Efeze 3:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ butumbi buikale kudiye mu ekelesia ne mu Kilisto Yesu tô: bikondo ne bikondo tshiendelele. Amen.

MUKANDA WA MYIDI MUKULU

²¹ Atumbe mu Tshisumbu tshia bena ditaba, ne mu Yezu Kristu, mu bikondu bionsu, kashidi ne kashidi! Amene.

Efeze 3:21 교차 참조

1 Kulondolola 29:11

Yehowa, bunene ne bukole ne butumbi ne kutamba ne bulengele butambe mbiebe; bualu bua bintu bionso bia mu diulu ne bia ha buloba mbiebe; Yehowa, bukelenge mbuebe, ne wewe udi ubandishibua ku mutu kua bionso.

Misambu 115:1

Kututumbishi tuetu, Yehowa, kututumbishi tuetu, kadi utumbishe dina diebe, bualu bua luse luebe lujalame ne bua udi mua kueyemenyibua.

Misambu 72:19

Dina diandi dia butumbi divudishibue disanka tshiendelele; buloba bujima bûshibue tente ne butumbi buandi. Amen ne Amen.

Yeshaya 42:12

Batumbishe Yehowa, bambile ba mu maloba a ku muelelu wa mai manene butumbi buandi.

Yeshaya 6:3

Bakananukila kuelangana mei, bambilangana ne, Wa Tshijila, Wa Tshijila, Wa Tshijila udi Yehowa wa misumba; buloba buonso budi bûle tente ne butumbi buandi.

Matayi 6:13

Kutufikishi hadi mateyi, kadi utusungile kudi bubi. [

Luke 2:14

Butumbi buikale kudi Nzambi mu diulu, Ditalala dikale hanshi ha buloba munkatshi mua bantu badi basankisha Nzambi.

Rome 11:36

Bualu bua bintu bionso biakafuma kudiye, bidiku bua bualu buandi, bidi bikala anu kudiye. Butumbi buikale kudiye tshiendelele! Amen.

Rome 16:27

Butumbi ebu buikale tshiendelele kudi Nzambi umuehele wa lungenyi, bualu bua Yesu Kilisto. Amen.

Ngalate 1:5

butumbi buikale kudiye tshiendelele. Amen.

Efeze 1:6

ku dianyisha dia butumbi bua ngasa wandi wakatuheye hatuhu mu Muana wandi Munanga.

Efeze 2:7

bua mu bikondo bilualua yeye aleshe bubanshi butambe bua ngasa wandi mu luse ludiye nʼalu kutudi mu Kilisto Yesu.

Efeze 4:1

Nunku meme, amena lukanu wa Mukelenge, ndi nusengelela ne, Enda! bakanangane ne dibikila diakanubikilabo nʼadi,

Filipe 1:11

ne bua nuenu nûshibue tente ne mamuma a buakane adi afuma kudi Yesu Kilisto bua butumbi ne kutumbishibua bia Nzambi.

Filipe 2:11

ne bua ndimi yonso yambe hatoke ne Yesu Kilisto udi Mukelenge, tô ne ku butumbi bua Nzambi Tatu.

Filipe 4:20

Butumbi buikale kudi Nzambi wetu Tatu ku bikondo ne ku bikondo. Amen.

2 Timote 4:18

Mukelenge neampandishe ku midimu yabo yonso idi mibi, neansungile tô ne ku bukelenge buandi bua mu diulu; butumbi buikale kudiye ku bikondo ne ku bikondo. Amen.

Ebrewu 13:21

anuvuishe bakane tshishiki mu bualu buimpe buonso bua kuenza bu mu disua diandi, wenza munda muetu bualu budi buimpe ku mesu kuandi bita Yesu Kilisto; butumbi buikale kudiye ku bikondo ne ku bikondo. Amen.

1 Petro 2:5

nunku nuenu kabidi, bu mabue adi ne muoyo, nuakashibua nsubu wa Nyuma, bua kuikala bakuidi ba tshijila; bua nuenu kufila milambu idi ya nyuma mitabushibue kudi Nzambi bualu bua Yesu Kilisto.

1 Petro 5:11

Bukokeshi buikale kudiye tô ne ku bikondo bia bikondo. Amen.

2 Petro 3:18

Kadi nudiunde mu ngasa ne mu dimanya bia Mukelenge wetu ne Musungidi Yesu Kilisto. Butumbi buikale kudiye katataka tô ne ku dituku dia tshiendelele. Amen.

Yuda 1:25

kudi Nzambi umue umuehele, Musungidi wetu, bua Yesu Kilisto Mukelenge wetu, kuikale butumbi ne buneme ne bukokeshi ne bukole, ku mpala kua bikondo bionso ne katataka ne tshiendelele. Amen.