Efeze 5:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Muntu kanudingi ne mei a hatuhu; bualu bua malu â tshishi tshia Nzambi tshilualua kudi bana ba buhidia.

MUKANDA WA MYIDI MUKULU

⁶ Muntu kanudingi ne miaku ya bupote. Mvidi Mukulu neanyoke bantu badi benza malu mabi a nenku, babenga kumutumikila.

Efeze 5:6 교차 참조

2 Bakalenga 18:20

Wewe udi Wamba (kadi udi wamba mei a hatuhu) ne, Hatuahunga dî, tudi ne bukole bua kuluangana nʼabu. Udi weyemena nganyi, hawakuntombokela?

Misambu 78:31

tshiji tshia Nzambi tshiakajuka bua kubakengesha, ne yeye wakashiha bantu bakatamba bukole munkatshi muabo, wakakuma bansongalume ba Bena Isalele, wakabahonesha hanshi.

Yirmeya 27:9

Kadi nuenu, kanunvu mei a baprofete benu, anyi a bena lubuku benu, anyi a badi banuambila bilota biabo, anyi a bena muhongo benu anyi a bena lubuku lua muzangu badi banuambila ne, Kanuena nukuatshila mukelenge wa Babulona mudimu.

Yirmeya 29:31

Utumine badi mu buhika ebu ai edi ne, Yehowa udi wamba bua Shemaya, Muena Nehelama ne, Bualu bua Shemaya wakunuambila mei a, ne meme tshiena mumutume nansha, ne yeye wakunuenzesha bua nuenu kueyemena mei a mashimi;

Yirmeya 37:9

Yehowa udi wamba ne, Kanudidingi, nuamba ne, Bulelela Bena Kasada nebatshimuke, bualu bua kabena batshimuka nansha.

Mika 3:5

Yehowa udi wamba dî edi bualu bua baprofete badi babambuisha bantu bandi; badi bamba ne, Ditalala didiku hikalabo bukute; kadi hahanga muntu kubaha tshia kudia, badi balongolola bielelu bua kuya kuluangana nʼandi nvita.

Matayi 24:24

Bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu binene ne malu a kukema bualu bua kuhambuisha badi basungula kadi Nzambi mene mene; biamanyabo mua kuenza nunku.

Matayi 24:4

Yesu wakabandamuna ne, Nuende badimuke, muntu kanuhambuishi.

Marke 13:22

bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu ne malu a kukema bua kuhambuisha badibo basungula kudi Nzambi mene, biamanyabo mua kuenza nunku.

Marke 13:5

Yesu wakabanga kubambila ne, Nuende badimuke, muntu kanuhambuishi.

Rome 1:18

Bualu bua tshishi tshia Nzambi tshidi tshibuluibua mu diulu ha malu onso adi kâi a Nzambi ne adi kâi makane a bantu, badi bakanda bushua ku malu mabi.

Kolose 2:18

Muntu kanunyengi bukenshi buenu bualu bua kudihuekesha kuandi kudiye udisunguila, ne kukukuila kuandi kua banjelo, ne dilamata diandi dia mu bikena kumona, mûshibue hatuhu ku meshi andi a mubidi,

Kolose 2:4

Ndi ngamba bualu ebu bua muntu kanudingi ne mei a kunubomba nʼau.

Kolose 2:8

Nudimuke bua muntu kikadiku udi mua kununyanga ne nkindi yandi ne lubombo lua hatuhu, bu mudi bilele biamba kudi bantu, bu mudi mayisha a kumudilu a ha buloba, ne kembu mudi Kilisto mutuyiske.

Kolose 3:6

bua malu â tshishi tshia Nzambi tshidi tshilua kudi bana ba buhidia;

2 Tesalonike 2:3

Muntu kanudingi muanda wonso; bua dituku adi kadiena dilua anu bialua ditombokela dia Nzambi diambedi, ne anu biabuluibua muntu wa buhidia, muana wa dibutuka mene.

Ebrewu 13:9

Kanusesuishibu ku mayisha a bungi ne a bende; budi buimpe bua mutshima ujadikibue ku ngasa, kenku bia kudia biakadi kabi bikuatshisha bakadi benda nʼabi.

Ebrewu 3:19

Ne tudi tutangila ne, Bobo kabakamanya mua kubuelamu bualu bua buhidia buabo.

1 Petro 2:8

ne dibue dia kukumabo dikasa, ne mutunda wa dibue wa kubalenduisha: bobo badi balenduka ku dî dia Nzambi bualu bua buhidia buabo; bakatekibua ku bualu ebu kabidi.

1 Yone 4:1

Bananga, kanuitabushi nyuma yonso, kadi nutete nyuma ne, Idi ya Nzambi, anyi; bualu bua baprofete ba bungi ba mashimi bakamuangalaka ha buloba.