Ekesode 14:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Hakatshia butuku, Yehowa wakatangila bisumbu bia Bena Ejipitu mu ditutu diakadi ne dinkenke dia kahia, wakabatshinyisha.

MUKANDA WA MYIDI MUKULU

²⁴ Patshiatshia, Maweja-Nangila, uvua mu divuba ne mu tshimunyi tshia kapia, kumona tshiluilu tshia mvita tshia bena Ejipitu. Kutshiompakajaye tshiluilu atshi.

Ekesode 14:24 교차 참조

Yobe 22:13

Kadi wewe udi wamba ne, Nzambi udi mumanye tshinyi? Hadiye utangila mu midima mikole, yeye udi mua kulumbulula bilumbu, anyi?

Yobe 34:20

Mu tshituha tshia diba badi bafua; nansha ha diba dia mundankulu mene bantu badi bazakashibua ne badi bajimina; bakole badi bumushibua tshianza tshia muntu katshiyi tshibumusha.

Yobe 34:29

Biahuweye talalâ, muntu kai wamubisha? Biasokokeye mpala wandi, muntu kai wamanya mua kumumona? Yeye udi wenzela tshisamba tshijima ne muntu umue muomumue,

Yobe 40:12

Tangila muntu yonso udi mudisue, umuhuekeshe hanshi; diata bantu babi mu makasa mu miaba yonso idibo bimana.

Misambu 104:32

Udi umona buloba, budi buzakala; udi ulenga mikuna tshianza, idi ihatula muishi wa kadilu.

Misambu 48:5

Bakaumona, hashishe bakakema, bakakuatshika buowa, bakanyema lubilu.

Misambu 78:14

Mu munya yeye wakabalombola ne ditutu, butuku tô ne lunkelu wakabalombola ne dinkenke dia kahia.

Misambu 90:4

Bualu bua bidimu tshinunu bidi ku mesu kuebe bu dituku dia makelela dimane kuhita, anyi bidi bu tshituha tshia diba tshidi mutentekedi utentekelamu butuku.

Ekesode 13:21

Yehowa wakaya ku mpala kuabo mu ditutu, kubalesha nshila, ne butuku mu difutu diakadi ne dinkenke bua kubatemena mu nshila, bua bobo bamanye mua kuya ne munya ne butuku.

Ekesode 14:25

Wakakanga nkata ya makalu, kabakamanya mua kuya bimpe, Bena Ejipitu bakamba ne, Tunyeme bietu ku mesu kua Bena Isalele, bualu bua Yehowa udi ubaluila nvita yabo, udi uluangana ne Bena Ejipitu.

Amosa 9:4

Nansha biayabo mu buhika hatungunusha ku mpala kudi badi nʼabo lukuna, mu muaba au nengele muele wa nvita dî, bua wowo ubashihe; nentangishe disu dianyi kudibo bua kubenzela bibi, kembua kubenzela bimpe.

1 Samuele 11:11

Hakatshiabu, Shaula wakatahulula bantu mu bisumbu bisatu; bakafika ku tshitudilu dinda dionso, bakashiha Bena Amona tô ne ku munda munya; bakadi bashala ne muoyo bakamuangalaka, nansha bantu babidi bakashala kaba kamue.