Ekesode 12:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Yehowa neahite bua kushiha Bena Ejipitu, hamoneye mashi ku mutshi wa ha mushiku wa mbelu ne ku biluwa bia mushiku wa nsubu, neaye biandi ha mutu ha tshibi, neahite, Yehowa neahidishe mushiku ne, Kayi mu nsubu yenu bua kunushiha.

MUKANDA WA MYIDI MUKULU

²³ Papita Maweja-Nangila bua kushipa bena Ejipitu, neamone mashi adi kulu kua tshiibi ne ku mabaya adi ku nseke yatshi. Nanku Maweja-Nangila kakuitaba bua mushipianganyi udiye mutume abuele mu nzubu yenu bua kunushipa to.

Ekesode 12:23 교차 참조

2 Samuele 24:16

Hakamba muanjelo kuolola tshianza tshiandi ku Yelushalema bua kubutula, Yehowa wakakudimuna dî diandi, wakambila muanjelo wakadi ushiha bantu ne, Bualu abu buakukumbana; katataka kandisha tshianza tshiebe. Muanjelo wa Yehowa wakadi hehi ne tshishihuidi tshia Alauna, Muena Yebuse.

Yobe 14:13

Nakadi kusua bua wewe unsokoke mu Muaba wa Bafue, bua wewe unsokoke to ne bumuka tshiji tshiebe, bua wewe unsunguile tshikondo tshijalame ne bua wewe unvuluke!

Ekesode 11:4

Mose wakamba ne, Yehowa udi wamba ne, Mundankulu meme nenye munkatshi mua Ejipitu;

Ekesode 12:7

Bobo nebangate mashi, nebâmiamine ku mutshi wa ha mutu ha mushiku wa mbelu ne ku biluwa bibidi bia mushiku wa mbelu wa nsubu mudibo bamudîla.

Yeshaya 26:20

Luai, bantu banyi, buelai mu nsubu yenu, nuinshile bibi bienu ku nyima kuenu; nusokome katuha kihi, tô ne hahita tshikondo tshia njiya.

Yeshaya 37:36

Muanjelo wa Yehowa wakaluhuka, wakashiha ba mu tshitudilu tshia Bena Ashû binunu lukama ne makumi muanda mukulu ne bitanu. Hakabika bantu ne dinda dionso, monai, bakasangana bantu aba bonso anu bitalu.

Yezekiyele 9:4

Yehowa mene wakamuambila ne, Hitshila mu musoko, munkatshi mua misesu ya Yelushalema mene, funda tshimanyinu ha mpala ha bantu badi bahumuna muoyo ne badi badila bualu bua malu a bundu adi bakuabo benza munkatshi muau.

Yezekiyele 9:6

shihai bantu bakulumpe, bansongalume ne mishikankunde, bana batekete ne bakashi; kadi kanuyi ha buihi ne muntu umue udi ne tshimanyinu atshi. Bangilai ku nsubu wanyi wa tshijila. Nunku bakabanga kushiha bakulu bakadi ku mpala kua nsubu.

1 Korente 10:10

Lekelai kutontolola, bu muakatontolola bakuabo babo, bakashihibua kudi mushihi.

Ebrewu 11:28

Bua ditabusha yeye wakuenza kuhita kua Yehowa, ne kumiamina kua mashi, bua mushihi wa banʼa bute kabalengi.

Ebrewu 12:24

ne kudi Yesu, mutuanganyi wa tshihungidi tshihia-tshihia, ne ku mashi adibo bamiamina adi atamba mashi a Ebele kuakula bimpe.

Didimanyisha 7:3

wamba ne, Kanunyangi buloba, nasha mai manene, nasha mitshi, tô ne hatuamana kuteka tshimanyishilu ha mpala ha bahika ba Nzambi wetu.

Didimanyisha 9:4

Bakayela mukenshi bua kainyangi mashinde a ha buloba, nasha tshintu tshidi tshiashi, nasha mutshi, kadi bua kunyangai anu bantu badi kabai ne tshimanyishilu tshia Nzambi ha mpala habo.