Efeze 2:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² numiluke ne, Ku tshikondo atshi nuakadi kanui ne Kilisto, nuakadi bantu ba bende kudi tshisamba tshia Isalele, nuakadi benyi ku bihungidi bua mulayi wa Nzambi, kanui ne ditekemena, kanui no Nzambi mu buloba ebu.

MUKANDA WA MYIDI MUKULU

¹² Mu tshikondu atshi kanuvua pabuipi ne Kristu. Nuvua benyi. Kanuvua ba mu tshisamba tshia Izrayele, tshivua Mvidi Mukulu musungule. Ndondu ivua Mvidi Mukulu mutue ne bantu bende, ne malaya avuaye mubalaye, kabivua binutangila. Nuvua basombe panu, kanuyi batekemene tshintu, kanuyi ne Mvidi Mukulu.

Efeze 2:12 교차 참조

Genese 15:18

Mu dituku adi mene Yehowa wakahunga ne Abalama tshihungidi ne, Ndi mpa tunkanunuina biebe buloba abu ku musulu wa mu Ejipitu to ne ku musulu munene wa Pelata,

2 Kulondolola 15:3

Bena Isalele kabakadi ne Nzambi mulelela tô musangu mule, kabakadi ne muakuidi wa kubayisha, kabakadi ne mikenji ya Nzambi;

Ezela 4:3

Kadi Zelubabela ne Yeshua ne bakadi ku mutu kua biota bia batatu babo ba mu Bena Isalele bakabambila ne, Nuenu kanuena mua kuasa nʼetu nsubu wa Nzambi wetu; kadi tuetu nkayetu netuashile Yehowa, Nzambi wa Isalele, nsubu bu muakatuambila Kolesha, mukelenge wa Pelasa.

Ekesode 12:45

Muenyi ne muena mudimu wa difutu kabena mua kutshidia.

Yeshaya 14:1

Bualu bua Yehowa neafuile Yakoba luse, neasungule ba mu Bena Isalele bu bantu bandi kabidi, ne neabashikike mu buloba buabo bua diambedi. Bantu ba bende nebadisangishe nʼabo, nebadilamike kudi ba mu bana ba Yakoba.

Yeshaya 44:6

Yehowa, Mukelenge wa Isalele, Muhikudi wandi, Yehowa wa misumba, udi wamba ne, Ndi wa kumudilu, ndi wa kunshikidilu; kakuena nzambi mukuabo, anu meme nkayanyi.

Yeshaya 45:20

Nudisangishe hohamue, nulue; nusemene ha buihi hohamue, nuenu badi bahanduke munkatshi mua bisamba bia bantu! Badi benda batuala mutshi wa luhingu luakusongabo, badi batendelela nzambi udi kayi mumanye mua kubasungila, kabena ne lungenyi.

Yeshaya 61:5

Bantu ba mu bisamba bia bende nebimaneku, nebadishe bisumbu bia bimuna bienu, ba ku maloba a ba bende nebikale bendeshi benu ba lukasu ludibo badima nʼalu ne balengeshi ba mionshi yenu ya tumuma tua nvinyo.

Yirmeya 14:8

Wewe ditekemena dia Bena Isalele, Musungidi wabo mu tshikondo tshia dikenga; wewe ukadi kutudi bu muenyi wa mu buloba ebu, bu muena luendu udi utula bua kulaleye anu butuku bumue bua tshinyi?

Yirmeya 17:13

Yehowa, wewe nditekemena dia Bena Isalele, bonso badi bakuhidia nebafuishibue bundu. Bantu badi bakulekela nebikale bu maleta mafunda ha buloba, bualu bua bakubenga Yehowa, mushimi wa mai a muoyo.

Yezekiyele 13:9

Tshianza tshianyi kabidi netshikale hamʼbidi ha baprofete badi bamona bikena kumona bidi bidinga bantu ne badi bamba mei a mashimi mu kutempa kuabo kua mbuku. Kabena bashikama mu tshilumbuluidi tshia bantu banyi, kabena bikala ne mena abo mafunda mu mikanda ya mena a ba mu tshisamba tshia Bena Isalele, ne kabena bamanye mua kubuela mu buloba bua Isalele; hashishe nenumanye ne, Ndi Yehowa.

Yezekiyele 37:26

Bualu bukuabo, nempunge nʼabo tshihungidi tshia ditalala; netshikale tshihungidi tshia tshiendelele; nembajadike mu buloba buabo, nembakumbashe ba bungi, nenteke tshitendelelu tshianyi munkatshi muabo tshiendelele.

Yezekiyele 47:22

Nubutahulule ku kuela kua nshobo bua buikale buhianyi buenu, ne bua bantu ba bende badi bashikame munkatshi muenu ne badi balela bana munkatshi muenu. Bobo bikale kunudi bu bana baledibue mu meku a Bena Isalele; bikale ne buhianyi hohamue nʼenu munkatshi mua bisamba bia Bena Isalele.

Osheya 3:4

Bualu bua Bena Isalele nebashale matuku a bungi kabayi ne mukelenge, kabayi ne mukokeshi, kabayi ne milambu mishihela Yehowa, kabayi ne dikunshi dia tshijila, kabayi ne tshilamba tshia efoda, ne kabayi ne telafima.

Dibadika 18:19

Milambu yonso ya bintu bia tshijila bidibo banyukula bidi Bena Isalele bafila kudi Yehowa, nakunuhabi ne bana bebe balume ne bana bebe bakashi, bu tshintu tshienu tshiendelele: etshi ntshihungidi tshia luehu tshia tshiendelele ku mesu kua Yehowa kûdi wewe ne kudi bana bebe badi nʼebe.

Luke 1:72

Yeye wakalesha bankambua betu luse, Wakavuluka dihungila diandi dia tshijila,

Yowanane 10:16

Ndi ne mikoko mikuabo idi kayi ya mu luhangu elu; bundi nʼabu mbua kulua nʼai, neyunvue dî dianyi; neilue tshisumbu tshimue, ne mulami umue.

Yowanane 15:5

Meme ndi muonshi munene, nuenu nudi matamba; wikala munda muanyi, meme muikale munda muandi, yeye neakuame mamuma a bungi; binuikala kanui nʼanyi, kanuena bamanye mua kuenza bualu.

Yowanane 4:22

Nudi nutendelela tshinudi kanui bamanye; tuetu tudi tutendelela tshitudi bamanye; bualu bua luhandu ludi lufuma kudi Bena Yuda.

Bienzedi 2:39

Mulayi wa bualu ebu udi kunudi ne kudi bana benu balela ne kudi bonso badi kule, kudi bonso mene babikila Mukelenge Nzambi wetu kudiye.

Bienzedi 28:20

Bua bualu ebu nunku bunakunubikidila bua kulua kuntangila ne bua kuakula nʼanyi; ndi musuikibue ne lukanu elu bualu bua ditekemena dia Isalele

Bienzedi 3:25

Nuenu nudi bana ba baprofete, ne ba dihungila dia Nzambi diakahungeye ne bankambua benu, wambila Abalahama ne, Bisamba bionso bia ha buloba nebisanke bualu bua tunkanuniuna tuebe.

Rome 9:8

Nunku, kembana badi baledibua ku mubidi badi bana ba Nzambi, kadi bana ba mulayi badi babadibua bu tunkanunuma.

Ngalate 4:8

Kadi ku tshikondo atshi, bualu bua kanuakamanya Nzambi, nuakadi mu buhika bua bintu bidi kabi nzambi mu tshikadilu tshiabi;

Efeze 2:19

Nunku kanuena bantu ba bende ne benyi kabidi, kadi nudi bena kuabo ne basanto ne ba mu tshiota tshia Nzambi.

Efeze 4:18

bakafikishibua mu meshi abo badi bavuishibua benyi ku muoyo wa Nzambi, bualu bua dihanga dia lungenyi munda muabo, bua dikoleshibua dia mitshima yabo.

Kolose 1:21

Ne nuenu, bakadi diambedimbedi ba bende ne bena lukuna nʼandi mu meshi enu bua bienzedi bienu bibi,

Kolose 1:27

kudibo kuakasua Nzambi kubamanyisha budi bubanshi hua butumbi hua hualu ebu busokoka munkatshi mua bisamba bia bende, budi Kilisto munda muenu, ditekemena dia butumbi.

Kolose 1:5

bualu bua ditekemena didi dinutekedibue mu diulu, dinuakadianjila kunyua lumu luadi mu di dia bushua dia lumu luimpe

1 Tesalonike 4:13

Bana betu, katuena basue nuenu nuhange kumanya bualu bua badi balala tulu mu lufu, bua nuenu kanunyingalashi mitshima yenu, bu mudi bakuabo benza badi kabai ne ditekemena.

1 Tesalonike 4:5

kikadi nʼau mu nkuka ya disamina dibi dia mutshima, bu mudi ba bisamba bia bende benza badi kabai bamanye Nzambi.

2 Tesalonike 2:16

Mukelenge wetu Yesu Kilisto muine ne Nzambi Tatu wetu, wakatunanga ne wakatuha busambi bua tshiendelele ne ditekemena dimpe bua ngasa,

1 Timote 1:1

Paulo, mupostolo wa Kilisto Yesu bu mudi mukenshi wa Nzambi Musungidi wetu, ne wa Kilisto Yesu ditekemena dietu,

Ebrewu 11:34

bakajima bakole bua kahia, bakahanduka ku ditua dia muele wa nvita, mu butekete bakandamuka bakole, bakalua bakole mu nvita, bakihata bisumbu bia bena nvita ha bende.

Ebrewu 6:18

bua ku malu abidi adi kâi mua kukudimuka, adi Nzambi kai mumanye mua kushimamu, tuikale ne ditantamika dikole dia mutshima, tuetu mene bakanyema bua kulamata ditekemena diakatekabo ku mpala kuetu.

Ebrewu 8:6

Kadi mpindiu Kilisto wakuheta mudimu udi utamba butumbi, mûhete nunku bualu bua yeye udi mubatuanganyi wa tshihungidi tshidi tshitamba buimpe, tshiakahungabo ha milayi mitambe buimpe.

1 Petro 1:21

Bua bualu buandi nudi bena kuitabusha ba Nzambi wakamubisha ku bafue, wakamuha butumbi; bua ditabusha dienu ne ditekemena dienu bikale mu Nzambi.

1 Petro 1:3

Batumbishe Nzambi udi kabidi Tatu wa Mukelenge wetu Yesu Kilisto, nyeye wakatulela tshiakabidi bu mudi luse luandi lunene, bua kutuheye ditekemena didi ne muoyo bua dibika dia Yesu Kilisto dia ku bafue;

1 Petro 3:15

kadi nujidile Kilisto mu mitshima yenu bu Mukelenge; nuikale badilongolola misangu yonso, bua kukudimuna dî kudi muntu yonso udi unukonka bua muanda wa ditekemena didi munda muenu; kadi nuenze nunka ne kalolo ne dishina.

1 Yone 3:3

Muntu yonso udi ne ditekemena edi kudiye udi udilengesha bu mudiye mulengele.