Ebrewu 2:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bua bualu buakadi buakane kudiye, bua bualu buandi bintu bionso bidiku, ne bintu bionso bidi bifukibua ku bukole buandi, hakalomboleye bana ba bungi ku butumbi, bua kuvuisha kapitene ka luhandu luabo mu buakane buonso ku makenga.

MUKANDA WA MYIDI MUKULU

¹⁰ Bualu Mvidi Mukulu — udi mufuke bionsu, kabidi udibu bafukila bionsu — uvua ne bua kupitshisha Yezu mu makenga bua kumufikisha ku bujima buende, bua amone mua kubueja bana bende bavule mu butumbi buende. Bualu Yezu ke udi ubafikisha ku lupandu.

Ebrewu 2:10 교차 참조

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

Nsumuinu 16:4

Yehowa wakafuka tshintu tshionso ne kafukila katshi; e, wakalongoluela muntu mubi dituku dia dikenga.

Yeshaya 43:21

bantu banakudifukila bua bualu buanyi, bua bobo baleshe bonso butumbi buanyi.

Yeshaya 55:4

Monai, nakamusungula bu mumanyi wanyi kudi bantu, bu mukokeshi wabo ne kapitene ka bantu.

Osheya 8:10

Nansha biadiabo bulunda ne ba munkatshi mua bisamba bia bantu, nembasangishe kabidi tshituha tshihi, nebabange kukenga muinshi mua tshikokedi tshia mukelenge wa bakokeshi.

Mika 2:13

Muhandi wa lumbu neadianjile ku mpala kuabo; nebabande lumbu ne nebahitshile mu nshila wa ku tshibi, nebahatukilemu. Mukelenge wabo neadianjile ku mpala kuabo, ne Yehowa neikale ku mutu kuabo.

Dibadika 7:15

ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

Luke 13:32

Yeye wakabambila ne, Yai bienu nuambile nyama au wa budimu ne, Lelu ne makelela ndi ngumusha bademon munda mua bantu, ndi nmana masama a bantu, maihi nenshikishe mudimu wanyi.

Luke 2:14

Butumbi buikale kudi Nzambi mu diulu, Ditalala dikale hanshi ha buloba munkatshi mua bantu badi basankisha Nzambi.

Luke 24:26

Kabiakadi bimpe bia Kilisto kukengeye mu malu â ne bua kubueleye mu butumbi buandi, anyi?

Luke 24:46

Yeye wakabambila ne, Bakafunda ne, Mbimpe bia Kilisto kukengeye ne kubikeye ku lufu hahita matuku asatu;

Yowanane 11:52

yeye kakafuila anu tshisamba tshimue, kadi wakafuila bua kusangisha mu tshisumbu tshimue bana ba Nzambi bakadi batangadike.

Yowanane 19:30

Hakangateye nvinega, wakamba ne, Bualu buakushika; wakinyika mutu, wakahuola muoyo.

Bienzedi 3:15

nuakushiha Mukelenge wa muoyo, wakabishabo ku lufu kudi Nzambi, tuetu tudi bamanyi ba bualu ebu.

Bienzedi 5:31

Nzambi wakamubisha ne tshianza tshiandi tshîa balume bua kuikaleye Mukelenge ne Musungidi, ne bua kuheye Isalele kukudimuna kua mitshima ne kujimisha kua mibi.

Rome 11:36

Bualu bua bintu bionso biakafuma kudiye, bidiku bua bualu buandi, bidi bikala anu kudiye. Butumbi buikale kudiye tshiendelele! Amen.

Rome 9:23

ne bua kumanyisha bantu bua bubanshi bua butumbi buandi ku bifuadi bilesha luse biakadianjileye kulongolola ku butumbi,

1 Korente 2:7

Kadi tudi tuamba meshi a Nzambi mu bualu busokoka, meshi mene akadi masokoka, akadianjila Nzambi kusungula ku mpala kua bikondo bionso bua butumbi buetu.

1 Korente 8:6

kadi ku mesu kuetu Nzambi umue udiku, Tatu mene; bintu bionso biakafuma kudiye, ne tuetu tudiku bua bualu buandi; ne Mukelenge umue, Yesu Kilisto, bintu bionso mbua bualu buandi ne tuetu tudi bua bualu buandi kabidi.

2 Korente 3:18

Kadi buonso buetu, katui ne tshilulu tshikudika ha mpala, tudi tutangila bu mu ludimuenu butumbi bua Mukelenge, tudi tuandamushibua mu tshifuanyikishi tshiotshimue ku butumbi ne ku butumbi; bu mudi kudi Mukelenge Nyuma.

2 Korente 4:17

Bualu bua dikenga dietu dikese dia tshituha tshihi didi ditamba kutuenzeshela bujitu bua butumbi bua tshiendelele musangu ne musangu;

2 Korente 5:18

Kadi malu onso adi afuma kudi Nzambi, wakatulengesha kudiye bualu bua Kilisto wakatuha mudimu wa kulengeshisha bakuabo kudiye:

2 Korente 6:18

Nengikale kunudi bu Tatu, ne nuenu nenuikale kundi bu bana balume ne bana bakashi, Mudi muamba Nzambi wa Bukole Buonso.

Ngalate 3:26

Bua buonso buetu tudi bana ba Nzambi bua ditabusha dia mu Kilisto Yesu.

Efeze 2:7

bua mu bikondo bilualua yeye aleshe bubanshi butambe bua ngasa wandi mu luse ludiye nʼalu kutudi mu Kilisto Yesu.

Efeze 3:10

bua ekelesia amanyishe bakelenge ne bakokeshi badi mu miaba ya mu diulu meshi mavula a Nzambi;

Kolose 3:4

Hamueneshibua Kilisto udi muoyo wetu, hashishe nuenu kabidi nenumueneshibue nʼandi mu butumbi.

2 Timote 2:10

Nunku ndi nkankamana mu malu makole onso bua muanda wa bantu basungula, bua bobo bangate luhandu lua mu Kilisto Yesu ne butumbi bua tshiendelele.

Ebrewu 12:2

batangila kudi Yesu, mubandi ne mushikishi wa ditabusha dietu, yeye, bua disanka diakatekibua ku mpala kuandi, wakakankamana hakakengeye ka mutshi mutshiamakane, wakalengulula bundu, ne wakushikama ku tshianza tshikole tshia nkuasa wa butumbi wa Nzambi.

Ebrewu 6:20

kuakabuela Yesu bu mudianjidi bua bualu buetu, mumane kulua muakuidi mimene tshiendelele wa ku mulongo wa Melekisedeke.

Ebrewu 7:26

Bua muakuidi munene wa nunku wakadi mutukumbane, wa tshijila, kai ne bubi, kai mubiha, mutahuluke kudi bantu babi, muvuishibue ha mutu ha mulu;

Ebrewu 7:28

Bua mikenshi idi iteka bantu mu buakuidi bunene, bobo bikale ne butekete; kadi dî dia kuditshiha, diakadi ku nyima kua mikenshi, didi diteka Muana, udi mufuishibue muakane mujalame tshiendelele.

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.

1 Petro 5:1

Nunku ndi nsengelela bakulu badi munkatshi muenu, ndi bianyi mukulu nʼabo, ne mumanyi wa makenga a Kilisto, ne muangatshi wa butumbi budi buamba kubuluibua, ne,

1 Petro 5:10

Ne Nzambi wa ngasa yonso, wakanubikila mu butumbi buandi bua tshiendelele bua mu Kilisto, hanuamana kukenga musangu muihi, yeye muine neanuakashe tshishiki, neanujadike, neanukoleshe.

Didimanyisha 4:11

Wewe, Mukelenge wetu ne Nzambi wetu, udi muakane bua kuangata butumbi ne buneme ne bukole; bualu bua wewe wakafuka bintu bionso, ne bualu bua disua diebe biakadiku, ne biakafukibua.

Didimanyisha 7:9

Ku nyima kua malu a nakatangila, ne mona, tshisumbu tshinene tshia bantu tshiakadi muntu kai mua kubala, munkatshi mua ditunga dionso, ne munkatshi mua bisamba bionso, ne bantu bonso, ne miaku yonso, bimana ku mpala kua nkuasa wa butumbi ne ku mpala kua Muana wa Mukoko, baluatshishibue maye, ka matoke, bikale ne malala a mabue mu bianza biabo.