Ebrewu 6:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua Nzambi kena uhanga buakane bua kuhueye muoyo wa mudimu wenu ne wa dinanga dinuakalesha bua dina diandi, hanuakakuatshila basanto mudimu ne hanutshidi nubakuatshishau.

MUKANDA WA MYIDI MUKULU

¹⁰ Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

Ebrewu 6:10 교차 참조

Nehemya 13:22

Nakelela Bena Lewi mukenji bua kudilengeshabo ne bua bobo balame ku bibi, bajidile dituku dia lumingu. Nzambi wanyi, unvuluke bua bualu ebu kabidi, unfuile luse bu mudi bunene bua dinanga diebe.

Nehemya 13:31

ne bua milambu ya nkunyi, ku misangu yakasungulabo, bua mamuma a diambedi. Nzambi wanyi, unvuluke bua kungenzela bimpe.

Nehemya 5:19

Nzambi wanyi, unvuluke bua kungenzela bimpe bua malu onso anakuenzela bantu aba.

Misambu 20:3

Yeye avuluke milambu yonso ya bia kudia iudi ufila, ne itabushe milambu yebe ya kumuoshila ne disanka!

Ekesode 1:20

Nzambi wakenzela baleleshi bimpe, bantu bakakumbana ba bungi, bakalua bakole be,

Nsumuinu 14:31

Udi ukengesha muhele udi uhenda Mufuki wandi, kadi udi ulesha mukengedi wa bintu luse udi umutumbisha.

Nsumuinu 19:17

Udi ufuila muhele luse udi usombesha Yehowa bintu; yeye neamuenzele bimpe ku buimpe buakamuenzeleye.

Muambi 11:1

Wele bidia biebe ha mutu ha mai, bualu bua neubisangane kabidi hahita matuku a bungi.

Yirmeya 18:20

Nebafute malu mabi ku malu mimpe, anyi? Bualu bua bakuimbila muoyo wanyi dijimba. Uvuluke bu munakimana ku mpala kuebe bua kubakuila kûdi, ne bua kukudimuna tshiji tshiebe bua katshifiki kudibo.

Yirmeya 31:16

Yehowa udi wamba ne, Kanda dî diebe bua kadididi, kanda mesu ebe bua kâikadi ne binsonshi; bualu bua Yehowa udi wamba ne, Nebakufute bua mudimu webe; nebahingane kabidi kuabo, bafume ku buloba bua bena lukuna babo.

Matayi 10:42

Muntu yonso wahesha umue wa mu bantu aba bahuekele nasha dikoho dia mai matalala a kunua mu dina dia muyidi, bulelela, ndi nuambila ne, Yeye kena uhanga difutu diandi.

Matayi 20:7

Bakamuambila ne, Bualu bua muntu kena mutubueshe ku mudimu. Yeye wakabambila ne, Nuenu kabidi nuye mu budimi.

Matayi 25:17

Nunku wakadi ne ntalanta ibidi wakaheta minga ibidi.

Marke 9:41

Wanuha luhanza lua mai a kunua, bualu bua nuenu nudi ba Kilisto, bulelela, ndi nuambila ne, Kena uhanga kuangata difutu diandi.

Yowanane 13:20

Bulelela, bulelela, ndi nuambila ne, Witabusha unatuma neangitabushe meme; wangitabusha meme neitabushe wakuntuma.

Bienzedi 10:31

yeye wakangambila ne, Kônelio, bakunvua kutendelela kuebe, Nzambi udi uvuluka bua bintu bia luse biutu wahangana.

Bienzedi 10:4

Hakamujosheye, wakatshina, wakakonka ne, Mukelenge, ntshinyi? Wakamukudimuna ne, Mitendelelu yebe ne bintu biebe bia luse Mutu wahangana diakabanda ku mesu kua Nzambi bu tshivulukidi.

Bienzedi 11:29

Bayidi bonso, muntu ne tshiakadiye nʼatshi muntu ne tshiakadiye batshi, bakahangidisha bua kukuatshisha nʼabi bana babo ba mu Kilisto ba mu Yudaya;

Rome 12:13

Nukuatshishe basanto ne bintu bidibo bakengela; nusankidile benyi misangu yonso.

2 Korente 9:1

Bualu bua kukuatshishangana kua basanto, tshiena ne bualu bua kunufundila.

Ngalate 5:13

Bualu bua nuenu, bana betu, nuakabikidibua bua budishikaminyi; kadi nudimuke ne budishikaminyi buenu kabulu tshia kusankisha nʼatshi mubidi, kadi bualu bua dinanga dienu nukuatshilangane mudimu.

Ngalate 5:6

Bualu bua mu Kilisto Yesu, bikala muntu mutengula anyi bikaleye kai mutengula, kakuena bualu, kadi anu ditabusha didi dienza malu mu luse.

Ngalate 6:10

Nunku hatudi bamanye mua kuenza, tuenzelai bantu bonso bimpe, kadi tutambe kuenzela bena diku dia bena kuitabusha bimpe.

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

Kolose 3:17

Ne malu onso anudi nuenza, ne mu mei ne mu bienzedi, enzai onso mu dina dia Mukelenge Yesu; nusakidile Nzambi Tatu bua bualu buandi.

1 Tesalonike 1:3

katui tulekela kuvuluka mudimu wenu wa ditabusha ne mudimu wenu mukole wa dinanga ne dinanukila dienu dia mu ditekemena dia Mukelenge wetu Yesu Kilisto, ku mesu kua Nzambi udi kabidi Tatu wetu.

1 Timote 6:18

Bobo benzele bakuabo bimpe, bikale ne bubanshi bua bienzedi bimpe; badilongolole bua kuhangana bintu; basue kuikala ne bakuabo luse;

2 Timote 4:8

tshidi ku mpala mpindiu ntshifulu tshia butumbi tshia buakane bua Nzambi tshintekela, tshialua Mukelenge mulumbuludi muakane kumpa ditutu diadia; kena utshîmpa anu meme, kadi neashihe bonso kabidi badi basue dimueneka diandi.

Ebrewu 10:32

Kadi nuvuluke matuku a diambedi munkatshi muau munuakatantamana mu diluangana dikole dia mu makenga, hanuakamana kutokeshibua mu munya;

Ebrewu 13:16

Kadi kanuhu muoyo bua kuenzelangana bimpe ne bua kukuatshishangana; bua Nzambi udi usanka ne milambu ya nunku.

1 Yone 1:9

Bituatonda mibi yetu, yeye udi wa kueyemenyibua ne udi ne buakane bua kubuikidila mibi yetu, ne bua kutulengesha ku malu mabi onso.