Ebrewu 6:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku, Nzambi, hakasueye kutamba kulesha bahianyi ha milayi disua diandi didi kadi mua kukudimuka, wakateka kuditshiha kuandi hankatshi habo;

MUKANDA WA MYIDI MUKULU

¹⁷ Mvidi Mukulu uvua musue kuleja patoke bantu bonsu bavua ne bua kupeta bivuaye mulaye ne: kashidi tshiena mua kushintulula dipangadika dianyi. Ke pavuaye usakidila mutshipu ku dilaya divuaye ulaya.

Ebrewu 6:17 교차 참조

Genese 26:28

Bobo bakamba ne, Bulelela, tuakutangila ne Yehowa udi nʼebe, nunku tuakuambilangana ne, Tutshihangane nʼebe, tuhunge nʼebe tshihungidi,

Misambu 110:4

Yehowa wakuditshiha, kena ukudimuna mutshima wandi ne, Wewe udi muakuidi tshiendelele wa ku mulongo wa Melekisedeke.

Misambu 33:11

Lungenyi ludi Yehowa usungula ludi lujalama tshiendelele, meji adiye uhangidisha mu mutshima wandi adi ajalama tô ne ku bikondo bionso.

Misambu 36:8

Badi bukuta ne bintu bia manyi bikumbana bia mu nsubu muebe, wewe udi ubanuisha ku musulu wa masanka ebe.

Ekesode 22:11

ditshiha dia Yehowa nedikale hankatshi ha bubidi buabo bua kujingulula ne, Yeye kakalenga bintu bia mukuandi tshianza, ne bitabusha mukelenge wa nyama au nunku, mukuandi kena ne bualu bua kumufuta.

Nsumuinu 19:21

Mutshima wa muntu udi ne malu a bungi adiye uhangidisha, kadi malu adi Yehowa Usungula neajadikibue.

Musambu wa Solomo 5:1

Muanʼetu mukashi, mukashi wanyi mubangile, nakabuela mu tshibunda tshianyi. Nakasangisha myrrhe wanyi ne bintu bia muhuya muimpe; nakadia buitshi buanyi busangishe ne dikatshi; nakanua nvinyo yanyi misangisha ne mabele. Balunda banyi, diai, nuai bienu; bananga banyi, nuai bintu bia bungi.

Yeshaya 14:24

Yehowa wa misumba wakuditshiha, wamba ne, Bulelela, bu munakuhangidisha bua kuenza, bualu nebuenjibue; bu nuina kusungula mu mutshima wanyi, nebujalame muomumue,

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Yeshaya 55:11

nunku dî didi dihatuka mukana muanyi nedikale muomumue; kadiena dihingana kundi hatuhu, kadiyi dianze kuenza muanda undi musue dienze, kadiyi dianze kushikisha muanda unakaditumina.

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

Malaki 3:6

Bua meme Yehowa tshitu ngakudimuka, nunku nuenu, bana ba Yakoba, kanuena nubutuka.

Yowanane 10:10

Muibi udi uluila anu bua kuiba ne bua kushiha ne bua kubutula; meme nakuluila bua bantu bahete muoyo, bauhete muvule.

Rome 11:29

Bua Nzambi kena ukudimuna mutshima bua maha andi ne dibikila diandi kudi Isalele.

Rome 8:17

Ne bituikala bana, tudi bahianyi kabidi; bahianyi ba Nzambi, ne bahianyi tshiahamue ne Kilisto: bituakenga nʼandi, mbua tuetu tutumbishibue nʼandi.

Ngalate 3:29

Binuikala ba Kilisto, nunku nudi tunkanunuina tua Abalahama, nudi bahianyi bandi bu mudi mulayi wamba.

Efeze 1:11

Mu Kilisto Yesu mutuakavuishibua buhianyi, hatuakadianjila kusungudibua bu muvueye muhangidishe, nyeye udi wenzesha malu onso bu mudi kudijingulula kua disua diandi;

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

Ebrewu 11:9

Bua ditabusha wakashikama mu buloba bua mulayi; bu adi ma buloba bua bende, wakashikama biandi mu nsubu wa bilulu, ne Isaka ne Yakoba, bahianyi nʼandi ba mulayi muomumue;

Ebrewu 6:12

bua kanulu bienu bahungidi, kadi nulue bidikishi ba badi bahiana milayi bua ditabusha ne lutulu.

Ebrewu 6:16

Bua bantu badi baditshiha kudi udi mubahite bunene, ne mu matandu abo onso mutshihu wabo udi ujadika bualu tshiendelele.

Ebrewu 6:18

bua ku malu abidi adi kâi mua kukudimuka, adi Nzambi kai mumanye mua kushimamu, tuikale ne ditantamika dikole dia mutshima, tuetu mene bakanyema bua kulamata ditekemena diakatekabo ku mpala kuetu.

Yakobe 1:17

Kuha kuonso kuimpe ne diha dionso diakane tshishiki bidi bifuma mu diulu, bahueka hanshi bilua kudi Tatu wa munya, kudi kakui ne dikudimuka anyi mundidimbi wa tshintu tshidi tshinyunguluka.

Yakobe 2:5

Unvuai, bana betu bananga; Nzambi kakasungula bahele ba mu bintu bia ha buloba bua kuikalabo babanshi mu ditabusha ne bahianyi ba bukelenge buakalayeye badi bamunanga, anyi?

1 Petro 1:3

Batumbishe Nzambi udi kabidi Tatu wa Mukelenge wetu Yesu Kilisto, nyeye wakatulela tshiakabidi bu mudi luse luandi lunene, bua kutuheye ditekemena didi ne muoyo bua dibika dia Yesu Kilisto dia ku bafue;

1 Petro 3:7

Nuenu balume muomumue, nuikale ne bakashi benu bu mudi lungenyi luimpe, bu mudibo banutambe mubidi butekete, bu mudibo bahianyi nʼenu ba ngasa wa muoyo; bua kutendelela kuenu kakuhumbishibu.