Efeze 5:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Nunku mudihishe kuenza mudi Nzambi wenza, bu bana bandi bananga.

MUKANDA WA MYIDI MUKULU

¹ Nudi bana badi Mvidi Mukulu munange. Nanku nudibambe bua kuikala bu Yeye.

Efeze 5:1 교차 참조

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Osheya 1:10

Kadi bungi bua Bena Isalele nebuikale bu nsenga ya ku mai manene, idibo kabayi mua kuidikisha anyi kubala; ne mu muaba wakadibo bamba ne, Kanuena bantu banyi, nebabambile ne, Nudi bana balume ba Nzambi wa muoyo.

Lewitiki 11:45

Bualu bua meme ndi Yehowa wakanuhatula mu buloba bua Ejipitu bua kuikala Nzambi wenu; nuenu nuikale bantu ba tshijila bualu bua meme ndi wa tshijila.

Matayi 5:45

nunku nenuikale bana ba Tatu wenu udi mu diulu; bualu bua yeye utu wabandishila bantu babi ne bantu bimpe diba, yeye kabidi utu watumina bantu bakane ne bantu babi nvula.

Matayi 5:48

Nunku nuenu nenuikale bakane bu mudi Tatu wenu wa mu diulu muakane.

Yowanane 1:12

Yeye wakaha bonso bakamuitabusha bukole bua kuluabo bana ba Nzambi, bobo mene badi bitabusha dina diandi;

Efeze 4:32

nuleshangane kalolo, nuikalangane ne mitshima ya luse, nulekelangane malu mabi enu bu muakanulekelela Nzambi malu mabi enu mu Kilisto.

Filipe 2:15

bua nuenu nulue bantu badi kabai ne bualu ne badi ne mitshima mitoke, bu bana ba Nzambi badi kabai ne tshilema munkatshi mua bena tshikondo tshikonyangala ne tshia tshishiku; banudi numueneka munkatshi muabo du minda ya ha buloba,

Kolose 3:12

Nunku, bu munudi bantu basungula kudi Nzambi, ba tshijila ne bananga, luatai mutshima wa luse, ne wa dikuatshisha, ne wa kudihuekesha, ne wa kalolo, ne wa lutulu.

1 Yone 4:11

Bananga, bikata Nzambi mutunange nunku, tuetu kabidi, butudi nʼabu mbua kunangangana.