke 3:13

Wakahatuka biebe bua kuhandisha bantu bebe, bua kuhandisha muntu webe muedibue manyi ha mutu; wakatshibula musonga wa nsubu wa bantu babi, mumueneshe bishimikidi biandi hatoke tô ne ku mutu kua tshimanu.

Dielulula 11:4

Kabakanji kutangila bualu buakenzeye masalayi a mu Ejipitu, ne tubalu tuabo ne makalu abo; muakahingisheye mai a Dishiba Dikunze ha mitu yabo, hakadibo banulonda ku nyima, ne muakabashiha Yehowa tô ne ku dituku edi;

Ebrewu 11:29

Bua ditabusha bakahita mu Mai Manene Makunze bu mudi ha buloba bume; hakateta Bena Ejipitu kuenza nunku, bakaminyibua mu mai.

Balombodi 4:16

Kadi Balaka wakalonda ku nyima kua makalu ne kua bantu tô ne ku Haloshete wa munkatshi mua bisamba bia bende; bantu bonso ba Sisela bakafua ku miele ya nvita; nansha umue wabo wakahanduka.