Efeze 2:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ bua mu bikondo bilualua yeye aleshe bubanshi butambe bua ngasa wandi mu luse ludiye nʼalu kutudi mu Kilisto Yesu.

MUKANDA WA MYIDI MUKULU

⁷ Bionsu abi nebimueneke patoke mu matuku adi kumpala. Diba adi dinanga diende dinene dipite nedidileje patoke, bualu bua bidiye mutuenzele munda mua Yezu Kristu.

Efeze 2:7 교차 참조

Misambu 106:48

Yehowa, Nzambi wa Isalele, avudishibue disanka, ku tshibangidilu tô ne kunshikidilu! Bantu bonso bambe biabo ne, Amen! Tumbishai Yehowa!

Misambu 41:13

Yehowa, Nzambi wa Isalele, avudishibue disanka ku tshibangidilu tô ne kunshikidilu! Amen! Amen!

Yeshaya 60:15

Mu muaba wa kuikala biebe, musoko mushiye hatuhu wa wakadibo nʼau lukuna, kakuyi muntu wahitshila munkatshi muebe, mpindiu nenkuvishe musoko udi ne butumbi tshiendelele, disanka dia ku tshikondo tô ne ku tshikondo tshikuabo.

Rome 2:4

Anyi udi uhetula bubanshi bua buimpe bua Nzambi ne lutulu luandi ne luse lua musangu mule; kuena mumanye ne luse lua Nzambi ludi lukukoka ku dikudimuna dia mutshima, anyi?

Efeze 1:7

Tudi ne kuhikudibua kuetu kudiye bua mashi andi, ne kubuikidibua kua malu mabi etu bu mudi bubanshi bua ngasa wandi,

Efeze 2:4

Kadi Nzambi, udi mubanshi mu luse, bualu bua dinanga diandi dinene diakatunangeye nʼadi,

Efeze 3:21

butumbi buikale kudiye mu ekelesia ne mu Kilisto Yesu tô: bikondo ne bikondo tshiendelele. Amen.

Efeze 3:5

kabuakadi bumanyishibua bukua bantu mu bikondo bikuabo, kadi katataka buakabuluidibua bapostolo bandi ba tshijila ne baprofete mu Nyuma Muimpe;

2 Tesalonike 1:12

bua dina dia Mukelenge wetu Yesu ditumbishibue munda muenu, ne nuenu nutumbishibue munda muandi, bu mudi ngasa wa Nzambi wetu ne wa Mukelenge Yesu Kilisto.

Tite 3:4

Kadi hakamueneka buimpe bua Nzambi, Musungidi wetu, ne dinanga diandi kudi bantu bonso;

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.