Ebrewu 8:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu malu atudi tuamba ebu mbualu butamba bunene, Tudi ne muakuidi wa nunku wakashikama ku tshianza tshikole tshia nkuasa wa butumbi wa Mutambe Bunene wa mulu,

MUKANDA WA MYIDI MUKULU

¹ Bualu butambe bunene butudi tukeba kumvuija, mbobu ebu: tudi ne mutuangaji munene wa nanku udi musombe mu diulu ku dia balume dia nkuasa wa butumbi wa Mvidi Mukulu, wa bukole buonsu.

Ebrewu 8:1 교차 참조

1 Kulondolola 29:11

Yehowa, bunene ne bukole ne butumbi ne kutamba ne bulengele butambe mbiebe; bualu bua bintu bionso bia mu diulu ne bia ha buloba mbiebe; Yehowa, bukelenge mbuebe, ne wewe udi ubandishibua ku mutu kua bionso.

Yobe 37:22

Ku luseke lua nôde kudi kuhatuka dinkenka didi bu dia or. Hamʼbidi ha Nzambi hadi butumbi budi bukuatshisha bantu buowa.

Misambu 104:1

Mutshima wanyi, uvudishile Yehowa disanka! Wewe Yehowa, Nzambi wanyi, udi mutambe buneme! Udi muluate buneme ne butumbi,

Misambu 110:1

Yehowa udi wambila mukelenge wanyi ne, Ushikame biebe ku tshianza tshianyi tshia balume tô ne hanavuisha badi nʼebe lukuna ditanda dia muinshi mua makasa ebe.

Misambu 145:12

bua kumanyishabo bana ba bantu bienzedi biebe binene, ne butumbi bua buneme bua bukelenge buebe.

Misambu 21:5

Butumbi buandi budi bunene bualu bua luhandu luebe, udi uteka buneme ne butumbi hamʼbidi handi.

Yeshaya 24:14

Bantu aha nebabandishe mei abo, nebele mbila ya disanka; bua butumbi bua Yehowa badi bela dî dikole difume ku mai manene.

Mika 5:4

Yeye neajalame, neadishe mikoko yandi mu bukole bua Yehowa, mu butumbi hua dina dia Yehowa Nzambi wandi. Yoyi neyishikame tshiendelele, bualu bua mu tshikondo atshi yeye neikale ne butumbi tô ne kunfudilu kua buloba.

Marke 16:19

Hakabambila Mukelenge Yesu nunku, wakangatshibua mu diulu, wakashikama ku tshianza tshikole tshia Nzambi.

Efeze 6:20

Bua bualu ebu ndi muloho wa Nzambi mu nkanu, bua meme kuambila bantu bualu ne dikima bu mundi nʼabu bua kubambila.

Kolose 3:1

Nunku binuikala babishibue hohamue ne Kilisto ku lufu, nukebe malu a mu diulu, mudi Kilisto, mushikame ku tshianza tshikole tshia Nzambi.

Ebrewu 1:13

Ne kudi mukuabo kai wa banjelo bandi wakuambeye munga musangu ne, Shikama biebe ku tshianza tshianyi tshia bukole, Tô ne hanuvuisha bena lukuna bebe Bu ditanda dia munshi mua makasa ebe?

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

Ebrewu 10:12

kadi yeye hakafueye mulambu umue bua mibi tshiendelele, wakashikama ku tshianza tshikole tshia Nzambi;

Ebrewu 12:2

batangila kudi Yesu, mubandi ne mushikishi wa ditabusha dietu, yeye, bua disanka diakatekibua ku mpala kuandi, wakakankamana hakakengeye ka mutshi mutshiamakane, wakalengulula bundu, ne wakushikama ku tshianza tshikole tshia nkuasa wa butumbi wa Nzambi.

Ebrewu 2:17

Nunku buakadiye nʼabu mbua kufuanyishibua bu bana babo mu malu onso, bua yeye alue muakuidi munene wa luse ne wa kueyemenyibua mu malu adi a Nzambi, bua kufileye milambu ya kubuikidila nʼai bantu mibi yabo.

Ebrewu 3:1

Nunku, bana betu ba tshijila, babanyanganyi ba dibikila dia mu diulu, nuelangane meshi bua Mupostolo ne Muakuidi Munene wa dijukula dia ditabusha dietu, Yesu mene;

Ebrewu 4:14

Bualu bua tuetu tudi ne muakuidi munene wakuhita mulu onso, Yesu Muana wa Nzambi mene, tulamate dijukula dia ditabusha dietu.

Didimanyisha 3:21

Udi uhita bukole nemuhe bua kushikameye nʼanyi mu nkuasa wa butumbi, bu munakatamba bukole ne munakashikama ne Tatu wanyi mu nkuasa wandi wa butumbi.