Ebrewu 13:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi kanuhu muoyo bua kuenzelangana bimpe ne bua kukuatshishangana; bua Nzambi udi usanka ne milambu ya nunku.

MUKANDA WA MYIDI MUKULU

¹⁶ Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.

Ebrewu 13:16 교차 참조

Misambu 37:3

Eyemena Yehowa ne enza malu mimpe; nunku neushikame mu buloba, neudie bia kudia mu dimueyemena diebe.

Misambu 51:19

Hashishe, newikale ne disanka bua milambu mifidibue mu buakane, neusanke bua milambu ya kuosha ha kahia ne ya nyama ya kuosha mijima. Hashishe, nebafile bana balume ba ngombe ha tshioshelu tshiebe.

Luke 18:22

Hakunvua Yesu dî adi, wakamuambila ne, Bualu bumue mbukushala; uhane biudi nʼabi bionso, ubiabanyine bantu bahele, newikale ne bintu mu tshibutshilu mu diulu; ulue kundonda meme.

Bienzedi 10:38

nudi bamanye kabidi bualu bua Yesu wa mu Nazaleta bu muakamuela Nzambi Nyuma Muimpe ne bukole; yeye wakendakana wenza malu mimpe, wondaha ukolesha bonso bakadi bakengeshibua kudi diabolo, bua Nzambi wakadi nʼandi.

Bienzedi 9:36

Mu Yopa muakadi muyidi mukashi, dina diandi Tabita, kukudimuna mu muaku wa Bena Gelika ne, Dôka. Mukashi eu wakadi ne midimu mimpe ya bungi ne luse biakenzelenzeleye bantu,

Rome 12:13

Nukuatshishe basanto ne bintu bidibo bakengela; nusankidile benyi misangu yonso.

Ngalate 6:10

Nunku hatudi bamanye mua kuenza, tuenzelai bantu bonso bimpe, kadi tutambe kuenzela bena diku dia bena kuitabusha bimpe.

Ngalate 6:6

Muntu udi uyishibua bualu bua Nzambi akuatshishe muyishi wandi ne bintu bimpe bionso.

Efeze 4:28

Muntu wakuiba, alekele kuiba; kadi akuate mudimu, enze budi buimpe ne bianza biandi, bua yeye ikale ne tshia kuheye udi utshikengela.

Filipe 4:14

Kadi nuenu nuakenza bimpe hanuakadi nʼanyi ne buobumue mu dikenga dianyi.

Filipe 4:18

Kadi ndi ne bintu bionso ne bitamba; nakukuta bualu bua nakangata bintu kudi Epafodito biakafuma kunudi, muhuya wa dihembu dimpe, mulambu muitabushibue, udi usankisha Nzambi.

1 Tesalonike 5:15

Numone ne muntu kahingishidi mukuabo bubi ku bubi buandi; kadi misangu yonso nulondelangane malu adi mimpe muntu ne muntu, ne kudi bonso.

2 Tesalonike 3:13

Kadi nuenu, bana betu, kabiteketshi mu kuenza kua malu mimpe.

1 Timote 6:18

Bobo benzele bakuabo bimpe, bikale ne bubanshi bua bienzedi bimpe; badilongolole bua kuhangana bintu; basue kuikala ne bakuabo luse;

Filemone 1:6

bua buobumue buetu nʼebe mu ditabusha buenzeshe dimanya dilelela dia malu mimpe onso adi munda muenu, bualu bua Kilisto,

Ebrewu 6:10

Bualu bua Nzambi kena uhanga buakane bua kuhueye muoyo wa mudimu wenu ne wa dinanga dinuakalesha bua dina diandi, hanuakakuatshila basanto mudimu ne hanutshidi nubakuatshishau.

3 Yone 1:11

Munanga, kuidikishi bualu budi bubi, kadi idikisha bualu budi buimpe. Muntu utu wenza bimpe udi wa Nzambi; muntu utu wenza bibi, kena muanze kumona Nzambi.