Efeze 1:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ ne bua nuenu kumanya budi bunene buhite bua bukole buandi kutudi tuetu badi bamuitabusha. Wakatulesha bu mudi kuenzesha kua bukole buandi bunene

MUKANDA WA MYIDI MUKULU

¹⁹ Nenumanye kabidi bukole busunguluke budiye utuambuluisha nabu, tuetu badi bamuitaba. Bobu mene ke buvuaye muleje muende muonsu,

Efeze 1:19 교차 참조

Yeshaya 53:1

Wakuitabusha bualu butuakunvua nganyi? Diboko dia Yehowa diakubuluibua kudi nganyi?

Yowanane 3:6

Wakaledibua kudi mubidi udi mubidi; wakaledibua kudi Nyuma udi nyuma.

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Rome 1:16

Bualu bua tshiena nfua bundu bua lumu luimpe; bua ludi bukole bua Nzambi ku luhandu kudi muntu yonso udi witabusha, kudi Muena Yuda diambedi, ne kudi Muena Gelika kabidi.

2 Korente 4:7

Kadi tudi ne bualu ebu bua mushinga mukole mu bintu biakafumbabo ne buloba, bua bulengele butambe bua bukole buikale bua Nzambi, kabufumi kutudi;

2 Korente 5:17

Nunku bikala muntu mu Kilisto, yeye udi mufukibue muhia-muhia; malu makulukulu akaya, monai, akalua mahia-mahia.

Efeze 2:10

Tuetu iudi mudimu wandi wakenzeye, tuakafukibua mu Kilisto Yesu bua tuetu tuenze midimu mimpe yakadianjila Nzambi kulongolola bua tuetu kuendamu.

Efeze 3:20

Kudi Nzambi, udi ne bukole bua kuenza malu matambe atudi katui bamanye mua kumulomba ne mua kuelangana meshi, bu mudi bukole budi butusonsola munda muetu,

Efeze 3:7

luakunvuishabo muena mudimu walu bua diha dia ngasa wa Nzambi wakueleye bu mu dienzesha dia bukole buandi.

Efeze 6:10

Ku ndekelu, nudikoleshe mu Mukelenge ne mu bukole buandi bunene.

Filipe 2:13

bualu bua Nzambi ngudi wenzesha munda muenu bua kusua ne bua kuenza kabidi bualu bua disua diandi dimpe.

Filipe 3:21

yeye neakudimune mibidi ya buhuekele buetu bua kufuananganai ne mubidi wandi wa butumbi, bu mudi kuenza kuandi kudiye mumanye mua kuvuisha nʼaku bintu bionso ku nyima kuandi.

Kolose 1:29

Bua bualu ebu kabidi ndi ngenza mudimu bikole, ndi ntshinta bikole bu mudi kuenzesha kuandi kudi kuenza munda muanyi mu bukole.

Kolose 2:12

Nuakajikibua nʼandi mu dibatiza, munuakabishibua nʼandi munda muadi kabidi, bualu bua ditabusha dienu dia mu kuenza kua Nzambi wakamubisha munkatshi mua bafue.

1 Tesalonike 1:5

bualu bua lumu luimpe lutudi tuamba kaluakalua kunudi anu mu dî nkayadi, kadi luakalua mu bukole ne mu Nyuma Muimpe ne mu kumanya kujalama; bu munudi bamanye mushindu wa bantu utuakadivuisha munkatshi muenu bua bualu buenu.

2 Tesalonike 1:11

Bua bualu ebu tudi tunulombela kabidi misangu yonso bua Nzambi wetu anubale bakanangane ne dibikidibua dienu, ne bua yeye akumbashe ne bukole buandi disua dienu dionso dia buimpe ne mudimu wenu wa ditabusha;

Yakobe 1:18

Bua mu disua diandi yeye wakatufuka ne dî dia bulelela, bua tuetu tuikale mamuma makuabo a kumudilu a bifukibua biandi.

1 Petro 4:11

Biakula muntu, akule mei bu mudiu mamba kudi Nzambi; biakuata muntu mudimu, enze bu mudi bukole buakamuha Nzambi; enze biandi bua Nzambi atumbishibue mu malu onso bua Yesu Kilisto; kudiye kuikale butumbi ne bukokeshi tô ne ku bikondo bia bikondo. Amen.